Tag: Phil Simmons

ഇന്ത്യയ്ക്കെതിരെ 50 ഓവര്‍ തികച്ച് ബാറ്റ് ചെയ്യുവാന്‍ വെസ്റ്റിന്‍ഡീസ് ശ്രമിക്കണമെന്ന് പറഞ്ഞ് ടീമിന്റെ മുഖ്യ കോച്ച് ഫിൽ സിമ്മൺസ്. ആരെങ്കിലും ഒരു വശത്ത് നങ്കൂരമിട്ട് അത് സാധ്യമാക്കേണ്ടതുണ്ടെന്നും സിമ്മൺസ് കൂട്ടിചേര്‍ത്തു.

ഇന്ത്യയ്ക്കെതിരെ കൃത്യമായ ഇടവേളകളിൽ വിക്കറ്റുകള്‍ നേടി അവരെ ചെറിയ സ്കോറിൽ പിടിച്ച് കെട്ടുക എന്നതായിരിക്കണം വെസ്റ്റിന്‍ഡീസിന്റെ പ്ലാനെന്നും അങ്ങനെയെങ്കില്‍ വിജയം സാധ്യമാകുമെന്നും സിമ്മൺസ് വ്യക്തമാക്കി.

ജൂലൈ 22, 24, 27 തീയ്യതികളില്‍ ട്രിനിഡാഡിലാണ് ഇന്ത്യയും വെസ്റ്റിന്‍ഡീസും ഏറ്റുമുട്ടുക.

ബാർബഡോസിലെ രണ്ടാം ടെസ്റ്റിൽ ബാറ്റും ബൗളും തമ്മിലുള്ള മികച്ച പോരാട്ടം കാണുവാനാകുന്ന പിച്ചാണ് ആവശ്യമെന്ന് അറിയിച്ച് വെസ്റ്റിന്‍ഡീസ് മുഖ്യ കോച്ച് ഫഇൽ സിമ്മൺസ്. ആന്റിഗ്വ ടെസ്റ്റ് സമനിലയിൽ അവസാനിച്ചപ്പോള്‍ മെച്ചപ്പെട്ട ടെസ്റ്റ് മത്സരം കാണുവാന്‍ മെച്ചപ്പെട്ട വിക്കറ്റ് ആവശ്യമാണെന്ന് സിമ്മൺസ് അഭിപ്രായപ്പെട്ടു.

വളരെ ഫ്ലാറ്റായ വിക്കറ്റായിരുന്നു ആന്റിഗ്വയിലേതെന്നും ഇത്തരം പിച്ചുകളിൽ വിക്കറ്റ് നേടുക പ്രയാസമാണെന്നും സിമ്മൺസ് കൂട്ടിചേര്‍ത്തു. മത്സരത്തിലെ നാലാം ഇന്നിംഗ്സിൽ തന്റെ ബാറ്റ്സ്മാന്മാര്‍ സമ്മ‍ർദ്ദത്തിൽ തകരാതിരുന്നത് പോസിറ്റീവായി കാണുന്നുവെന്ന് സിമ്മൺസ് വ്യക്തമാക്കി.

286 റൺസ് ചേസ് ചെയ്തിറങ്ങിയ വിന്‍ഡീസ് 67/4 എന്ന നിലയിലേക്ക് വീണുവെങ്കിലും പിന്നീട് ബോണ്ണർ – ഹോൾഡർ കൂട്ടുകെട്ട് കൂടുതൽ വിക്കറ്റ് നഷ്ടമില്ലാതെ മത്സരം അവസാനിപ്പിക്കുവാന്‍ ടീമിനെ സഹായിക്കുകയായിരുന്നു.

ഇന്ത്യയ്ക്കെതിരെയുള്ള വൈറ്റ് ബോള്‍ സീരീസിലെ പരാജയത്തിനെതിരെ ആഞ്ഞടിച്ച് മുന്‍ വിന്‍ഡീസ് ഇതിഹാസം ആന്‍ഡി റോബേര്‍ട്സ്. കീറൺ പൊള്ളാര്‍ഡും കോച്ച് ഫിൽ സിമ്മൺസും പടിയിറങ്ങേണ്ട സമയം ആയി എന്ന് റോബേര്‍ട്സ് പറഞ്ഞു.

