Tag: William Saliba

ഇംഗ്ലീഷ് പ്രീമിയർ ലീഗിൽ ഏറ്റവും കുറവ് മത്സരങ്ങളിൽ നിന്നു 50 ജയങ്ങൾ സ്വന്തമാക്കുന്ന ആഴ്‌സണൽ താരമായി ഫ്രഞ്ച് പ്രതിരോധ താരം വില്യം സലിബ. വെറും 66 മത്സരങ്ങളിൽ നിന്നാണ് സലിബ 50 ജയങ്ങളിൽ എത്തിയത്. 66 ൽ 50 മത്സരങ്ങൾ ജയിച്ചപ്പോൾ 8 സമനിലയും 8 പരാജയവും താരം ഈ കാലത്ത് നേരിട്ടു.

2 സീസണിന് മുമ്പ് ആഴ്‌സണൽ ടീമിൽ സ്ഥിരമായി സ്ഥാനം പിടിച്ച സലിബ കഴിഞ്ഞ സീസണിൽ മുഴുവൻ പ്രീമിയർ ലീഗ് മത്സരങ്ങളും കളിച്ചിരുന്നു. 66 കളികളിൽ നിന്നു 30 മത്സരങ്ങളിൽ ഗോൾ വഴങ്ങാത്ത താരം നാലു ഗോളുകളും ഇത് വരെ നേടിയിട്ടുണ്ട്. 70 മത്സരങ്ങളിൽ നിന്നു 50 ജയങ്ങളിൽ എത്തിയ നാച്ചോ മോൺറിയാലിന്റെ റെക്കോർഡ് ആണ് സലിബ വോൾവ്സിന് എതിരായ ജയത്തോടെ മറികടന്നത്.

ഡിഫൻഡർ വില്യം സലിബ ആഴ്‌സണലിനായി ഈ സീസണിൽ കളിക്കാനുള്ള സാധ്യത മങ്ങുന്നു. 22കാരനായ താരം മാഞ്ചസ്റ്റർ സിറ്റിക്ക് എതിരായ മത്സരത്തിലും ഉണ്ടാകില്ല എന്നാണ് ഇപ്പോൾ റിപ്പോർട്ട്. താരത്തെ ഈ സീസണിൽ ഇനി കളിപ്പിക്കണോ എന്നാണ് ആഴ്സണൽ ഇപ്പോൾ ആലോചിക്കുന്നത്. ഇപ്പോഴും സലിബയുടെ പരിക്ക് പൂർണ്ണമായും മാറിയിട്ടില്ല. ഈ സീസണിൽ ശ്രദ്ധേയമായ പ്രകടനം നടത്തിയ സലിബ അവസാന ഒരു മാസമായി ആഴ്സണലിനായി കളിച്ചിട്ടില്ല.

ആഴ്‌സണലിന് ഇനി ആറ് മത്സരങ്ങൾ ആണ് ലീഗിൽ ശേഷിക്കുന്നത്. ഇപ്പോൾ ഒന്നാമത് ആണെങ്കിലും മാഞ്ചസ്റ്റർ സിറ്റിക്ക് എതിരായ മത്സരമാകും ഏറ്റവും നിർണായകം. മാഞ്ചസ്റ്റർ സിറ്റി മത്സരത്തിനു പിന്നാലെ ആഴ്സണലിന് ചെൽസിയെയും നേരിടാൻ ഉണ്ട്. സലിബക്ക് മത്സരം നഷ്ടമാകാൻ തുടങ്ങിയത് മുതൽ ആഴ്സണലിന്റെ ഫലങ്ങളും മോശമായിട്ടുണ്ട്. അവസാന മൂന്ന് മത്സരങ്ങളും ആഴ്സണലിന് വിജയിക്കാൻ ആയിട്ടില്ല.

യൂറോപ്പ ലീഗ് പ്രീ ക്വാർട്ടർ മത്സരത്തിന് ഇടയിൽ പരിക്കേറ്റ ആഴ്‌സണൽ പ്രതിരോധതാരം വില്യം സലിബ ഞായറാഴ്ച വെസ്റ്റ് ഹാം യുണൈറ്റഡിന് എതിരായ പ്രീമിയർ ലീഗ് മത്സരത്തിലും കളിക്കില്ലെന്നു പരിശീലകൻ മൈക്കിൾ ആർട്ടെറ്റ. താരം പൂർണമായും പരിക്കിൽ നിന്നു മുക്തനായില്ല എന്നു വ്യക്തമാക്കിയ ആർട്ടെറ്റ അടുത്ത ഒന്നോ രണ്ടോ ആഴ്ചകൾക്ക് ഉള്ളിൽ താരം പരിക്കിൽ നിന്നു മുക്തനാവും എന്ന ശുഭാപ്തി വിശ്വാസവും പ്രകടിപ്പിച്ചു. നല്ല രീതിയിൽ ആണ് താരത്തിന്റെ പുരോഗതി എന്നും അദ്ദേഹം വ്യക്തമാക്കി.

