ഏഷ്യൻ ഗെയിംസ് ഹോക്കി: ഉസ്ബെക്കിസ്ഥാനെ 19-0 ന് തകർത്തെറിഞ്ഞ് ഇന്ത്യൻ വനിതാ ടീം; വിജയിച്ച് തുടക്കം

ഏഷ്യൻ ഗെയിംസ് വനിതാ ഹോക്കിയിൽ ഇന്ത്യയ്ക്ക് തകർപ്പൻ തുടക്കം. ആദ്യ മത്സരത്തിൽ എതിരില്ലാത്ത 19 ഗോളുകൾക്ക് ഉസ്ബെക്കിസ്ഥാനെ തകർത്തെറിഞ്ഞാണ് ഇന്ത്യൻ വനിതാ ടീം തങ്ങളുടെ ക്യാമ്പയിൻ ആരംഭിച്ചത്.

മത്സരത്തിന്റെ തുടക്കം മുതൽ ഒടുക്കം വരെ പൂണ്ണമായി ആധിപത്യം പുലർത്തിയ ഇന്ത്യൻ ആക്രമണ നിരയ്ക്ക് മുന്നിൽ ഉസ്ബെക്കിസ്ഥാൻ പ്രതിരോധത്തിന് മറുപടി ഒന്നുമുണ്ടായിരുന്നില്ല.

ഇന്ത്യയ്ക്കായി മുന്നേറ്റനിര താരം ദീപിക ഒറ്റയ്ക്ക് 8 ഗോളുകൾ നേടി തകർപ്പൻ പ്രകടനം കാഴ്ചവെച്ചു.
ആദ്യ മിനിറ്റുകളിൽ തന്നെ ലീഡ് ഉയർത്തിയ ഇന്ത്യ ഓരോ ക്വാർട്ടറിലും ഗോളടിച്ചുകൂട്ടി വിജയം ഉറപ്പിച്ചു. ഏഷ്യൻ ഗെയിംസിൽ മെഡൽ നേട്ടം ലക്ഷ്യമിടുന്ന ഇന്ത്യൻ വനിതാ ടീമിന് ഊർജ്ജവും ആത്മവിശ്വാസവും നൽകുന്നതായി ആദ്യ പോരാട്ടത്തിലെ ഈ ആധികാരിക ജയം.