ആദ്യ റൗണ്ട് എളുപ്പമായില്ല, എങ്കിലും നദാൽ മുന്നോട്ട്

ഓസ്‌ട്രേലിയൻ ഓപ്പണിൽ നദാൽ രണ്ടാം റൗണ്ടിലേക്ക്. ഇന്ന് നടന്ന ആദ്യ റൗണ്ട് മത്സരത്തിൽ റാഫേൽ നദാൽ,
ബ്രിട്ടന്റെ ജാക്ക് ഡ്രെപ്പറെ നാല് സെറ്റ് നീണ്ട പോരാട്ടത്തിന് ഒടുവിലാണ് പരാജയപ്പെടുത്തിയത്. റോഡ് ലേവർ അരീനയിൽ നടന്ന മത്സരം 7-5, 2-6, 6-4, 6-1 എന്ന സ്‌കോറിലാണ് അവസാനിച്ചത്.

ആദ്യ സെറ്റിൽ ആയിരുന്നു ഏറ്റവും മികച്ച പോരാട്ടം വന്നത്. 5-4 വരെ ഇരുവർക്കും ആരുടെ സെർവും ബ്രേക്ക് ചെയ്യാൻ ആയിരുന്നില്ല. അവിടെ നിന്നാണ് നദാൽ മുന്നേറി സെറ്റ് സ്വന്തമാക്കിയത്. ഇന്ന് രണ്ട് കളിക്കാരും 46 അൺ ഫോഴ്സ്ഡ് എറർ വരുത്തി, നദാലിന് 41 വിന്നേഴ്സ് ഉണ്ടായിരുന്നു.