ലോകോത്തര സ്പിന്നര്മാരുള്ള ടീമാണ് അഫ്ഗാനിസ്ഥാന്, അവരെ വിലക്കുറച്ച് കാണുന്നത് അപകടകരം
അഫ്ഗാനിസ്ഥാന് ക്രിക്കറ്റിലെ പുതുമുഖങ്ങളാണെങ്കിലും അവരെ തങ്ങള് ഒരിക്കലും വിലകുറച്ച് കണ്ടിട്ടില്ലെന്ന് പറഞ്ഞ് ഓസ്ട്രേലിയന് നായകന് ആരോണ് ഫിഞ്ച്. ലോകോത്തര സ്പിന്നര്മാരുള്ള ടീമാണ് അഫ്ഗാനിസ്ഥാന്, അവരെ വിലകുറച്ച് കാണുന്നത് തീകൊണ്ട് കളിയ്ക്കുന്നതിനു തുല്യമാണ്. ഏത് മത്സരമായാലും അല്പം സമ്മര്ദ്ദം അതുണ്ടാകുക തന്നെ ചെയ്യുമെന്നും ഈ ലോകകപ്പിനായി ഞങ്ങള് ഏറെ നാളുകളായുള്ള തയ്യാറെടുപ്പുകള് നടത്തുകയായിരുന്നുവെന്നും ഫിഞ്ച് പറഞ്ഞു.
പവര്പ്ലേയില് വിക്കറ്റുകള് നേടാനാകുന്നത് എന്നും ഗുണകരമാണ്. റണ്ണൗട്ടുകളും വിക്കറ്റുകളും ടീമിനു സഹായകരമായി എന്നും ഫിഞ്ച് പറഞ്ഞു. വാര്ണര് ഫോമിലേക്ക് മടങ്ങിയെത്തിയത് ടീമിനു വലിയ ആശ്വാസമാണെന്ന് പറഞ്ഞ ഫിഞ്ച് വാര്ണര് തുടക്കത്തില് ബുദ്ധിമുട്ടിയെങ്കിലും ഇന്നിംഗ്സ് അവസാനം വരെ കൊണ്ട് പോയത് മികച്ച കാര്യമാണെന്ന് പറഞ്ഞു.