ഭാവിയിലേക്കുള്ള ടീമിനെ വാര്‍ത്തെടുക്കുവാന്‍ വെസ്റ്റിന്‍ഡീസ് ശ്രമിക്കണമെന്നും അത് പൊള്ളാര്‍ഡിനെ ചുറ്റിപ്പറ്റിയുള്ള ഒരു ടീം ആകരുതെന്നും റോബേര്‍ട്സ് വ്യക്തമാക്കി. പൊള്ളാര്‍ഡിനെ രണ്ട് വര്‍ഷത്തോളം അവസരം നല്‍കിയെന്നും ടി20 സ്പെഷ്യലിസ്റ്റുകളെ, പ്രത്യേകിച്ച് വിന്‍ഡീസിനായി ഒന്നും ചെയ്യാതെ ഫ്രാഞ്ചൈസികള്‍ക്ക് മാത്രം മികവ് പുറത്തെടുക്കുന്ന താരങ്ങളെ പിന്നിലാക്കി വിന്‍ഡീസ് മുന്നോട്ട് പോകേണ്ട സമയം അതിക്രമിച്ചുവെന്നം റോബേര്‍ട്സ് സൂചിപ്പിച്ചു.

വിന്‍ഡീസിന്റെ ശ്രീലങ്കയ്ക്കെതിരെയുള്ള ടി20 പരമ്പരയ്ക്കുള്ള ടീം പ്രഖ്യാപിച്ചപ്പോള്‍ ക്രിസ് ഗെയിലും ഫിഡല്‍ എഡ്വേര്‍ഡ്സിനും ടീമില്‍ അവസരം ലഭിച്ചിരുന്നു. ഗെയില്‍ 41 വയസ്സില്‍ നില്‍ക്കുമ്പോള്‍ ഫി‍ഡല്‍ എഡ്വേര്‍ഡ്സ് 2012ന് ശേഷമാണ് ടി20 ദേശീയ ടീമിലേക്ക് തിരഞ്ഞെടുക്കപ്പെടുന്നത്.

ക്രിസ് ഗെയില്‍ ഐപിഎലില്‍ കാണിക്കുന്ന വെടിക്കെട്ട് പ്രകടനങ്ങള്‍ ദേശീയ ടീമിന് വേണ്ടിയും പുറത്തെടുക്കുമെന്ന പ്രതീക്ഷയിലാണ് ടീമുള്ളതെന്നും ലോകകപ്പ് ഇന്ത്യയിലാണെന്നതിനാല്‍ തന്നെ ഗെയിലിന്റെ ഇത്തരത്തിലുള്ള പ്രകടനം വെസ്റ്റിന്‍ഡീസിനെ ഏറെ തുണയ്ക്കുമെന്നും ഫില്‍ സിമ്മണ്‍സ് സൂചിപ്പിച്ചു.

അത് പോലെ കരീബിയന്‍ പ്രീമിയര്‍ ലീഗില്‍ പേസോടു കൂടി യോര്‍ക്കര്‍ എറിഞ്ഞ് ബാറ്റ്സ്മാന്മാരെ ഫിഡല്‍ എഡ്വേര്‍ഡ്സ് ബുദ്ധിമുട്ടിക്കുന്നത് പതിവാണെന്നും അത് താരം ദേശീയ ടീമിനായി വീണ്ടും ആവര്‍ത്തിക്കുമെന്നാണ് താന്‍ കരുതുന്നതെന്നും ഈ രണ്ട് സീനിയര്‍ താരങ്ങളെയും ടീമിനൊപ്പം ലഭിച്ചതില്‍ സന്തോഷമുണ്ടെന്നും വിന്‍ഡീസ് കോച്ച് പറഞ്ഞു.

ജൂലൈയില്‍ ഓസ്ട്രേലിയയ്ക്കെതിരെ നടക്കുന്ന ടി20 പരമ്പരയ്ക്ക് മുമ്പായി വെസ്റ്റിന്‍ഡീസിന്റെ ടി20 ലോകകപ്പ് സ്ക്വാഡിനുള്ള 15-16 താരങ്ങളെ ഷോര്‍ട്ട് ലിസ്റ്റ് ചെയ്യാന്‍ ആകുമെന്ന പ്രതീക്ഷ പങ്കുവെച്ച് വിന്‍ഡീസ് മുഖ്യ കോച്ച് ഫില്‍ സിമ്മണ്‍സ്. ഈ വര്‍ഷം ഒക്ടോബര്‍ – നവംബര്‍ മാസങ്ങളില്‍ ഇന്ത്യയില്‍ വെച്ചാണ് ടി20 ലോകകപ്പ് നടക്കുന്നത്.

