സിൽഹെറ്റ് ടെസ്റ്റിന്റെ മൂന്നാം ദിവസം പുരോഗമിക്കുമ്പോള് ബംഗ്ലാദേശിന് രണ്ടാം ഇന്നിംഗ്സിൽ മോശം തുടക്കം. 2 വിക്കറ്റ് നഷ്ടത്തിൽ ടീം 20 ഓവറിൽ 48 റൺസാണ് ഒടുവിൽ റിപ്പോര്ട്ട് കിട്ടുമ്പോള് നേടിയിരിക്കുന്നത്. നേരത്തെ 266/8 എന്ന നിലയിൽ നിന്ന് ബാറ്റിംഗ് പുനരാരംഭിച്ച ന്യൂസിലാണ്ട് 317 റൺസ് നേടി ഓള്ഔട്ട് ആയി.
ഇതോടെ 7 റൺസിന്റെ ഒന്നാം ഇന്നിംഗ്സ് ലീഡ് ടീം നേടി. 35 റൺസ് നേടിയ ടിം സൗത്തിയാണ് ന്യൂസിലാണ്ടിന്റെ ചെറുത്ത്നില്പിനെ നയിച്ചത്. കൈൽ ജാമിസൺ 23 റൺസും നേടി. ഇരുവരും ചേര്ന്ന് 9ാം വിക്കറ്റിൽ 56 റൺസ് കൂട്ടിചേര്ത്താണ് ന്യൂസിലാണ്ടിന് ലീഡ് നേടിക്കൊടുത്തത്. ബംഗ്ലാദേശിനായി തൈജുള് ഇസ്ലാം 4 വിക്കറ്റും മോമിനുള് 3 വിക്കറ്റും നേടി.
മഹമ്മുദുള് ഹസന് ജോയ്(8), സാക്കിര് ഹസന്(17) എന്നിവരുടെ വിക്കറ്റുകളാണ് രണ്ടാം ഇന്നിംഗ്സിൽ ബംഗ്ലാദേശിന് നഷ്ടമായത്. 14 റൺസുമായി നജ്മുള് ഹൊസൈന് ഷാന്റോയും 4 റൺസ് നേടി മോമിനുള് ഹക്കുമാണ് ക്രീസിലുള്ളത്.