ക്രിക്കറ്റ് ഓസ്ട്രേലിയ നല്‍കുന്ന അലന്‍ ബോര്‍ഡര്‍ മെഡലുകള്‍ പ്രഖ്യാപിച്ചു. നഥാന്‍ ലയണിനെ ആറ് വോട്ടുകള്‍ക്ക് പിന്തള്ളി സ്റ്റീവന്‍ സ്മിത്ത് ആണ് ടെസ്റ്റ് താരമായി തിരഞ്ഞെടുക്കപ്പെട്ടത്. സ്മിത്തിനു തന്നെയാണ് അലന്‍ ബോര്‍ഡര്‍ മെഡലും ലഭിച്ചത്. ഡേവിഡ് വാര്‍ണര്‍ മികച്ച ഏകദിന താരത്തിനുള്ള മെഡല്‍ സ്വന്തമാക്കി. സ്റ്റീവ് സ്മിത്ത്, മാര്‍ക്കസ് സ്റ്റോയിനിസ് എന്നിവരാണ് പട്ടികയിലുണ്ടായിരുന്നു മറ്റു താരങ്ങള്‍.
ബെത്ത് മൂണിയാണ് മികച്ച പ്രാദേശിക താരമായി തിരഞ്ഞെടുക്കപ്പെട്ടത്. 2017 സീസണില്‍ മുഴുവന്‍ താരം മികച്ച പ്രകടനമാണ് കാഴ്ചവെച്ചത്. പുരുഷ വിഭാഗത്തില്‍ ജോര്‍ജ്ജ് ബെയിലിയ്ക്കാണ് ഈ അവാര്‍ഡ്. ആഡം സംപ, മോയിസസ് ഹെന്‍റികസ് എന്നിവരെ പിന്തള്ളി ആരോണ്‍ ഫിഞ്ച് മികച്ച ടി20 താരമായി തിരഞ്ഞെടുക്കപ്പെട്ടു.
ബെറ്റി വില്‍സണിന്റെ പേരിലുള്ള മികച്ച വനിത യുവ ക്രിക്കറ്ററായി ജോര്‍ജ്ജിയ റെഡ്മൈന്‍ സ്വന്തമാക്കി. ജൈ റിച്ചാര്‍ഡ്സണാണ് പുരുഷ വിഭാഗത്തിലെ മികച്ച യുവ താരം.
ബെലിന്‍ഡ ക്ലാര്‍ക്ക് അവാര്‍ഡ് എല്‍സെ പെറിക്കാണ് സ്വന്തം. 2016ലും അവാര്‍ഡ് പെറി സ്വന്തമാക്കിയിരുന്നു. ബെത്ത് മൂണിയെ പിന്തള്ളിയാണ് എല്‍സെ പെറി ഈ നേട്ടം ഈ വര്‍ഷം സ്വന്തമാക്കിയത്.
കൂടുതൽ കായിക വാർത്തകൾക്ക് : www.facebook.com/FanportOfficial
