Tag: Sunil Chhetri

ഇന്ത്യൻ സൂപ്പർ ലീഗിന്റെ (ഐഎസ്എൽ) ഭാവി അനിശ്ചിതത്വത്തിലായ സാഹചര്യത്തിൽ, ദേശീയ ടീം നായകൻ സുനിൽ ഛേത്രി തന്റെ മൗനം വെടിഞ്ഞു. ഈ സാഹചര്യം “വളരെ ആശങ്കാജനകമാണ്” എന്ന് വിശേഷിപ്പിച്ച അദ്ദേഹം, ഇന്ത്യൻ ഫുട്ബോൾ ലോകത്തോട് ശാന്തതയും ഐക്യവും ക്ഷമയും പാലിക്കാൻ ആഹ്വാനം ചെയ്തു.

എഐഎഫ്എഫും ലീഗിന്റെ വാണിജ്യ പങ്കാളിയായ എഫ്എസ്‌ഡിഎല്ലും തമ്മിലുള്ള നിയമപരമായ തർക്കത്തെത്തുടർന്ന് വരാനിരിക്കുന്ന ഐഎസ്എൽ സീസൺ വൈകുന്നതിനെക്കുറിച്ചാണ് ഇന്ത്യയെയും ബെംഗളൂരു എഫ്‌സിയെയും നയിക്കുന്ന ഛേത്രി പ്രതികരിച്ചത്. രണ്ടാഴ്ചത്തേക്ക് പ്രീ-സീസൺ മാറ്റിവെച്ചപ്പോൾ താൻ സന്തോഷിച്ചിരുന്നുവെന്നും (അവധി ആഘോഷിക്കുകയായിരുന്നതിനാൽ), എന്നാൽ ഈ വൈകൽ അനിശ്ചിതത്വത്തിലായപ്പോൾ ആ സന്തോഷം ആശങ്കയ്ക്ക് വഴിമാറിയെന്നും ഹൃദയസ്പർശിയായ ഒരു സോഷ്യൽ മീഡിയ പോസ്റ്റിൽ അദ്ദേഹം സമ്മതിച്ചു.

“ആദ്യം മാറ്റിവെച്ചപ്പോൾ ഞാൻ ചിരിച്ചു. ഇപ്പോൾ ആ ചിരി മാഞ്ഞു,” ഛേത്രി എഴുതി. “എന്റെ സമയം തീർന്നുകൊണ്ടിരിക്കുന്നു എന്ന ആശങ്ക എനിക്കുണ്ടായി, എന്നാൽ ക്ലബ്ബുകളിലുടനീളമുള്ള കളിക്കാരോട് സംസാരിച്ചപ്പോൾ, എന്റെ സ്വാർത്ഥപരമായ ആശങ്കകളല്ല ഏറ്റവും പ്രധാനമെന്ന് എനിക്ക് മനസ്സിലായി.”

അധികാരികളിൽ വിശ്വാസമർപ്പിക്കാൻ ക്ലബ്ബുകളെയും കളിക്കാരെയും ആരാധകരെയും സ്റ്റാഫിനെയും അദ്ദേഹം പ്രോത്സാഹിപ്പിച്ചു. ഒരു പരിഹാരം കണ്ടെത്താനുള്ള ശ്രമങ്ങൾ നടക്കുന്നുണ്ടെന്ന് അദ്ദേഹം വിശ്വസിക്കുന്നുണ്ടെന്നും പറഞ്ഞു.

“എത്രയും വേഗം ഒരു ഉറപ്പുള്ള പരിഹാരം ഉണ്ടാകുമെന്ന് ഞാൻ പ്രതീക്ഷിക്കുന്നു,” അദ്ദേഹം കൂട്ടിച്ചേർത്തു.

2027 ലെ എഎഫ്‌സി ഏഷ്യൻ കപ്പ് യോഗ്യതാ മത്സരങ്ങൾക്കുള്ള ദേശീയ ടീമിലേക്ക് സുനിൽ ഛേത്രിയെ തിരിച്ചുവിളിച്ച മുഖ്യ പരിശീലകൻ മനോളോ മാർക്വേസിന്റെ തീരുമാനത്തെ വിമർശിച്ച് ഇന്ത്യൻ ഫുട്ബോൾ ഇതിഹാസം ബൈച്ചുങ് ബൂട്ടിയ. 2024 ൽ അന്താരാഷ്ട്ര ഫുട്ബോളിൽ നിന്ന് വിരമിച്ച ഛേത്രിയെ ടീമിലേക്ക് തിരികെ കൊണ്ടുവന്നെങ്കിലും ബംഗ്ലാദേശിനെതിരെ ഗോൾ നേടാൻ ഇന്ത്യക്ക് ആയിരുന്നില്ല.

