Tag: Sunil Chhetri

ഏഷ്യൻ ഗെയിംസിനായി ഇന്ത്യ ഇപ്പോൾ പ്രഖ്യാപിച്ച ടീം അന്തിമം ആണെങ്കിൽ ഏഷ്യൻ ഗെയിംസിൽ ഇന്ത്യക്ക് കാര്യങ്ങൾ എളുപ്പമായിരിക്കില്ല എന്ന് ഇന്ത്യൻ ക്യാപ്റ്റൻ സുനിൽ ഛേത്രി. ചൈനയിലേക്ക് പോയ അണ്ടർ 23 ടീമായിരുന്നു ഏഷ്യൻ ഗെയിംസിന് പോയിരുന്നത് എങ്കിൽ ഞാൻ സന്തോഷിച്ചേനെ. അവർ ബി ടീം ആണ് എങ്കിൽ അവർ ഒരുപാട് കാലമായി ഒരുമിച്ചു പരിശീലനം നടത്തുന്നു. അതുകൊണ്ട് അവർക്ക് നന്നായി കളിക്കാൻ ആയേനെ. ഛേത്രി പറഞ്ഞതായി ടൈംസ് ഓഫ് ഇന്ത്യ റിപ്പോർട്ട് ചെയ്യുന്നു.

താൻ ഏഷ്യാ കപ്പിന് പോകാൻ തയ്യാർ ആണെന്നും ടീം ഏതായിരിക്കണം എന്ന തീരുമാനം തന്റെ കയ്യിൽ അല്ല എന്നും ഛേത്രി പറയുന്നു. ഏഷ്യൻ ടൂർണമെന്റുകളിൽ പങ്കെടുക്കുന്ന ടീമുകൾ താരങ്ങളെ വിട്ടു നൽകാത്തത് മനസ്സിലാക്കാം. ബാക്കി ക്ലബുകൾക്ക് രണ്ട് താരങ്ങളെ വിട്ടു നൽകാവുന്നതാണ് എന്നും ഛേത്രി പറഞ്ഞു.

ഏഷ്യൻ ഗെയിംസിനായി പ്രഖ്യാപിച്ച ടീമിൽ എത്രപേർ പരസ്പരം ഒരുമിച്ചു കളിച്ചിട്ടുണ്ട്. കൃത്യമായി ഒരുമിച്ച് പരിശീലനം ചെയ്യാൻ പോലും അവസരം കിട്ടിയിട്ടില്ല. ഛേത്രി പറഞ്ഞു.

ഛേത്രി വിരമിക്കുന്നതിനെ കുറിച്ച് ഇപ്പോൾ ചർച്ചകൾ ആവശ്യമില്ല എന്ന് ഇന്ത്യൻ പരിശീലകൻ ഇഗോർ സ്റ്റിമാച്. ഛേത്രിയാണ് നമുക്കുള്ളതിൽ ഏറ്റവും മികച്ച താരം. ഞങ്ങളുടെ ഏറ്റവും മികച്ച താരത്തെ ഉപയോഗിക്കാതിരിക്കുന്നത് വിഡ്ഢിത്തമാണ്. അതു കൊണ്ട് താൻ ഛേത്രിയെ ടീമിൽ നിർത്തും. സ്റ്റിമാച് പറഞ്ഞു. ഛേത്രി വിരമിക്കുന്നതിനെ കുറിച്ചുള്ള ചർച്ചകൾ എവിടെ നിന്ന് വരുന്നു എന്ന് തനിക്ക് അറിയില്ല. അത്തരം ഒരു ചർച്ചയുടെ ഒരു ആവശ്യവും ഇപ്പോൾ ഇല്ല. സ്റ്റിമാച് പറഞ്ഞു.

