primus mobile
primus mobile

ടീമിൽ മാറ്റങ്ങൾ ഉണ്ടാവും, സൂചന നൽകി രാജസ്ഥാൻ റോയൽസ് ക്യാപ്റ്റൻ സ്റ്റീവ് സ്മിത്ത്

മുംബൈ ഇന്ത്യൻസിനെതിരായ മത്സരത്തിൽ രാജസ്ഥാൻ റോയൽസ് ടീമിൽ മാറ്റങ്ങൾ ഉണ്ടായേക്കുമെന്ന സൂചനകൾ നൽകി ക്യാപ്റ്റൻ സ്റ്റീവ് സ്മിത്ത്. ഇന്ത്യൻ പ്രീമിയർ ലീഗിലെ ആദ്യ രണ്ട് മത്സരങ്ങൾ ജയിച്ച രാജസ്ഥാൻ റോയൽസ് തുടർന്ന് നടന്ന രണ്ട് മത്സരങ്ങളിലും പരാജയപ്പെട്ടിരുന്നു. തുടർന്നാണ് ടീമിൽ മാറ്റങ്ങൾ വന്നേക്കുമെന്ന സൂചന സ്റ്റീവ് സ്മിത്ത് പറഞ്ഞത്.

കഴിഞ്ഞ രണ്ട് മത്സരങ്ങളിലും രാജസ്ഥാൻ റോയൽസിന്റെ പ്ലാനുകൾ ശരിയായില്ലെന്നും എന്നാൽ ടി20 ക്രിക്കറ്റിൽ ഇതെല്ലം സഹജമാണെന്നും സ്റ്റീവ് സ്മിത്ത് പറഞ്ഞു. കഴിഞ്ഞ രണ്ട് മത്സരങ്ങളിലും രാജസ്ഥാൻ റോയൽസ് മികച്ച പ്രകടനമല്ല പുറത്തെടുത്തെന്നും എതിരാളികൾ രണ്ട് കളികളിലും രാജസ്ഥാനെക്കാൾ മികച്ച പ്രകടനമാണ് പുറത്തെടുത്തെന്നും സ്റ്റീവ് സ്മിത്ത് പറഞ്ഞു.

കഴിഞ്ഞ രണ്ട് മത്സരങ്ങളിലും തനിക്ക് വിചാരിച്ച പോലെ റൺസ് കണ്ടെത്താൻ കഴിഞ്ഞില്ലെന്നും എന്നാൽ മുംബൈ ഇന്ത്യൻസിനെതിരെ റൺസ് കണ്ടെത്താൻ കഴിയുമെന്നാണ് തന്റെ പ്രതീക്ഷയെന്നും സ്റ്റീവ് സ്മിത്ത് പറഞ്ഞു. ഇതുവരെ ടീമിനൊപ്പം ചേരാതിരുന്ന ബെൻ സ്റ്റോക്സ് യു.എ.ഇയിൽ എത്തിയാൽ ടീമിനൊപ്പം ഉണ്ടാവുമെന്നും സ്റ്റീവ് സ്മിത്ത് പറഞ്ഞു.