അഫ്ഗാന് സ്പിന്നര്മാര് ലോകത്തിലെ മികച്ചവര്: സര്ഫ്രാസ് അഹമ്മദ്
അഫ്ഗാനിസ്ഥാന് നിരയിലെ സ്പിന്നര്മാര് ലോകത്തിലെ ഏറ്റവും മികച്ചവരെന്ന് പറഞ്ഞ് സര്ഫ്രാസ് അഹമ്മദ്. ഇന്നലെ തന്റെ ടീമിന്റെ അഫ്ഗാനിസ്ഥാനെതിരെയുള്ള പടപൊരുതി നേടിയ വിജയത്തിനു ശേഷമാണ് സര്ഫ്രാസിന്റെ പരമാര്ശം. തങ്ങള് തകര്ന്നിരുന്നുവെന്ന് തുറന്ന് സമ്മതിച്ച പാക്കിസ്ഥാന് നായകന് വിജയത്തിനു ബാബര് അസം, ഇമാം ഉള് ഹക്ക്, ഷൊയ്ബ് മാലിക്ക് എന്നിവര്ക്ക് നന്ദി നല്കി.
അവരുടെ സ്പിന്നര്മാര്ക്കെതിരെ ഈ സാഹചര്യങ്ങളില് 250നു മേലെ റണ്സ് ചേസ് ചെയ്യുക എന്നത് ഏറെ ശ്രമകരമായ കാര്യമായിരുന്നു. ഈ വിജയം ടീമിന്റെ ആത്മവിശ്വാസത്തെ ഏറെയുയര്ത്തുന്നുവെന്നും സര്ഫ്രാസ് അഭിപ്രായപ്പെട്ടു. കഴിഞ്ഞ ഒരു വര്ഷമായി തങ്ങളുടെ ഫീല്ഡിംഗ് ഏറെ മെച്ചപ്പെട്ടുവെന്ന് പറഞ്ഞ പാക്കിസ്ഥാന് നായകന് എന്നാല് ഇന്നലെ തങ്ങള് ഈ മേഖലയില് മോശമായിരുന്നുവെന്നും പറഞ്ഞു.