പരമ്പരയുടെ ഫലത്തെ നിര്‍ണ്ണയിക്കുക അല്‍സാരിയുടെ പ്രകടനം

- Advertisement -

ഇംഗ്ലണ്ട് വിന്‍ഡീസ് പരമ്പരയുടെ ഫലം നിര്‍ണ്ണയിക്കുന്നത് അല്‍സാരി ജോസഫിന്റെ പ്രകടനമായിരിക്കുമെന്ന് പറഞ്ഞ് വിന്‍ഡീസ് മുഖ്യ കോച്ച് ഫില്‍ സിമ്മണ്‍സ്. വിന്‍ഡീസ് പേസര്‍മാരുടെ മികവിലാവും പരമ്പര നിര്‍ണ്ണയിക്കപ്പെടുവാനുള്ള സാധ്യതയെന്നും അതില്‍ തന്നെ അല്‍സാരി ജോസഫിന്റെ പ്രകടനം ആവും ഏറെ പ്രാധാന്യമെന്നും ഫില്‍ സിമ്മണ്‍സ് വ്യക്തമാക്കി.

കെമര്‍ റോച്ച്, ഷാനണ്‍ ഗബ്രിയേല്‍, ജേസണ്‍ ഹോള്‍ഡര്‍ എന്നിവരാണ് ഞങ്ങളുടെ പ്രധാന ബൗളര്‍മാര്‍ എന്നാല്‍ അല്‍സാരി ജോസഫിന്റെ ബൗളിംഗ് പ്രകടനം ആവും പരമ്പര നിര്‍ണ്ണയിക്കുന്നതില്‍ ഏറ്റവും പ്രധാനമെന്ന് സിമ്മണ്‍സ് വ്യക്തമാക്കി.

തനിക്ക് ബാറ്റ്സ്മാന്മാരുടെ പ്രകടനത്തില്‍ അത്ര വ്യാകുലതയില്ലെന്നും അവര്‍ കഠിന പ്രയത്നം നടത്തിയിട്ടുണ്ടെന്നും അതിനാല്‍ തന്നെ മത്സരത്തില്‍ അത് ഉപകാരപ്പെടുമെന്നും ഫില്‍ സിമ്മണ്‍സ് വ്യക്തമാക്കി.

Advertisement