13 വർഷത്തിന് ശേഷം രോഹൻ ബൊപ്പണ്ണ വീണ്ടും യുഎസ് ഓപ്പൺ ഫൈനലിൽ. ഗ്രാൻഡ്സ്ലാം ഫൈനലിലെത്തുന്ന ഏറ്റവും പ്രായംകൂടിയ പുരുഷനായി 43കാരനായ ഇന്ത്യക്കാരൻ ഇന്ന് മാറി. ഡാനിയൽ ബെസ്റ്ററിന്റെ 43 വയസ്സും മൂന്ന് മാസവും പ്രായം ഉള്ളപ്പോൾ ഫൈനലിൽ എത്തിയ റെക്കോർഡ് ആണ് 43 വയസ്സും 6 മാസവും പ്രായമുള്ള ബൊപ്പണ്ണ തകർത്തത്. ഹെർബർട്ട്-മഹട്ട് എന്നിവരെ നേരിട്ടുള്ള സെറ്റുകൾക്ക് പരാജയപ്പെടുത്തിയാണ് ബൊപ്പണ്ണ എബ്ഡൻ സഖ്യം ഫൈനലിലെത്തിയത്. 7-6, 6-2 എന്നായിരുന്നു സ്കോർ.
ക്വാർട്ടർ ഫൈനലിൽ അവർ 15ാം സീഡ് ലാമൺസ് – വിത്രോ സഖ്യത്തെയും നേരിട്ടുള്ള ഗെയിമുകളിലാണ് തോൽപ്പിച്ചത്.7-6, 6-1 എന്ന സ്കോറിനായിരുന്നു അന്നത്തെ വിജയം. രോഹന് ബൊപ്പണ്ണ യുഎസ് ഓപ്പൺ പുരുഷ ഡബിള്സിൽ ഇത് രണ്ടാം തവണയാണ് ഫൈനലിൽ.
