ശ്രീലങ്കന്‍ ടീമിനെതിരെയുള്ള മത്സരങ്ങള്‍ക്കുള്ള സാധ്യത ടീമില്‍ ഇടം ലഭിയ്ക്കാതെ പാക്കിസ്ഥാന്റെ സീനിയര്‍ താരങ്ങളായ ഷൊയ്ബ് മാലിക്കും മുഹമ്മദ് ഹഫീസും. ഇന്ന് മിസ്ബ ഉള്‍ ഹക്ക് ചീഫ് സെലക്ടറായി തിരഞ്ഞെടുത്ത ആദ്യ സംഘത്തിലാണ് ഈ താരങ്ങള്‍ക്ക് അവസരം നഷ്ടമായത്. ലാഹോറിലെ ദേശീയ ക്രിക്കറ്റ് അക്കാഡമിയില്‍ നടക്കുന്ന പരിശീലന ക്യാമ്പിലേക്കുള്ള 20 അംഗ സംഘത്തെയാണ് ഇപ്പോള്‍ പ്രഖ്യാപിച്ചിരിക്കുന്നത്.
മുഹമ്മദ് ഹഫീസിനും ഷൊയ്ബ് മാലിക്കിനും ഒക്ടോബര്‍ 12 വരെ കരീബിയന്‍ പ്രീമിയര്‍ ലീഗില്‍ കളിക്കുവാനുള്ള അനുമതി കൊടുത്തതിനാലാണ് താരങ്ങളെ പരിഗണിക്കാത്തതെന്നാണ് പിസിബി പത്രക്കുറിപ്പില്‍ വിശദീകരിക്കുന്നത്. ബുധനാഴ്ചയാണ് ക്യാമ്പ് ആരംഭിക്കുക.
സാധ്യത ടീം: Sarfaraz Ahmed, Babar Azam, Abid Ali, Ahmed Shehzad, Asif Ali, Faheem Ashraf, Fakhar Zaman, Haris Sohail, Hasan Ali, Iftikhar Ahmed, Imad Wasim, Imam-ul-Haq, Mohammad Amir, Mohammad Hasnain, Mohammad Nawaz, Mohammad Rizwan, Shadab Khan, Umar Akmal, Usman Shinwari and Wahab Riaz
