Tag: Windies

ജൂലൈയില്‍ ആരംഭിക്കുന്ന ആദ്യ ടെസ്റ്റിന് ഏറെ ദിവസം മുമ്പ് തന്നെ ഇംഗ്ലണ്ടില്‍ എത്തിയ വിന്‍ഡീസിന്റെ 14 ദിവസത്തെ ക്വാറന്റൈന്‍ കാലം അവസാനിച്ചു. മാഞ്ചസ്റ്ററിലെ ബയോ സുരക്ഷിതമായ അന്തരീക്ഷത്തില്‍ കഴിഞ്ഞിരുന്ന വിന്‍ഡീസ് തങ്ങളുടെ രണ്ട് സന്നാഹ മത്സരങ്ങളില്‍ ആദ്യത്തേതിന് ഇന്ന് ഇറങ്ങും.

അതേ സമയം ഇംഗ്ലണ്ട് സ്ക്വാഡ് അംഗങ്ങള്‍ ഏജീസ് ബൗളില്‍ എത്തുന്നതോടെ അംഗങ്ങളെ മുഴുവന്‍ വീണ്ടും കോവിഡ് പരിശോധനയ്ക്ക് വിധേയമാക്കിയ ശേഷം അവര്‍ 24 മണിക്കൂര്‍ അവരവരുടെ ബെഡ് റൂമുകളില്‍ ഫലം എത്തുന്നത് വരെ കഴിയണമെന്നാണ് മാനദണ്ഡം. ഇംഗ്ലണ്ടിന്റെ സന്നാഹ മത്സരം ജൂലൈ ഒന്നിന് നടക്കും. പരിശീലനത്തില്‍ രണ്ട് സംഘങ്ങളായി തിരിഞ്ഞ് ഇംഗ്ലണ്ട് രാവിലെയും ഉച്ചയ്ക്ക് ശേഷവും പരിശീലനത്തില്‍ ഏര്‍പ്പെടും.

വിന്‍ഡീസിനെതിരെയുള്ള ടെസ്റ്റ് പരമ്പരയ്ക്കുള്ള 30 അംഗ ഇംഗ്ലണ്ട് സംഘത്തെ പ്രഖ്യാപിച്ചു. മോയിന്‍ അലി തിരികെഎത്തുന്നു എന്നതാണ് ഏറ്റവും പ്രധാനമേറിയ കാര്യം. കോവിഡ് പശ്ചാത്തലത്തില്‍ 30 അംഗത്തിന്റെ പരിശീലന സംഘത്തെയാണ് ബോര്‍ഡ് പ്രഖ്യാപിച്ചിരിക്കുന്നത്. ഒരു വര്‍ഷത്തിന് ശേഷം മോയിന്‍ അലിയെ ടെസ്റ്റില്‍ പരിഗണിക്കപ്പെടുകയാണ്. അവസാന ഇലവനിലേക്ക് താരം എത്തുമോ എന്ന് ഇപ്പോളും ഉറപ്പില്ല. 2019-20 സീസണില്‍ ടെസ്റ്റിലെ കേന്ദ്ര കരാര്‍ താരത്തിന് നഷ്ടമായിരുന്നു.

കാല്‍മുട്ടിന്റെ ശസ്ത്രക്രിയയ്ക്ക് ശേഷം ഇംഗ്ലണ്ട് ഓപ്പണര്‍ റോറി ബേണ്‍സും തിരികെ സ്ക്വാഡിലേക്ക് എത്തുന്നുണ്ട്. ഏതാനും പുതുമുഖ താരങ്ങളും സ്ക്വാഡില്‍ ഇടം പിടിച്ചിട്ടുണ്ട്. ജെയിംസ് ബ്രേസെ, ഡാന്‍ ലോറന്‍സ്, ഒല്ലി റോബിന്‍സണ്‍, അമീര്‍ വാര്‍ഡി, ജെയ്മി ഓവര്‍ട്ടണ്‍ എന്നിവരാണ് ടെസ്റ്റ് അരങ്ങേറ്റം നടത്തിയിട്ടില്ലാത്ത താരങ്ങള്‍. സാകിബ് മഹമ്മൂദ്, മാറ്റ് പാര്‍കിന്‍സണ്‍, ലൂയിസ് ഗ്രിഗറി എന്നിവര്‍ മുമ്പ് ടെസ്റ്റ് സ്ക്വാഡില്‍ ഇടം പിടിച്ചിട്ടുണ്ടെങ്കിലും ഇതുവരെ അവസരം ലഭിച്ചിട്ടില്ല.

ഇംഗ്ലണ്ട് 30 അംഗ പരിശീലക സംഘം: Moeen Ali, James Anderson, Jofra Archer, Jonathan Bairstow, Dominic Bess, James Bracey, Stuart Broad, Rory Burns, Jos Buttler, Zak Crawley, Sam Curran, Joe Denly, Ben Foakes, Lewis Gregory, Keaton Jennings, Dan Lawrence, Jack Leach, Saqib Mahmood, Craig Overton, Jamie Overton, Matthew Parkinson, Ollie Pope, Ollie Robinson, Joe Root, Dom Sibley, Ben Stokes, Olly Stone, Amar Virdi, Chris Woakes, Mark Wood.

വിന്‍ഡീസിന്റെ യുവ പേസര്‍മാര്‍ക്കൊപ്പം പന്തെറിയുന്നതിനെ താന്‍ ആവേശത്തോടെയാണ് കാത്തിരിക്കുന്നതെന്ന് പറഞ്ഞ് കെമര്‍ റോച്ച്. അവരുടെ വളര്‍ച്ചയ്ക്ക് സഹായകരമായ കാര്യങ്ങള്‍ ചെയ്യുവാന്‍ താന്‍ ഒരുക്കമാണെന്നും വിന്‍ഡീസ് സീനിയര്‍ താരം വ്യക്തമാക്കി. ചെമര്‍ ഹോള്‍ഡര്‍, ഒഷെയ്ന്‍ തോമസ്, കീമോ പോള്‍ എന്നിങ്ങനെ പുതുമുഖ താരങ്ങള്‍ ആണ് വിന്‍ഡീസ് പേസ് നിരയിലുള്ളത്.

ഒഷെയ്ന്‍ തോമസിനെ ഏറ്റവും വേഗതയേറിയ കരീബിയന്‍ ഫാസ്റ്ററ്റ് ബൗളറെന്ന് വ്യക്തമാക്കുകയായിരുന്നു കെമര്‍ റോച്ച്. അത് പോലെ തന്നെ കിയോണ്‍ ഹാര്‍ഡിംഗും വിന്‍ഡീസ് പേസ് നിരയ്ക്ക് മുതല്‍ക്കൂട്ടാണെന്ന് താരം പറഞ്ഞു. അവരെല്ലാം വിന്‍ഡീസിന്റെ ഭാവിയാണെന്നും അതിനാല്‍ തന്നെ ഈ താരങ്ങള്‍ക്കൊപ്പം പ്രവര്‍ത്തിച്ച് മികച്ച ഫലം വിന്‍ഡീസ് ബൗളിംഗിന് കൊണ്ടുവരുവാനാകുമെന്നാണ് തന്റെ പ്രതീക്ഷയെന്നും കെമര്‍ വ്യക്തമാക്കി.