കൊളംബോ ടെസ്റ്റില്‍ ശ്രീലങ്കയ്ക്കെതിരെ ഇംഗ്ലണ്ട് ജെയിംസ് ആന്ഡേഴ്സണ് വിശ്രമം നല്‍കുവാന്‍ തീരുമാനിച്ചു. താരത്തിനു പകരം സ്റ്റുവര്‍ട് ബ്രോഡ് ടീമില്‍ എത്തുമെന്നും ടീം മാനേജ്മെന്റ് അറിയിച്ചു. ശ്രീലങ്കയിലെ നാല് ഇന്നിംഗ്സുകളിലായി 41 ഓവറുകള്‍ മാത്രമാണ് ആന്ഡേഴ്സണ് എറിഞ്ഞത്. സ്പിന്നര്‍മാര്‍ക്ക് കൂടുതല്‍ ആനുകൂല്യം നല്‍കിയ പിച്ചുകളായിരുന്നു ഗോളിലും കാന്‍ഡിയിലും ഒരുക്കപ്പെട്ടത്.
ജാക്ക് ലീഷ്, മോയിന്‍ അലി എന്നിവര്‍ ഇംഗ്ലണ്ടിനും ശ്രീലങ്കയ്ക്കായി ദില്‍രുവന്‍ പെരേരയുമാണ് വിക്കറ്റുകള്‍ ഏറ്റവും അധികം നേടിയിട്ടുള്ളത്. മോയിന്‍ അലിയും പെരേരയും 14 വീതം വിക്കറ്റ് നേടിയപ്പോള്‍ ജാക്ക് ലീഷിനു 13 വിക്കറ്റാണ് ലഭിച്ചത്.
