അര്‍ജ്ജുന്‍ ടെണ്ടുല്‍ക്കറിന്റെ ബൗളിംഗ് ആക്ഷന്‍ വളരെ മികച്ചതാണെന്ന് പറഞ്ഞ് മലയാളി താരം ശ്രീശാന്ത്. യുവ താരം മികച്ച റിഥത്തിനും ഉടമയാണെന്നും അധികം വൈകാതെ ഇന്ത്യന്‍ ടീമില്‍ സ്ഥാനം ഉറപ്പിക്കുമെന്നും ശ്രീശാന്ത് വ്യക്തമാക്കി.
ശ്രീശാന്ത് സച്ചിന്റെ ജന്മദിനം ആശംസിച്ച് നല്‍കിയ ട്വീറ്റിന് മറുപടിയായി സച്ചിന്‍ നല്‍കിയ ട്വീറ്റിന് മറുപടി നല്‍കവേയാണ് ശ്രീശാന്ത് അര്‍ജ്ജുന്‍ ടെണ്ടുല്‍ക്കറിന്റെ ആക്ഷനെക്കുറിച്ചും ഇന്ത്യന്‍ ടീമില്‍ താരം അധികം വൈകാതെ കളിക്കുമെന്നുതും പറഞ്ഞത്.
Thanks for the wishes Sree! My best wishes to you and everyone at home. Stay healthy Stay safe.
— Sachin Tendulkar (@sachin_rt) April 27, 2020
20 വയസ്സുള്ള അര്‍ജ്ജുന്‍ ടെണ്ടുല്‍ക്കര്‍ മുംബൈ അണ്ടര്‍ 19 ടീമില്‍ 2019ല്‍ കളിച്ചിരുന്നു. ശ്രീശാന്താകട്ടേ ബിസിസിഐയുടെ ആജീവനാന്ത വിലക്ക് സുപ്രീം കോടതി ഏഴ് വര്‍ഷമാക്കി കുറച്ചതോടെ ക്രിക്കറ്റിലേക്ക് ഈ വര്‍ഷം സെപ്റ്റംബറിന് ശേഷം മടങ്ങിയെത്താനാകുമെന്ന പ്രതീക്ഷയിലാണ്.
Thanks a lot Sachin Paaji..u made my day, great to hear from you..love and warm regds to all at home..nd great to c Arjun doing well ..he is got a brilliant action nd great rhythm..he will surly play for 🇮🇳✌🏻🤗🤗🤗
— Sreesanth (@sreesanth36) April 27, 2020
2011ല്‍ ആണ് ശ്രീശാന്ത് അവസാനമായി അന്താരാഷ്ട്ര മത്സരം കളിച്ചത്. എല്ലാ ഫോര്‍മാറ്റുകളിലുമായി താരം 169 വിക്കറ്റ് നേടിയിട്ടുണ്ട്.
