ക്ളോപ്പിന് ഇന്ന് ആദ്യ പരീക്ഷണം. ആൻഫീൽഡിൽ വെസ്റ്റ് ഹാമിനെയാണ് ലിവർപൂൾ ഇന്ന് അവരുടെ ആദ്യ മത്സരത്തിൽ നേരിടുക. ട്രാൻസ്ഫർ വിൻഡോയിൽ ഏറെ പണം മുടക്കിയ രണ്ട് ടീമുകൾ തമ്മിലുള്ള പോരാട്ടംൻകൂടിയാണ് ഇന്നത്തേത്. ഇന്ന് ഇന്ത്യൻ സമയം വൈകീട്ട് 6 നാണ് മത്സരം കിക്കോഫ്.
പുതിയ സൈനിംഗ് ഫാബിഞ്ഞോക്ക് നേരിയ പരിക്കുണ്ട്. അതുകൊണ്ട് ഇന്ന് കളിക്കാൻ സാധ്യത കുറവാണ്. പക്ഷെ നബി കെയ്റ്റ, അലിസൻ എന്നിവർ ഇന്ന് കളിച്ചേക്കും. സെൻട്രൽ ഡിഫൻസിലാണ് ക്ളോപ്പിന് തലവേദന. ക്ലാവൻ, ലോവരൻ എന്നിവർക്ക് പരിക്കാണ്. വാൻ ടയ്ക്കിന് ഒപ്പം ജോ ഗോമസ് കളിച്ചേക്കും.
വെസ്റ്റ് ഹാം നിരയിൽ ജാക്ക് വിൽഷെയർ ഇന്ന് അരങ്ങേറും. ഫിലിപ് ആന്ഡേഴ്സൻ, ഫെഡറിക്സ്, ഇസ ഡിയോപ് എന്നിവരും ഇന്ന് ലണ്ടൻ ക്ലബ്ബിനായി അരങ്ങേറിയേക്കും.
കൂടുതൽ കായിക വാർത്തകൾക്ക് : www.facebook.com/FanportOfficial
