ആഷസിലെ ആദ്യ ടെസ്റ്റിൽ മത്സരം അവസാന ദിവസത്തിലേക്ക് കടക്കുമ്പോള്‍ ആവേശകരമായ അന്ത്യമാണ് എഡ്ജ്ബാസ്റ്റണില്‍ ക്രിക്കറ്റ് ലോകം കാത്തിരിക്കുന്നത്. ഇന്ന് ഇംഗ്ലണ്ടിനെ രണ്ടാം ഇന്നിംഗ്സിൽ 273 റൺസിന് പുറത്താക്കിയ ശേഷം 281 റൺസ് തേടിയിറങ്ങിയ ഓസ്ട്രേലിയ നാലാം ദിവസം അവസാനിക്കുമ്പോള്‍ 107/3 എന്ന നിലയിലാണ്.
ഡേവിഡ് വാര്‍ണര്‍, മാര്‍നസ് ലാബൂഷാനെ, സ്റ്റീവ് സ്മിത്ത് എന്നിവരുടെ വിക്കറ്റുകള്‍ ടീമിന് നഷ്ടമായപ്പോള്‍ ഓസ്ട്രേലിയന്‍ പ്രതീക്ഷ ഉസ്മാന്‍ ഖവാജയിലാണ്. ഖജാവ 34 റൺസും നൈറ്റ് വാച്ച്മാന്‍ സ്കോട്ട് ബോളണ്ട് 13 റൺസും നേടി ക്രീസില്‍ നിൽക്കുകയാണ്. ഇംഗ്ലണ്ടിനായി സ്റ്റുവര്‍ട് ബ്രോഡ് രണ്ട് വിക്കറ്റ് നേടി.
