ഇന്ത്യൻ ടെന്നീസ് ഇതിഹാസ താരം സാനിയ മിർസ തന്റെ വിരമിക്കൽ പ്രഖ്യാപിച്ചു. 2023 ഫെബ്രുവരി 19 മുതൽ 26 വരെ നടക്കാനിരിക്കുന്ന ഡബ്ല്യുടിഎ 1000 ദുബായ് ടെന്നീസ് ചാമ്പ്യൻഷിപ്പോടെ വിരമിക്കും എന്നാണ് ഇന്ത്യയുടെ എക്കാലത്തെയും മികച്ച ടെന്നീസ് കളിക്കാരിലൊരാൾ ഇന്നലെ അറിയയിച്ചത്. 2022 സീസണിന്റെ അവസാനത്തിൽ മിർസ വിരമിക്കുമെന്ന് ആണ് നേരത്തെ കരുതിയിരുന്നെങ്കിലും കൈമുട്ടിന് പരിക്കേറ്റത് കൊണ്ട് ആ തീരുമാനം അന്ന് മാറ്റുകയായിരുന്നു.
കഴിഞ്ഞ ഡബ്ല്യുടിഎ ഫൈനൽസിന് തൊട്ടുപിന്നാലെ ഞാൻകരിയർ നിർത്തിയേനെ. അന്ന് പരിക്ക് പ്രശ്നമായി. പരിക്ക് കാരണം കളി നിർത്താൻ താൻ ആഗ്രഹിച്ചിരുന്നില്ല. കളിച്ചു കൊണ്ട് തന്നെ നിർത്താൻ ആയിരുന്നു ആഗ്രഹം. സാനിയ പറഞ്ഞു.
ഇപ്പോൾ ദുബായ് ഡ്യൂട്ടി ഫ്രീ ടെന്നീസ് ചാമ്പ്യൻഷിപ്പിൽ ദുബായിൽ വെച്ച് വിരമിക്കാനാണ് പദ്ധതിയിട്ടിരിക്കുന്നത് എന്നും അവർ കൂട്ടിച്ചേർത്തു