“കഴിഞ്ഞ രണ്ട് വർഷമായി സുനിലിന് ക്ലബ്ബ് തലത്തിൽ ചില പ്രശ്‌നങ്ങൾ ഉണ്ടായിരുന്നു. എന്നാൽ അദ്ദേഹം അതെല്ലാം മറികടന്നു, അദ്ദേഹം ഇപ്പോൾ ഇതുവരെ കളിച്ചിട്ടുള്ളതിൽ വച്ച് ഏറ്റവും മികച്ച ഫുട്ബോൾ കളിക്കുകയാണ്. അവന്റെ ഫിറ്റ്നസും അഭിനിവേശവും പ്രതിബദ്ധതയും നോക്കൂ.” സ്റ്റിമാച് പറഞ്ഞു.

ഇന്ത്യൻ ഫുട്ബോൾ ടീമിന് ഒരു കിരീടം കൂടെ. ഇന്ന് ഇന്റർ കോണ്ടിനെന്റൽ കപ്പ് ഫൈനലിൽ ലെബനനെ നേരിട്ട ഇന്ത്യ എതിരില്ലാത്ത രണ്ടു ഗോളിന്റെ വിജയം നേടിക്കൊണ്ട് കിരീടത്തിൽ മുത്തമിട്ടു. ക്യാപ്റ്റൻ സുനിൽ ഛേത്രിയും ചാങ്തെയും ആണ് ഇന്ത്യക്ക് ആയി ഗോളുകൾ നേടിയത്. പരിശീലകൻ സ്റ്റിമാചിന്റെ കീഴിലെ ഇന്ത്യയുടെ രണ്ടാം കിരീടമാണിത്.

ഇന്ന് ആദ്യ പകുതിയിൽ ഇരു ടീമുകളും ഒപ്പത്തിനൊപ്പം നിൽക്കുന്ന പോരാട്ടമാണ് കാണാൻ ആയത്. ഇന്ത്യ നല്ല അവസരങ്ങൾ സൃഷ്ടിച്ചു എങ്കിലും ഫൈനൽ ബോൾ വരാത്തതിനാൽ ഗോളും വന്നില്ല. രണ്ടാം പകുതിയിൽ ഇന്ത്യ കുറച്ചു കൂടെ ആക്രമിച്ചു കൊണ്ട് തുടങ്ങി. പെട്ടെന്ന് തന്നെ ആദ്യ ഗോളും വന്നു. വലതു വിങ്ങിൽ നിന്ന് ചാങ്തെ നൽകിയ ക്രോസ് ഫസ്റ്റ് ടച്ച് ഫിനിഷിലൂടെ ഛേത്രി വലയിൽ എത്തിച്ചു. ഛേത്രിയുടെ ഇന്ത്യക്ക് ആയുള്ള 87ആം ഗോളായിരുന്നു ഇത്.

66ആം മിനുട്ടിൽ ഇന്ത്യ ലീഡ് ഇരട്ടിയാക്കി. മഹേഷിന്റെ ഷോട്ട് ലെബനൻ ഗോളി തടഞ്ഞു എങ്കിലും ഓടിയെത്തിയ ചാങ്തെ പന്ത് വലയിലേക്ക് എത്തിച്ചു. സ്കോർ 2-0.

ഇതിനു ശേഷം ഇന്ത്യൻ ഡിഫൻസ് ശക്തമായി നിലനിന്നത് കൊണ്ട് തന്നെ ഇന്ത്യ എളുപ്പത്തിൽ വിജയം സ്വന്തമാക്കി. നേരത്തെ ഗ്രൂപ്പ് ഘട്ടത്തിൽ ഇന്ത്യ ലെബനനെ നേരിട്ടപ്പോൾ മത്സരം സമനിലയിൽ ആയിരുന്നു അവസാനിച്ചത്.

ഹീറോ ഇന്ററഇന്ററ് കോണ്ടിനെന്റൽ കപ്പിൽ ഇന്ത്യക്ക് തുടർച്ചയായ രണ്ടാം വിജയം. ഇന്ന് വനുവറ്റിനെ നേരിട്ട ഇന്ത്യ മറുപടിയില്ലാത്ത ഏക ഗോളിനാണ് വിജയിച്ചത്. ഇന്ന് ഏറെ ഗോളവസരം സൃഷ്ടിച്ചു എങ്കിലും ആദ്യ ഗോൾ വരാൻ 80ആം മിനുട്ട് വരെ ഇന്ത്യ കാത്തിരിക്കേണ്ടി വന്നു. കളി സമനിലയിലേക്ക് പോകുന്ന അവസരത്തിൽ ക്യാപ്റ്റൻ സുനിൽ ഛേത്രി ഇന്ത്യക്ക് ലീഡ് നൽകി.

