Tag: Suresh Raina

അമ്പാട്ടി റായ്ഡു കഴിഞ്ഞ ഏകദിന ലോകകപ്പിൽ ഇന്ത്യൻ ടീമിൽ ഉണ്ടായിരുന്നെങ്കിൽ ഇന്ത്യ ലോകകപ്പ് കിരീടം നെടുമായിരുന്നെന്ന് മുൻ ഇന്ത്യൻ താരം സുരേഷ് റെയ്ന. 2019ലെ ലോകകപ്പിൽ അമ്പാട്ടി റായ്ഡു ഇന്ത്യൻ ടീമിൽ നാലാം സ്ഥാനത്ത് ഉണ്ടാവുമെന്നാണ് കരുതപ്പെട്ടിരുന്നത്. എന്നാൽ അമ്പാട്ടി റായ്ഡുവിന് പകരം വിജയ് ശങ്കറിനെ ഇന്ത്യ ടീമിൽ ഉൾപെടുത്തുകയായിരുന്നു. എന്നാൽ മധ്യ നിരയിൽ ഇന്ത്യ മികച്ച പ്രകടനം പുറത്തെടുക്കാൻ കഴിയാതിരുന്നതോടെ ലോകകപ്പ് സെമി ഫൈനലിൽ ന്യൂസിലാൻഡിനോട് തോറ്റ് ഇന്ത്യ പുറത്താവുകയും ചെയ്തിരുന്നു.

അമ്പാട്ടി റായ്ഡു ഇന്ത്യയുടെ നാലാം നമ്പർ സ്ഥാനത്ത് ഉണ്ടാവണമെന്ന് തനിക്ക് അതിയായ ആഗ്രഹം ഉണ്ടായിരുന്നെന്നും അതിന് മുൻപ് ഒന്നര വർഷത്തോളം റായ്ഡു വളരെ കഠിനാധ്വാനം ചെയ്യുകയും കളിക്കുകയും ചെയ്തിരുന്നതായും റെയ്ന പറഞ്ഞു. നാലാം നമ്പർ സ്ഥാനത്ത് ഏറ്റവും മികച്ച ബാറ്റ്സ്മാൻ അമ്പാട്ടി റായ്ഡു ആയിരുന്നെന്നും ചെന്നൈ സൂപ്പർ കിങ്സിന് വേണ്ടി റായ്ഡു മികച്ച പ്രകടനമാണ് ആ അവസരത്തിൽ കാഴ്ച വെച്ചതെന്നും റെയ്ന പറഞ്ഞു.

ക്രിക്കറ്റിൽ തനിക്ക് മികച്ച ഓർമ്മകൾ സമ്മാനിച്ചതിന് കഴിഞ്ഞ ദിവസം അന്താരാഷ്ട്ര ക്രിക്കറ്റിൽ നിന്ന് വിരമിച്ച മഹേന്ദ്ര സിംഗ് ധോണിയോട് നന്ദി പറഞ്ഞ് മുൻ ഇന്ത്യൻ പരിശീലകൻ ഗാരി കിർസ്റ്റൺ. ഗാരി കിർസ്റ്റൺ പരിശീലകനും ധോണി ക്യാപ്റ്റനുമായ സമയത്താണ് 2011ൽ ഇന്ത്യ ഏകദിന ലോകകപ്പ് കിരീടം സ്വന്തമാക്കിയത്.

See more

A privilege to work with one of the best leaders I have come across. Thanks MS for many fond memories with the Indian Cricket Team. @msdhoni pic.twitter.com/WRNY1N7IVe

— Gary Kirsten (@Gary_Kirsten) August 17, 2020

താൻ കണ്ടതിൽ വെച്ച് ഏറ്റവും മികച്ച ലീഡറായ മഹേന്ദ്ര സിംഗ് ധോണിയുടെ കൂടെ ഇന്ത്യൻ ടീമിന്റെ പരിശീലകനാവാൻ സാധിച്ചതിൽ ഒരുപാട് സന്തോഷം ഉണ്ടെന്നും ഗാരി കിർസ്റ്റൺ പറഞ്ഞു. കൂടാതെ കഴിഞ്ഞ ദിവസം അന്താരാഷ്ട്ര ക്രിക്കറ്റിൽ നിന്ന് വിരമിച്ച റെയ്നക്കും ഗാരി കിർസ്റ്റൺ തന്റെ അഭിനന്ദനം അറിയിച്ചു. ധോണി ക്യാപ്റ്റൻ സ്ഥാനത്ത് നിൽക്കെയാണ് 2007ലെ ടി20 ലോകകപ്പ് കിരീടവും 2011 ഏകദിന ലോകകപ്പ് കിരീടവും 2013ലെ ചാമ്പ്യൻസ് ട്രോഫി കിരീടവും ഇന്ത്യ നേടിയത്.

മുൻ ഇന്ത്യൻ താരം സുരേഷ് റെയ്ന അന്താരാഷ്ട്ര ക്രിക്കറ്റിൽ നിന്ന് വിരമിച്ചത് പരസ്യമാക്കുന്നതിന് മുൻപ് തന്റെ തീരുമാനം ബി.സി.സി.ഐയെ അറിയിച്ചിരുന്നെന്ന് ബി.സി.സി.ഐ. വിരമിക്കൽ പ്രഖ്യാപിക്കുന്നതിന് ഒരു ദിവസം മുൻപ് തന്നെ താരം ബി.സി.സി.സിയെ വിവരങ്ങൾ അറിയിച്ചിരുന്നെന്ന് ബി.സി.സി.ഐ വ്യക്തമാക്കി.