വിന്‍ഡീസിന്റെ ലങ്കയ്ക്കെതിരെയുള്ള ഹോം സീരിസ് ഈ ടി20 ലോകകപ്പിനുള്ള ടീമിന്റെ ഘടനയുടെ പരീക്ഷണം കൂടിയാണെന്ന് സിമ്മണ്‍സ് വ്യക്തമാക്കി. ടീമിന്റെ ഘടന എത്തരത്തിലാണെന്നത് ഇപ്പോള്‍ മുതല്‍ ടീം മാനേജ്മെന്റ് ആലോചിച്ച് തുടങ്ങേണ്ട സമയമായെന്നും ഓസ്ട്രേലിയയ്ക്കെതിരെയും അതിന് ശേഷമുള്ള പാക്കിസ്ഥാന്‍ പരമ്പരയിലും ഈ ടീമിന്റെ പരീക്ഷണം നടത്തുവാനുള്ള സമയം ആണെന്നും സിമ്മണ്‍സ് വ്യക്തമാക്കി.

ഈ രണ്ട് പരമ്പരയോട് കൂടി ഏതെല്ലാം കോമ്പിനേഷനുകളാണ് നടപ്പിലാക്കേണ്ടതെന്ന് ടീമിന് വ്യക്തതയുണ്ടാകുമെന്ന് സിമ്മണ്‍സ് സൂചിപ്പിച്ചു. ഇന്ത്യയിലെ ഗ്രൗണ്ടുകളെക്കുറിച്ച് വ്യക്തമായ അറിവ് തങ്ങള്‍ക്കുണ്ടെന്നും അതും മനസ്സില്‍ വെച്ചുള്ള കോമ്പിനേഷനുകളാവും ടീമിന്റെ ഘടനയിലുണ്ടാകുകയെന്ന് സിമ്മണ്‍സ് അറിയിച്ചു.

ബംഗ്ലാദേശിനോട് നാണംകെട്ട രീതിയില്‍ വൈറ്റ് വാഷ് ചെയ്യപ്പെട്ട വിന്‍ഡീസിന് ഇനിയും താഴേക്ക് പതിക്കുവാന്‍ സാധിക്കില്ലെന്നത് മാത്രമാണ് താന്‍ ഗുണകരമായി കാണുന്ന വശമെന്ന് പറഞ്ഞ് ടീം കോച്ച് ഫില്‍ സിമ്മണ്‍സ്. 122, 148, 177 എന്നിങ്ങനെയുള്ള സ്കോറുകളാണ് വിന്‍ഡീസ് ടീം ബംഗ്ലാദേശിനെതിരെയുള്ള ഏകദിന പരമ്പരയില്‍ നേടിയത്.

ഇവിടെ നിന്ന് ഇനി ടീമിന് മുന്നോട്ട് മാത്രമേ പോകുവാനാകുള്ളു എന്നതാണ് താന്‍ കാണുന്ന പോസിറ്റീവ് വശമെന്ന് ഫില്‍ സിമ്മണ്‍സ് വ്യക്തമാക്കി. വളരെ അധികം കാര്യങ്ങള്‍ വിന്‍ഡീസ് തങ്ങളുടെ ബാറ്റിംഗില്‍ വരുത്താനുണ്ടെന്നും സിമ്മണ്‍സ് വ്യക്തമാക്കി.

സ്പിന്‍ മികച്ച രീതിയില്‍ കളിക്കാനാകണമെന്നും സ്ട്രൈക്ക് റൊട്ടേറ്റ് ചെയ്യാനും ബൗണ്ടറികള്‍ നേടുവാനും ടീം കൂടുതല്‍ ശ്രദ്ധിക്കണമെന്നും ഫില്‍ സിമ്മണ്‍സ് വ്യക്തമാക്കി. ടീമിന്റെ ഈ പരമ്പരയിലെ പ്രകടനം തീര്‍ത്തും മോശമായിരുന്നുവെന്നും ഫില്‍ സമ്മണ്‍സ് വ്യക്തമാക്കി.

ബൗളിംഗ് നിര എതിരാളികളെ ഈ വിക്കറ്റില്‍ 300ല്‍ താഴെയുള്ള സ്കോറില്‍ പിടിച്ചു കെട്ടിയത് മികച്ച കാര്യമാണെന്നും എന്നാല്‍ ബാറ്റ്സ്മാന്മാര്‍ പരമ്പരയില്‍ ഉടനീളം മോശം പ്രകടനം കാഴ്ചവെച്ചത് ടീമിന് തിരിച്ചടിയായെന്നും ഫില്‍ സിമ്മണ്‍സ് വ്യക്തമാക്കി.