ഡിക്ക്വെല്ലയുടെ ശതകം നിഷേധിച്ച് ജെയിംസ് ആന്‍ഡേഴ്സണ്‍, ശ്രീലങ്കയ്ക്ക് മികച്ച സ്കോര്‍

Sports Correspondent

Download the Fanport app now!
Appstore Badge
Google Play Badge 1

വീണ്ടുമൊരു അഞ്ച് വിക്കറ്റ് നേട്ടം ഇംഗ്ലണ്ട് പേസര്‍ ജെയിംസ് ആന്‍ഡേഴ്സണ്‍ സ്വന്തമാക്കിയപ്പോള്‍ ഇംഗ്ലണ്ടിനെതിരെ ശതകം നേടുവാനുള്ള അവസരം എട്ട് റണ്‍സ് അകലെ നഷ്ടമായി ശ്രീലങ്കയുടെ നിരോഷന്‍ ഡിക്ക്വെല്ല. ഇന്ന് മത്സരത്തിന്റെ രണ്ടാം ദിവസം രണ്ടാം സെഷനുള്ളില്‍ തന്നെ ശ്രീലങ്ക 381 റണ്‍സില്‍ ഓള്‍ഔട്ട് ആയി. ജെയിംസ് ആന്‍ഡേഴ്സണ്‍ തന്റെ 30ാമത്തെ അഞ്ച് വിക്കറ്റ് നേട്ടമാണ് ഇന്ന് സ്വന്തമാക്കിയത്.

229/4 എന്ന നിലയില്‍ ബാറ്റിംഗ് പുനരാരംഭിച്ച ശ്രീലങ്കയ്ക്ക് 3 റണ്‍സ് കൂടി നേടുന്നതിനിടെ മാത്യൂസിനെ നഷ്ടമായി.110 റണ്‍സ് നേടിയ ആഞ്ചലോ മാത്യൂസിനെ ജെയിംസ് ആന്‍ഡേഴ്സണ്‍ വീഴ്ത്തി. രമേശ് മെന്‍ഡിസിന്റെ വിക്കറ്റ് മാര്‍ക്ക് വുഡ് നേടിയതോടെ ലങ്ക 243/6 എന്ന നിലയിലായി.

Screenshot From 2021 01 23 14 31 46

പിന്നീട് നിരോഷന്‍ ഡിക്ക്വെല്ലയും ദില്‍രുവന്‍ പെരേരയും ചേര്‍ന്ന് 89 റണ്‍സ് കൂട്ടുകെട്ട് ആതിഥേയര്‍ക്കായി ഏഴാം വിക്കറ്റില്‍ നേടിയെങ്കിലും 92 റണ്‍സ് നേടിയ ഡിക്ക്വെല്ലയെ പുറത്താക്കി ജെയിംസ് ആന്‍ഡേഴ്സണ്‍ തന്റെ അഞ്ച് വിക്കറ്റ് നേട്ടം സ്വന്തമാക്കി. അതേ ഓവറില്‍ സുരംഗ ലക്മലിന്റെ വിക്കറ്റം ആന്‍ഡേഴ്സണ്‍ നേടി.

67 റണ്‍സ് നേടി പെരേരയാണ് അവസാന വിക്കറ്റായി മടങ്ങിയത്. ഇന്നിംഗ്സില്‍ ജെയിംസ് ആന്‍ഡേഴ്സണ്‍ ആറ് വിക്കറ്റ് നേടിയപ്പോള്‍ മാര്‍ക്ക് വുഡിന് മൂന്ന് വിക്കറ്റ് ലഭിച്ചു.