സാധാരണ ഗതിയിൽ താരങ്ങൾ വിരമിക്കൽ പ്രഖ്യാപിക്കുന്നതിന് മുൻപ് ബി.സി.സി.ഐയുമായി ബന്ധപെടാറുണ്ട്. അത് റെയ്ന പിന്തുടർന്നിട്ടുണ്ടെന്നും ബി.സി.സി.ഐ വ്യക്തമാക്കി. മുൻ ഇന്ത്യൻ ക്യാപ്റ്റൻ മഹേന്ദ്ര സിംഗ് ധോണി വിരമിക്കൽ പ്രഖ്യാപിച്ചതിന് പിന്നാലെയാണ് സുരേഷ് റെയ്നയും അന്താരാഷ്ട്ര ക്രിക്കറ്റിൽ നിന്ന് വിരമിക്കൽ പ്രഖ്യാപിച്ചത്. ഇന്ത്യക്ക് വേണ്ടി 18 ടെസ്റ്റുകളും 226 ഏകദിന മത്സരങ്ങളും 78 ടി20 മത്സരങ്ങളും കളിച്ച താരമാണ് റെയ്ന.

മുൻ ഇന്ത്യൻ താരം സുരേഷ് റെയ്ന ഇന്ത്യൻ ടീമിലേക്ക് വീണ്ടും തിരിച്ചെത്തുമെന്ന് കരുതുന്നില്ലെന്ന് മുൻ ഓസ്‌ട്രേലിയൻ സ്പിന്നർ ബ്രാഡ് ഹോഗ്. നിലവിൽ ഇന്ത്യൻ ടീമിൽ സുരേഷ് റെയ്നക്ക് അവസരം ലഭിക്കാനുള്ള ഒഴിവ് ഇല്ലെന്നും ബ്രാഡ് ഹോഗ് പറഞ്ഞു. നിലവിൽ ഇന്ത്യൻ ക്യാപ്റ്റൻ വിരാട് കോഹ്‌ലി യുവതാരങ്ങൾക്കാണ് കൂടുതൽ അവസരം നൽകുന്നതെന്നും അതുകൊണ്ട് തന്നെ സുരേഷ് റെയ്നക്ക് ഇന്ത്യൻ ടീമിൽ അവസരം ലഭിക്കാനുള്ള സാധ്യത കുറവാണെന്നും ഹോഗ് പറഞ്ഞു.

നിലവിൽ ഇന്ത്യൻ ടീമിൽ റെയ്നയുടെ ഇഷ്ട്ട സ്ഥാനമായ നാലാം നമ്പറിൽ ശ്രേയസ് അയ്യർ മികച്ച പ്രകടനമാണ് പുറത്തെടുക്കുന്നതെന്നും 3-4 സ്ഥാനങ്ങളിൽ ബാറ്റ് ചെയ്യുന്ന റെയ്നക്ക് അതുകൊണ്ട് ഇന്ത്യൻ ടീമിൽ അവസരം ലഭിക്കില്ലെന്നും ഹോഗ് പറഞ്ഞു. ഇന്ത്യൻ ടി20 ടീമിൽ റെയ്നക്ക് അവസരം ലഭിക്കണമെങ്കിൽ ശിഖർ ധവാൻ ടീമിൽ നിന്ന് പുറത്തുപോവണമെന്നും ഹോഗ് പറഞ്ഞു.

ഇന്ത്യയുടെ എക്കാലത്തെയും മികച്ച ഓള്‍റൗണ്ടര്‍ ആവുമെന്ന് വാഴ്ത്തപ്പെട്ട താരമാണ് ഇര്‍ഫാന്‍ പത്താന്‍. 19ാം വയസ്സില്‍ ഇന്ത്യന്‍ ദേശീയ ടീമില്‍ ഇടം പിടിച്ച താരം തന്റെ സ്വിംഗ് ബൗളിംഗിന് പേര് കേട്ട വ്യക്തിയായിരുന്നു. ഇര്‍ഫാനെ തന്റെ കരിയറിന്റെ തുടക്കത്തില്‍ വസീം അക്രമുമായി ഏറെ താരതമ്യം ചെയ്യുമായിരുന്നുവെന്ന് വെളിപ്പെടുത്തുകയായിരുന്നു സുരേഷ് റെയ്‍ന. ഇരു താരങ്ങളുടെ ബൗളിംഗ് ശൈലിയിലും രൂപത്തിലും സാമ്യമുള്ളതിനാലാണ് ഇതെന്നും സുരേഷ് റെയ്‍ന വ്യക്തമാക്കി.

നീളമുള്ള ചുരുണ്ട മുടിയും താരത്തിനെ അന്താരാഷ്ട്ര ക്രിക്കറ്റിലേക്ക് എത്തുമ്പോള്‍ തന്നെ വസീമുമായുള്ള താരതമ്യങ്ങള്‍ക്ക് കാരണം ആയിട്ടുണ്ടെന്ന് സുരേഷ് റെയ്‍ന വ്യക്തമാക്കി. ഓസ്ട്രേലിയയ്ക്കെതിരെ അരങ്ങേറ്റം കുറിച്ച താരം മുള്‍ത്താനില്‍ പാക്കിസ്ഥാനെതിരെയുള്ള ടെസ്റ്റില്‍ ആറ് വിക്കറ്റ് വീഴ്ത്തി 2004ല്‍ ഏവരുടെയും ശ്രദ്ധ പിടിച്ച് പറ്റിയിരുന്നു.