മുംബൈ ടെസ്റ്റിന്റെ ആദ്യ ദിവസം അവസാനിക്കുമ്പോള്‍ 70 ഓവറിൽ 221/4 എന്ന നിലയിൽ ഇന്ത്യ. ടോസ് നേടി ബാറ്റിംഗ് തിരഞ്ഞെടുത്ത് ഇന്ത്യയുടെ ഓപ്പണര്‍മാര്‍ 80/0 എന്ന നിലയിൽ മികച്ച തുടക്കം നല്‍കിയെങ്കിലും അജാസ് പട്ടേല്‍ മൂന്ന് വിക്കറ്റുകള്‍ രണ്ടോവര്‍ വ്യത്യാസത്തിൽ നേടിയപ്പോള്‍ ഇന്ത്യ 80/3 എന്ന നിലയിലേക്ക് വീണു.
തുടര്‍ന്ന് ശ്രേയസ്സ് അയ്യരുമായി ചേര്‍ന്ന് മയാംഗ് അഗര്‍വാള്‍ 80 റൺസ് നാലാം വിക്കറ്റിൽ നേടിയെങ്കിലും അജാസ് പട്ടേൽ ശ്രേയസ്സ് അയ്യരുടെ വിക്കറ്റും നേടി. 18 റൺസാണ് ശ്രേയസ്സ് അയ്യര്‍ നേടിയത്.
ഒന്നാം ദിവസം അവസാനിക്കുമ്പോള്‍ മയാംഗും സാഹയും ചേര്‍ന്ന് 61 റൺസ് അ‍ഞ്ചാം വിക്കറ്റിൽ നേടിയിട്ടുണ്ട്. മയാംഗ് 120 റൺസും വൃദ്ധിമന്‍ സാഹ 25 റൺസും ആതിഥേയര്‍ക്കായി നേടി ക്രീസിൽ നില്‍ക്കുകയാണ്.
