Tag: Shane Dowrich

വൈവിധ്യമാര്‍ന്നതും മികച്ചതുമാണ് വിന്‍ഡീസ് ബൗളിംഗെന്നും അതിനാല്‍ തന്നെ ഇംഗ്ലണ്ടിനെതിരെ വെല്ലുവിളി ഉയര്‍ത്തുവാന്‍ ടീമിനാവുമെന്നാണ് കരുതുന്നതെന്നും പറഞ്ഞ് വിന്‍ഡീസ് താരം ഷെയിന് ‍ഡോവ്റിച്ച്. വിന്‍ഡീസിന്റെ നാല് പേസര്‍മാരെ നോക്കിയാല്‍ അവര്‍ വ്യത്യസ്തരാണെന്ന് കാണാം. കെമര്‍ റോച്ച് ഇരുവശത്തേക്കും പന്ത് മൂവ് ചെയ്യുവാന്‍ കഴിവുള്ള താരമാണെങ്കില്‍ ഷാനണ്‍ ഗബ്രിയേലും അല്‍സാരി ജോസഫും മികച്ച പേസുള്ളവരാണ്.

ക്യാപ്റ്റന്‍ ജേസണ്‍ ഹോള്‍ഡര്‍ സ്ഥിരതയാര്‍ന്ന പ്രകടനം പുറത്തെടുക്കുന്ന താരമാണ്. ഇവരുടെയൊപ്പം പുതുമുഖ താരം ചെമര്‍ ഹോള്‍ഡറിനെയും പരിഗണിക്കുമ്പോള്‍ ഇത്രയേറെ വൈവിധ്യമാര്‍ന്ന ബൗളിംഗ് യൂണിറ്റിന് ഇംഗ്ലണ്ട് ബാറ്റ്സ്മാന്മാര്‍ക്കെതിരെ മികവ് പുലര്‍ത്താനാകുമെന്ന് ഉറപ്പാണെന്നും ഡോവ്റിച്ച് വ്യക്തമാക്കി.

വിന്‍ഡീസിനു വേണ്ടി ഏകദിന അരങ്ങേറ്റം കുറിച്ച് ഷെയിന്‍ ഡോവ്റിച്ച്. ടെസ്റ്റ് ടീമില്‍ സ്ഥാനം പിടിച്ചിട്ട് നാളെറെയായെങ്കിലും ഏകദിന ടീമിലേക്ക് ഇപ്പോള്‍ മാത്രമാണ് താരത്തിനു അവസരം കിട്ടുന്നത്. ആദ്യ മത്സരത്തില്‍ ഷായി ഹോപ്പുമായി ചേര്‍ന്ന് റെക്കോര്‍ഡ് ഓപ്പണിംഗ് കൂട്ടുകെട്ട് നേടിയ ജോണ്‍ കാംപെല്ലിന്റെ പരിക്കാണ് ഇപ്പോള്‍ ഡോവ്റിച്ചിനു അവസരം നല്‍കിയിരിക്കുന്നത്.

ഡോവ്റിച്ച് തന്റെ ഏകദിന ക്യാപ് നായകന്‍ ജേസണ്‍ ഹോള്‍ഡറില്‍ നിന്നാണ് സ്വീകരിച്ചത്.

ബാര്‍ബഡോസ് ടെസ്റ്റില്‍ ഇംഗ്ലണ്ടിനു കൂറ്റന്‍ വിജയ ലക്ഷ്യം നല്‍കി വിന്‍ഡീസ്. ഇന്നലെ ടെസ്റ്റിന്റെ രണ്ടാം ദിവസം 127/6 എന്ന നിലയില്‍ ബാറ്റിംഗ് പുനരാരംഭിച്ച വിന്‍ഡീസിനു ഒരു വിക്കറ്റ് പോലും നഷ്ടമായില്ല. ക്യാപ്റ്റന്‍ ജേസണ്‍ ഹോള്‍ഡറും ഷെയിന്‍ ഡോവ്റിച്ചും യഥേഷ്ടം ഇംഗ്ലണ്ട് ബൗളര്‍മാരെ തലങ്ങും വിലങ്ങും പ്രഹരിച്ചപ്പോള്‍ സെഷനുകളോളം വിക്കറ്റ് നേടാനാകാതെ സന്ദര്‍ശകര്‍ ബുദ്ധിമുട്ടി. 295 റണ്‍സ് ഏഴാം വിക്കറ്റില്‍ നേടി വിന്‍ഡീസ് തങ്ങളുടെ ഇന്നിംഗ്സ് 415 റണ്‍സിനു ഡിക്ലയര്‍ ചെയ്യുമ്പോള്‍ ജേസണ്‍ ഹോള്‍ഡര്‍ 202 റണ്‍സും ഷെയിന്‍ ഡോവ്റിച്ച് 116 റണ്‍സും നേടി പുറത്താകാതെ നില്‍ക്കുകയായിരുന്നു.

628 റണ്‍സ് വിജയ ലക്ഷ്യമാണ് ഇംഗ്ലണ്ട് നേടേണ്ടത്. മൂന്നാം ദിവസം അവസാനിക്കുമ്പോള്‍ ഇംഗ്ലണ്ട് 56/0 എന്ന നിലയിലാണ്. 39 റണ്‍സുമായി റോറി ബേണ്‍സും 11 റണ്‍സ് നേടി കീറ്റണ്‍ ജെന്നിംഗ്സുമാണ് ക്രീസില്‍ നില്‍ക്കുന്നത്. പത്ത് വിക്കറ്റ് കൈവശമുള്ള ഇംഗ്ലണ്ട് വിജയിക്കുവാനായി 572 റണ്‍സ് കൂടി നേടേണ്ടതുണ്ട്.