പരാഗിന് 3 വിക്കറ്റ്, ഇന്ത്യക്ക് എതിരെ 248 റൺസ് ഉയർത്തി ശ്രീലങ്ക

ഇന്ത്യക്ക് എതിരായ മൂന്നാം ഏകദിനത്തിൽ ശ്രീലങ്ക ഇന്ത്യക്ക് മുന്നിൽ 248 എന്ന വിജയ ലക്ഷ്യം വെച്ചു. ഇന്ന് ആദ്യം ബാറ്റു ചെയ്ത ശ്രീലങ്ക 50 ഓവറിൽ 7 വിക്കറ്റ് നഷ്ടത്തിൽ 248 റൺസ് എടുത്തു. അവർക്ക് ഇന്ന് നല്ല തുടക്കം ലഭിച്ചു എങ്കിലും വലിയ സ്കോറിലേക്ക് എത്താതെ അവരെ തടയാൻ ഇന്ത്യക്ക് ആയി.

ഒരു ഘട്ടത്തിൽ 35 ഓവറിൽ 171-1 എന്ന നിലയിൽ ആയിരുന്നു ശ്രീലങ്ക. അവിടെ നിന്ന് അവർക്ക് 248ലേക്ക് മാത്രമെ എത്താനായുള്ളൂ. ശ്രീലങ്കയ്ക്ക് ആയി അവിഷ്ക ഫെർണാണ്ടോ 96 റൺസ് എടുത്ത് ടോപ് സ്കോറർ ആയി. പതും നിസങ്ക 46 റൺസും കുശാൽ മെൻഡിസ് 59 റൺസും എടുത്തു‌.

ഇന്ത്യക്ക് ആയി അരങ്ങേറ്റക്കാരൻ പരാഗ് വിക്കറ്റുമായി തിളങ്ങി.സിറാജ്, അക്സർ പട്ടേൽ, വാഷിങ്ടൺ സുന്ദർ, കുൽദീപ് എന്നിവർ ഒരു വിക്കറ്റും വീഴ്ത്തി.