2020ലെ ഇന്ത്യൻ പ്രീമിയർ ലീഗ് ഇപ്പോഴത്തെ സാഹചര്യത്തിൽ താരങ്ങൾക്ക് കടുത്ത വെല്ലുവിളിയാവുമെന്ന് ഇന്ത്യൻ താരം സുരേഷ് റെയ്ന. കോവിഡ്-19 വൈറസ് പടരുന്ന ഈ ഘട്ടത്തിൽ താരങ്ങൾ എങ്ങനെ ചിന്തിക്കുന്നു എന്ന കാര്യം വളരെ രസകരമായിരിക്കുമെന്നും സുരേഷ് റെയ്ന പറഞ്ഞു. ഈ ഒരു വെല്ലുവിളി നിറഞ്ഞ ഘട്ടത്തിൽ ഫിറ്റ്നസ് പ്രധാനം ആണെന്നും നേരത്തെ തന്നെ യു.എ.ഇയിലേക്ക് പോവുന്നത് ഗുണം ചെയ്യുമെന്നും സുരേഷ് റെയ്ന.
താരങ്ങൾ വളരെ വ്യത്യസ്തമായ സാഹചര്യത്തിൽ ആണ് കളിക്കുന്നതെന്നും ഐ.സി.സിയുടെ ഭാഗത്ത് നിന്ന് ഒരുപാട് നിയന്ത്രണങ്ങൾ ഉണ്ടെന്നും സുരേഷ് റെയ്ന പറഞ്ഞു. കൂടാതെ ഓരോ ആഴ്ചയിലും കോവിഡ്-19 ടെസ്റ്റുകൾ നടത്തേണ്ടതുണ്ടെന്നും സുരേഷ് റെയ്ന പറഞ്ഞു. അതുകൊണ്ട് തന്നെ ഈ ടെസ്റ്റുകൾ എല്ലാം കഴിഞ്ഞ് താരങ്ങൾ കളിയ്ക്കാൻ മാനസികമായി തയ്യാറാവണമെന്നും കളിക്കുന്ന സമയത്ത് ആസ്വദിക്കണമെന്നും റെയ്ന പറഞ്ഞു.