ഓസ്ട്രേലിയന്‍ ബൗളിംഗ് യൂണിറ്റ് സുസജ്ജം, ആഷസിനു തയ്യാര്‍

കഴിഞ്ഞ തവണ ആഷസിനു വേണ്ടി ഇംഗ്ലണ്ട് സന്ദര്‍ശിച്ചതിലും ശക്തമാണ് ഓസ്ട്രേലിയയുടെ ഫാസ്റ്റ് ബൗളര്‍മാരെന്ന് പറഞ്ഞ് പാറ്റ് കമ്മിന്‍സ്. ഇത്തവണ ആഷസിനു സസുജ്ജമാണെന്നാണ് പാറ്റ് കമ്മിന്‍സ് അഭിപ്രായപ്പെടുന്നത്. 2015ല്‍ ടീമിലുണ്ടായിരുന്നുവെങ്കിലും അന്ന് അവസരം ലഭിക്കാതിരുന്ന താരമാണ് പാറ്റ് കമ്മിന്‍സ്. അന്ന് കളിച്ചവരില്‍ മിച്ചല്‍ ജോണ്‍സണും പീറ്റര്‍ സിഡിലും ഇപ്പോള്‍ ടീമില്‍ അവസരം ലഭിക്കുന്നില്ലെങ്കിലും മിച്ചല്‍ സ്റ്റാര്‍ക്കിനും ജോഷ് ഹാസല്‍വുഡിനുമൊപ്പം പന്തെറിയുന്ന താരമാണ് പാറ്റ് കമ്മിന്‍സ്.

ഇത്തവണ ഓസ്ട്രേലിയയുടെ മികച്ച ക്രിക്കറ്റ് താരത്തിനുള്ള അലന്‍ ബോര്‍ഡര്‍ പുരസ്കാരം നേടിയ താരം കൂടിയാണ് പാറ്റ് കമ്മിന്‍സ്. മികച്ച ഫോമില്‍ കളിക്കുന്ന പാറ്റ് കമ്മിന്‍സിനൊപ്പം സ്റ്റാര്‍ക്കും ഹാസല്‍വുഡും ഫോമിലേക്കുയര്‍ന്നാല്‍ ഇംഗ്ലണ്ടിനെ വെള്ളം കുടിപ്പിക്കുവാന്‍ പോന്ന ടീമായി ഓസ്ട്രേലിയ മാറും. സ്റ്റീവന്‍ സ്മിത്തും ഡേവിഡ് വാര്‍ണറും വിലക്ക് കഴിഞ്ഞെത്തും എന്നതും ടീമിനെ കൂടതല്‍ ശക്തമാക്കുന്നു.