ജോക്കോവിച്ച്, ഫെഡറർ ക്വാർട്ടറിൽ

suhas

Download the Fanport app now!
Appstore Badge
Google Play Badge 1

ഷാങ്ഹായ് മാസ്റ്റേഴ്സ് ടൂർണമെന്റിൽ നൊവാക് ജോക്കോവിച്ച് ക്വാർട്ടറിൽ പ്രവേശിച്ചു. മാർക്കോ ചെച്ചിനാറ്റോയെ നേരിറ്റുള്ള സെറ്റുകൾക്ക് തകർത്താണ് നൊവാക് അവസാന എട്ടിലേക്ക് മുന്നേറിയത്. സ്‌കോർ 6-4,6-0. ക്വാർട്ടറിൽ നൊവാക് ആന്ഡേഴ്സ്നെ നേരിടും. ഒന്നാം സീഡ് റോജർ ഫെഡറർ തുടർച്ചയായ രണ്ടാം മത്സരത്തിലും എതിരാളിക്ക് സെറ്റ് വഴങ്ങി ക്വാർട്ടർ ഉറപ്പാക്കി. ജപ്പാന്റെ നിഷിക്കോരിയാണ് ഫെഡററുടെ എതിരാളി. ആദ്യ സെറ്റിന് ശേഷം ഡെൽപോട്രോ പിന്മാറിയതിനാൽ കോറിച്ചും ക്വാർട്ടർ ഫൈനലിൽ കടന്നിട്ടുണ്ട്.

അലക്‌സാണ്ടർ സ്വരേവ്, മാത്യു എബ്‌ഡൻ, കെയ്ൽ എഡ്മണ്ട് എന്നിവരും അവസാന എട്ടിൽ സ്ഥാനം പിടിച്ചിട്ടുണ്ട്. വർഷാവസാനത്തെ ഒന്നാം സ്ഥാനത്തിനായുള്ള പോരാട്ടത്തിന് മുന്നിലുള്ള നൊവാക് ജോക്കോവിച്ചിനും, റോജർ ഫെഡറർക്കും ഷാങ്ഹായ് കിരീടം ആവശ്യമാണ്. ഒന്നാം നമ്പർ താരം റാഫേൽ നദാൽ പരിക്ക് മൂലം ഈ ടൂർണമെന്റ് കളിക്കുന്നില്ല.