അതിനാൽ തന്നെ നിലവിൽ കുറെ മത്സരങ്ങളായി തുടരുന്ന ഗബ്രിയേൽ, റോബ് ഹോൾഡിങ് പ്രതിരോധ കൂട്ടുകെട്ട് ആവും ആഴ്‌സണലിന് ആയി വെസ്റ്റ് ഹാമിനു എതിരെ ഇറങ്ങുക. കിരീട പോരാട്ടത്തിൽ ആഴ്‌സണലിന് എത്രയും പെട്ടെന്ന് സലിബ കളത്തിലേക്ക് തിരിച്ചെത്തേണ്ടത് അത്യാവശ്യം ആണ്. അതേസമയം മുന്നേറ്റനിര താരം എഡി എങ്കെതിയ പരിക്കിൽ നിന്നു മുക്തനായി പരിശീലനത്തിൽ തിരിച്ചെത്തി. താരം വെസ്റ്റ് ഹാമിനു എതിരെ കളിക്കാൻ തയ്യാറാണ് എന്നും ആർട്ടെറ്റ അറിയിച്ചു.

വില്യം സലിബയുടെ പരിക്ക് സാരമുള്ളത് തന്നെയാണ് എന്ന് സ്ഥിരീകരിച്ച് ആഴ്സണൽ പരിശീലകൻ അർട്ടേറ്റ. നാളെ ലീഡ്സ് യുണൈറ്റഡിന് എതിരായ ആഴ്സണൽ മത്സരത്തിൽ സലിബ ഉണ്ടാകില്ല എന്ന് അർട്ടേറ്റ പറഞ്ഞു. പരിക്ക് എത്ര സാരമുള്ളതാണ് എന്ന് അർട്ടേറ്റ വ്യക്തമാക്കിയില്ല. സലീബ ഈ സീസണിൽ ഇനിയും കളിക്കും എന്നും അത്തരത്തിലുള്ള ആശങ്ക വേണ്ട എന്നും അർട്ടേറ്റ ഇന്ന് മാധ്യമങ്ങളോട് പറഞ്ഞു.

സ്‌പോർട്ടിംഗ് സിപിക്കെതിരായ യൂറോപ്പ ലീഗ് മത്സരത്തിന് ഇടയിൽ ആയിരുന്നു യുവതാരം പറ്റിക്കേറ്റ് പോയത്. ക്രിസ്റ്റൽ പാലസിനെതിരായ ആഴ്സണൽ മത്സരം താരം കളിച്ചിരുന്നില്ല. 21 കാരനായ താരം എപ്പോൾ ടീമിൽ തിരിച്ചെത്തുമെന്ന കാര്യത്തിൽ ഇപ്പോൾ വ്യക്തതയില്ല. റോബ് ഹോൾഡിംഗ് ഗബ്രിയേൽ മഗൽഹെസിനൊപ്പം ആർട്ടെറ്റയുടെ പ്രതിരോധത്തിൽ സലിബക്ക് പകരക്കാരനാകുമെന്ന് പ്രതീക്ഷിക്കുന്നു.

ആഴ്‌സണൽ വില്യം സലിബയുടെ നിലവിലെ കരാർ ഒരു വർഷത്തേക്ക് കൂടി നീട്ടി. നിലവിലെ കരാർ ഈ സീസണോടെ അവസാനിക്കാൻ ഇരിക്കെയാണ് ആഴ്‌സനൽ നീക്കം. കരാർ ഒരു വർഷത്തേക്ക് കൂടി നീട്ടാനുള്ള സാധ്യത ഉണ്ടായിരുന്നത് ക്ലബ്ബ് ഉപയോഗിക്കുകയായിരുന്നു. സാലിബയെ ദീർഘകാലത്തേക്ക് ടീമിൽ നിർത്താനുള്ള ചർച്ചകൾ നടത്തി വരികയാണ് ആഴ്‌സനൽ. കരാർ നീട്ടാനുള്ള ഉപാധി ഡിസംബർ 31ന് മുൻപായി നടപ്പിലാക്കേണ്ടതുണ്ടായിരുന്നു. ആഴ്‌സനലിൽ തുടരാൻ ഏറെ താല്പര്യപ്പെടുന്ന താരത്തിന് ചർച്ചകൾക്ക് ശേഷം ക്ലബ്ബ് പുതിയ കരാർ ഓഫർ ചെയ്യും.

2019ൽ ആഴ്‌സനലിൽ എത്തി സാലിബ തുടർന്ന് ലോണിൽ കളിച്ചു വരികയായിരുന്നു. ഇത്തവണ ആദ്യമായി ലീഗിൽ അവസരം ലഭിച്ച ശേഷം പിന്നീട് മികച്ച പ്രകടനമാണ് താരം പുറത്തെടുത്തു കൊണ്ടിരിക്കുന്നത്. തുടർന്ന് ടീമിനായി എല്ലാ മത്സരങ്ങളിലും താരം കളത്തിൽ ഇറങ്ങി. മറ്റൊരു യുവതാരമായ ചാർളി പാറ്റിനോയുടെയും കരാർ ആഴ്‌സനൽ നേടിയിട്ടുണ്ട്. നിലവിൽ ബ്ലാക്ക്‌പൂളിൽ ലോണിൽ കളിച്ചു കൊണ്ടിരിക്കുന്ന താരത്തിന് ഇതോടെ രണ്ടു വർഷം കൂടി ആഴ്‌സനലിൽ തുടരാൻ ആവും.