Tag: Unmukt Chand

ബംഗ്ലാദേശ് പ്രീമിയർ ലീഗിൽ (ബിപിഎൽ) പങ്കെടുക്കുന്ന ആദ്യ ഇന്ത്യൻ താരമായി ഉൻമുക്ത് ചന്ദ് മാറി. ബുധനാഴ്ച ഡ്രാഫ്റ്റിൽ 29 കാരനായ വലംകൈയ്യൻ ബാറ്ററെ ചാറ്റോഗ്രാം ചലഞ്ചേഴ്‌സ് ആണ് സ്വന്തമാക്കിയത്. ഒരാഴ്ച മുമ്പ് ബിപിഎൽ ഡ്രാഫ്റ്റിനായി ചന്ദ് രജിസ്റ്റർ ചെയ്തിരുന്നു. നിലവിൽ അമേരിക്കയിൽ ആണ് ഉന്മുക്ത് ചന്ദ് കളിക്കുന്നത്.

കഴിഞ്ഞ വർഷം ബിഗ് ബാഷിൽ മെൽബൺ റെനഗേഡ്സിനായി താരം കളിച്ചിരുന്നു. അന്ന് ബിഗ് ബാഷ് ലീഗിൽ (ബിബിഎൽ) പങ്കെടുക്കുന്ന ആദ്യ ഇന്ത്യൻ ക്രിക്കറ്റ് താരമായും ചന്ദ് മാറിയിരുന്നു‌.

2021-ൽ, ചന്ദ് ഇന്ത്യ വിട്ട് അമേരിക്കയിലേക്ക് പോയിരുന്നു. 2012-ൽ ഓസ്‌ട്രേലിയൻ മണ്ണിൽ നടന്ന ലോകകപ്പിൽ ഇന്ത്യയുടെ അണ്ടർ 19 ടീമിന്റെ ക്യാപ്റ്റനായിരുന്നു ചന്ദ്.

ഇന്ത്യയുടെ 2012 അണ്ടര്‍ 19 ലോകകപ്പ് വിജയിച്ച ടീമിന്റെ നായകനായിരുന്ന ഉന്മുക്ത് ചന്ദ് ഇന്ത്യന്‍ ക്രിക്കറ്റിൽ നിന്ന് വിരമിച്ചു. ക്രിക്കറ്റ് ലോകത്തിലെ മറ്റ് അവസരങ്ങള്‍ക്കായി താന്‍ ഇന്ത്യന്‍ ക്രിക്കറ്റിൽ നിന്ന് വിടവാങ്ങുകയാണെന്നാണ് താരം വെളിപ്പെടുത്തിയത്.

ഓസ്ട്രേലിയയ്ക്കെതിരെ 2012ലെ ഫൈനലില്‍ പുറത്താകാതെ 111 റൺസ് നേടിയ താരത്തിന് പക്ഷേ സീനിയര്‍ ടീമിലേക്ക് ഒരിക്കൽ പോലും അവസരം ലഭിച്ചില്ല. തന്റെ കരിയറിൽ ചില മഹത്തരമായ നിമിഷങ്ങളുണ്ടായിട്ടുണ്ടെങ്കിലും അന്താരാഷ്ട്ര തലത്തിൽ ഇന്ത്യന്‍ ടീമിനെ പ്രതിനിധീകരിക്കുവാന്‍ സാധിക്കുന്നില്ലെന്നത് വളരെ വിഷമത്തോടെയാണ് താന്‍ ഓര്‍ക്കാറെന്ന് താരം വ്യക്തമാക്കി.

ഇന്ത്യ എ ടീമിനെ പലപ്പോഴായി നയിക്കുവാനും അവസരം ലഭിച്ച താരമാണ് ഉന്മുക്ത് ചന്ദ്. 18ാം വയസ്സിൽ ഐപിഎൽ അരങ്ങേറ്റം കുറിച്ച താരത്തിന് എന്നാൽ ഐപിഎലിലും തിളങ്ങുവാന്‍ സാധിച്ചിരുന്നില്ല. ഡല്‍ഹി ഡെയര്‍ ഡെവിള്‍സ്, മുംബൈ ഇന്ത്യന്‍സ്, രാജസ്ഥാന്‍ റോയല്‍സ് എന്നിവര്‍ക്ക് വേണ്ടിയാണ് താരം കളിച്ചിട്ടുള്ളത്.