ഇടതു വിങ്ങിൽ നിന്ന് സുഭാഷിഷ് നൽകിയ ക്രോസ് ബോക്സിൽ ഉള്ള സുനിൽ ഛേത്രിയെ കണ്ടെത്തുക ആയിരുന്നു. ക്യാപ്റ്റൻ ലക്ഷ്യം തെറ്റാതെ നിറയൊഴിച്ചു. സ്കോർ 1-0. ഈ ഗോൾ മതിയായി ഇന്ത്യക്ക് വിജയം ഉറപ്പിക്കാൻ. നേരത്തെ ആദ്യ മത്സരത്തിൽ ഇന്ത്യ മംഗോളിയയെയും പരാജയപ്പെടുത്തിയിരുന്നു. ഇതോടെ ഇന്ത്യക്ക് ആറ് പോയിന്റായി.

ഇനി അവസാന മത്സരത്തിൽ ജൂൺ 15ന് ഇന്ത്യ ലെബനാനെ നേരിടും.

ഇന്ത്യൻ ഫുട്ബോൾ ടീം ഹീറോ ത്രിരാഷ്ട്ര ടൂർണമെന്റിൽ കിരീടം സ്വന്തമാക്കി. ഇന്ന് ഇന്ത്യക്കാൾ മികച്ച ഫിഫ റാങ്കിംഗിൽ ഉള്ള കിർഗിസ്താനെ നേരിട്ട ഇന്ത്യക്ക് ഒരു സമനില മതിയാകുമായിരുന്നു വിജയിക്കാൻ. പക്ഷെ ഇന്ത്യ വിജയത്തിനായി തന്നെ കളിക്കുകയും എതിരില്ലാത്ത രണ്ടു ഗോളുകൾക്ക് വിജയിക്കുകയും ചെയ്തു. ഇന്ത്യക്ക് ആയി ജിങ്കനും സുനിൽ ഛേത്രിയും ആണ് ഗോളുകൾ നേടിയത്.

ആദ്യ പകുതിയിൽ 34ആം മിനുട്ടിൽ ഒരു സെറ്റ് പീസിൽ നിന്ന് ജിങ്കൻ ആണ് ഇന്ത്യക്ക് ലീഡ് നൽകിയത്. ബ്രണ്ടൺ എടുത്ത കിക്ക് ഫാർ പോസ്റ്റിൽ എത്തിയ ജിങ്കൻ വലയിൽ എത്തിക്കുക ആയിരുന്നു. ആദ്യ പകുതി 1-0ന് അവസാനിച്ചു. രണ്ടാം പകുതിയിൽ 84ആം മിനുട്ടിൽ ഇന്ത്യ ലീഡ് ഇരട്ടിയാക്കി. മഹേഷിനെ വീഴ്ത്തിയതിന് കിട്ടിയ പെനാൾട്ടി സുനിൽ ഛേത്രി ലക്ഷ്യത്തിൽ എത്തിക്കുക ആയിരുന്നു. ഛേത്രിയുടെ ഇന്ത്യക്ക് ആയുള്ള 85ആം ഗോളായിരുന്നു ഇത്. ഈ ഗോൾ ഇന്ത്യയുടെ വിജയം ഉറപ്പിച്ചു.

ത്രിരാഷ്ട്ര ടൂർണമെന്റിലെ ആദ്യ മത്സരത്തിൽ ഇന്ത്യ മ്യാന്മാറിനെയും തോൽപ്പിച്ചിരുന്നു‌‌. സ്റ്റിമാചിന്റെ കീഴിലെ ഇന്ത്യയുടെ രണ്ടാം കിരീടമാണിത്. നേരത്തെ ഇന്ത്യ സാഫ് കപ്പും സ്റ്റിമാചിന്റെ കീഴിൽ നേടിയിരുന്നു.