ഓസ്ട്രേലിയൻ ഓപ്പൺ വനിതാ കിരീടം സബലെങ്ക സ്വന്തമാക്കി

ഓസ്‌ട്രേലിയൻ ഓപ്പൺ വനിതാ സിംഗിൾസ് കിരീടം സബലെങ്ക സ്വന്തമാക്കി. കസാക്കിസ്ഥാന്റെ എലീന റൈബാകിനയെ പരാജയപ്പെടുത്തിയാണ് ബെലാറസിന്റെ അരിന സബലെങ്ക കിരീടത്തിൽ മുത്തമിട്ടത്.

മെൽബൺ പാർക്കിൽ നടന്ന വനിതാ സിംഗിൾസ് ഫൈനലിലൊരു സെറ്റിന് പിറകിൽ പോയ ശേഷം തിരിച്ചടിച്ചാണ് സെബലങ്ക വിംബിൾഡൺ ചാമ്പ്യൻ റൈബാകിനയെ 4-6, 6-3, 6-4 എന്ന സ്‌കോറിന് തോൽപ്പിച്ചത്‌. 2 മണിക്കൂറും 28 മിനിറ്റും മത്സരം നീണ്ടു നിന്നു. റൈബാകിനയെ നാലു തവണ നേരിട്ട സബലെങ്കയുടെ നാലാമത്തെ വിജയം കൂടിയാണിത്.