ഡല്‍ഹി ടീമിലെ സ്ഥാനവും താരത്തിന് 2016ന് ശേഷം നഷ്ടമായി തുടങ്ങിയതോടെ താരം ഉത്തരാഖണ്ഡിലേക്ക് 2019-20 സീസണിൽ മാറി. എന്നാൽ അവിടെയും താരത്തിന് കാര്യമായ പ്രഭാവം സൃഷ്ടിക്കാനായില്ല.

മുംബൈ ഇന്ത്യന്‍സ് താന്‍ വിട്ടത് അവിടെ കൂടുതല്‍ മത്സരം ലഭിക്കാതിരുന്നപ്പോളാണെന്ന് അഭിപ്രായപ്പെട്ട് ഉന്മുക്ത് ചന്ദ്. ഇന്ത്യയുടെ ഭാവി താരമെന്ന് വാഴ്ത്തപ്പെട്ട താരം പിന്നീട് ഇന്ത്യയെ 2012 അണ്ടര്‍ 19 ലോകകപ്പില്‍ കിരീടത്തിലേക്ക് നയിച്ചിരുന്നു. ഫൈനലില്‍ ഓസ്ട്രേലിയയ്ക്കെതിരെ 111 റണ്‍സാണ് പുറത്താകാതെ താരം നേടിയാണ് ഇന്ത്യയെ കിരീടത്തിലേക്ക് നയിച്ചത്. വിരാട് കോഹ്‍ലിയെ പോലെ താരതമ്യം ചെയ്യപ്പെട്ട ഓപ്പണര്‍ എന്നാല്‍ പിന്നീട് നിറം മങ്ങി പോകുകയായിരുന്നു.

അണ്ടര്‍ 19 ലോകകപ്പിന് ശേഷം ഇന്ത്യ എ ടീമിനെ നയിച്ച താരം 2016ന് ശേഷം താഴേക്ക് പോകുകയായിരുന്നു. ഡല്‍ഹി ഏകദിന ടീമില്‍ നിന്ന് പുറത്ത് പോയ താരത്തിന് ഐപിഎല്‍ കരാറും നഷ്ടമാകുന്നതാണ് കണ്ടത്. പിന്നീട് ഇന്ത്യ എ ടീമില്‍ നിന്നും താരം പുറത്ത് പോയി. ഡല്‍ഹി ടീമില്‍ നിന്ന് പുറത്ത് പോയതാണ് തന്നെ ഏറെ ഞെട്ടിച്ചതെന്നും അത് തനിക്ക് വിശ്വസിക്കാനാകുന്ന ഒന്നായിരുന്നില്ലെന്നും താരം പറഞ്ഞു.

താന്‍ ഇന്ത്യ എ ടീമിനെ നയിക്കുകയും റണ്‍സ് കണ്ടെത്തുന്നതിനും ഇടയിലാണ് താന്‍ ടീമില്‍ നിന്ന് പുറത്ത് പോകുന്നത്. ശിഖര്‍ ധവാന്‍, ഗൗതം ഗംഭീര്‍ എന്നിവര്‍ക്കൊപ്പം കളിച്ചിരുന്ന തന്നെ അവര്‍ പൊടുന്നനെ പുറത്താക്കുകയായിരുന്നുവെന്നും കാരണം തനിക്ക് അറിയില്ലെന്നും ചന്ദ് വ്യക്തമാക്കി. ഐപിഎലില്‍ തന്നോട് ഒരാള്‍ മുംബൈ ഇന്ത്യന്‍സ് വിട്ട് ഐപിഎലിലെ മറ്റൊരു ഫ്രാഞ്ചൈസിയിലേക്ക് വരുവാന്‍ ആവശ്യപ്പെട്ടുവെങ്കിലും പിന്നീടുള്ള ലേലത്തില്‍ തന്നെ ഒഴിവാക്കുകയായിരുന്നുവെന്ന് താരം വ്യക്തമാക്കി.

മുംബൈ തന്നെ നിലനിര്‍ത്തിയെങ്കിലും തനിക്ക് അവസരം ലഭിക്കാത്തതിനാലാണ് താന്‍ ടീം മാറുവാന്‍ ആഗ്രഹിച്ചതെന്നും എന്നാല്‍ തന്നെ ചിലര്‍ തെറ്റിദ്ധരിപ്പിച്ചുവെന്നും ഉന്മുക്ത് ചന്ദ് വ്യക്തമാക്കി.