EKK Globstar CC സെമി ഫൈനലിൽ

ഓൾ കേരള സെലസ്റ്റിയൽ ട്രോഫി 2025/26 ഫേസ് 1-ൽ ജോളി റോവേഴ്സ് പെരിന്തൽമണ്ണയെ 6 വിക്കറ്റിന് തകർത്ത് EKK Globstar CC സെമി ഫൈനലിൽ പ്രവേശിച്ചു.

ടോസ് നേടി ബാറ്റിംഗ് തിരഞ്ഞെടുത്ത ജോളി റോവേഴ്സിന് EKK Globstar-ൻ്റെ കൃത്യതയാർന്ന ബൗളിംഗിന് മുന്നിൽ പതറുന്നതാണ് കാണാൻ കഴിഞ്ഞത്. എ.പി. കൃഷ്ണ നാരായണൻ (62 പന്തിൽ 84 റൺസ്) പൊരുതി നോക്കിയെങ്കിലും 25.5 ഓവറിൽ 179 റൺസിന് ജോളി റോവേഴ്സ് പുറത്തായി.

EKK Globstar-ന് വേണ്ടി വി. അജിത് 34 റൺസ് വഴങ്ങി 3 വിക്കറ്റുകൾ വീഴ്ത്തി മികച്ച പ്രകടനം കാഴ്ചവെച്ചു. അരുൺ മെലയിൽ, ഹരികൃഷ്ണൻ എന്നിവർ രണ്ട് വിക്കറ്റ് വീതം വീഴ്ത്തി പിന്തുണ നൽകി.

മറുപടി ബാറ്റിംഗിന് ഇറങ്ങിയ EKK Globstar CC വെറും 19.5 ഓവറിൽ ലക്ഷ്യം കണ്ടു. 36 പന്തിൽ നിന്ന് 10 സിക്സറുകൾ ഉൾപ്പെടെ 83 റൺസ് അടിച്ചുകൂട്ടിയ രോഹിത് കെ. രാജേഷ് ആണ് ടീമിൻ്റെ വിജയം എളുപ്പമാക്കിയത്. രോഹിത് തന്നെയാണ് മത്സരത്തിലെ താരം (Player of the Match).