“എന്ത് വില കൊടുത്തും ഇന്ത്യയെ സെമിയിൽ എത്തിക്കാൻ ആണ് ഐ സി സി ശ്രമിക്കുന്നത്” – അഫ്രീദി

ഇന്ത്യയെ ഐ സി സി സഹായിക്കുക ആണെന്ന വാദവുമായി മുൻ പാകിസ്താൻ ഓൾ റൗണ്ടർ ഷഹീദ് അഫ്രീദി. ഐ സി സിക്ക് ഇന്ത്യ സെമിയിൽ എത്തണം എന്ന് ഉറപ്പിക്കേണ്ടതുണ്ട്. അതാണ് ബംഗ്ലാദേശിനെതിരായ മത്സരത്തിൽ മഴ പെയ്ത ശേഷം ഗ്രൗണ്ട് നനഞ്ഞിരിക്കുമ്പോൾ തന്നെ കളി പുനരാരംഭിച്ചത് എന്ന് അഫ്രീദി പറഞ്ഞു. ഐ സി സിക്ക് എന്നും ഇന്ത്യയോട് ആണ് സ്നേഹം എന്നും അഫ്രീദി പറഞ്ഞു.

അഫ്രീദിPicsart 22 11 04 13 16 33 371

എന്ത് വില കൊടുത്തും ഇന്ത്യയെ സെമിയിൽ എത്തിക്കാൻ ആണ് ഐ സി സി ശ്രമിക്കുന്നത്. ഇന്ത്യ പാകിസ്താൻ മത്സരം നിയന്ത്രിച്ച അമ്പയർമാരും ഇതുപോലെ ആയിരുന്നു. ഈ അമ്പയർമാർക്ക് മികച്ച അമ്പയർക്കുള്ള പുരസ്കാരം ലഭിക്കും എന്നും അദ്ദേഹം പറഞ്ഞു.

ഇത്ര മഴ പെയ്ത ഗ്രൗണ്ടിൽ ഇത്ര വേഗം മത്സരം പുനരാരംഭിക്കില്ല. പക്ഷെ ഇന്ത്യ കളിക്കുന്നത് കൊണ്ട് ഐ സി സിയും സമ്മർദ്ദത്തിൽ ആണ്. അഫ്രീദി പറഞ്ഞു. ഒരു മൂന്ന് ഓവർ കൂടെ ലിറ്റ‌ ബാറ്റു ചെയ്തിരുന്നെങ്കിൽ ബംഗ്ലാദേശ് വിജയിക്കുമായിരുന്നു എന്നും അദ്ദേഹം കൂട്ടിച്ചേർത്തു.