റെവ്‌സ്പോർട്‌സിനോട് സംസാരിച്ച ബൂട്ടിയ, ഈ നീക്കത്തെ ചോദ്യം ചെയ്തു, 40 വയസ്സുള്ള ഒരു പരിചയസമ്പന്നനെ ആശ്രയിക്കുന്നതിനുപകരം ഇന്ത്യ പ്രായം കുറഞ്ഞ സ്‌ട്രൈക്കർമാരിൽ ശ്രദ്ധ കേന്ദ്രീകരിക്കണമെന്ന് വാദിച്ചു. “ഒരു ഡിഫൻഡറെ ഡ്രിബിൾ ചെയ്ത് മറികടന്ന് ഗോൾ നേടാൻ കഴിയാത്ത പ്രായത്തിലാണ് സുനിൽ ഇപ്പോൾ,” ബൂട്ടിയ പറഞ്ഞു.

ബംഗ്ലാദേശ് അതേ മത്സരത്തിൽ 18 വയസ്സുള്ള ഒരാളെ കളത്തിലിറക്കിയെന്നും അത് അവരുടെ ടീമിനായുള്ള ദീർഘകാല കാഴ്ചപ്പാട് പ്രകടമാക്കുന്നു എന്നും അദ്ദേഹം ചൂണ്ടിക്കാട്ടി.

ഇന്ന് സൗഹൃദ മത്സരത്തിൽ മാൽഡീവ്സിനെ നേരിട്ട ഇന്ത്യക്ക് അനായാസ വിജയം. എതിരില്ലാത്ത മൂന്നു ഗോളുകൾക്ക് അണ് ഇന്ത്യ വിജയിച്ചത്. ഇന്ത്യയുടെ മികച്ച അറ്റാക്കിംഗ് ഫുട്ബോൾ ആണ് കാഴ്ചവെച്ചത്. പരിശീലകൻ മനോലോയുടെ കീഴിലെ ഇന്ത്യയുടെ ആദ്യ ജയമാണിത്.

തുടക്കം മുതൽ നല്ല അവസരങ്ങൾ ഇന്ത്യ സൃഷ്ടിച്ചു. വിരമിക്കൽ പിൻവലിച്ച് എത്തിയ ഛേത്രിക്ക് തുടക്കത്തിൽ അവസരം ലഭിച്ചെങ്കിലും ലക്ഷ്യം കണ്ടെത്താൻ ആയില്ല.

34ആം മിനുറ്റിൽ ഒരു കോർണറിലൂടെ ആണ് ഇന്ത്യ ലീഡ് എടുത്തത്. കോർണർ നല്ലൊരു ഹെഡറിലൂടെ രാഹുൽ ബെകെ ലക്ഷ്യത്തിൽ എത്തിച്ചു. സ്കോർ 1-0. രണ്ടാം പകുതിയിൽ മറ്റൊരു സെറ്റ് പീസിൽ നിന്ന് ഇന്ത്യ ലീഡ് ഇരട്ടിയാക്കി. ഇത്തവണ മഹേഷ എടുത്ത കിക്ക് ലിസ്റ്റൺ കൊളാസോ ആണ് ലക്ഷ്യത്തിൽ എത്തിച്ചത്‌.

75ആം മിനുറ്റിൽ ക്യാപ്റ്റൻ സുനിൽ ഛേത്രിയും ഗോൾവല കുലുക്കി. ഛേത്രിയുടെ 95ആം അന്താരാഷ്ട്ര ഗോളായിരുന്നു ഇത്.

ഇനി ഇന്ത്യ മാർച്ച് 25ന് എഷ്യൻ കപ്പ് യോഗ്യത റൗണ്ടിൽ ഇന്ത്യ ബംഗ്ലാദേശിനെ നേരിടും

മാർച്ച് 19 ന് മാലദ്വീപിനെതിരായ സൗഹൃദ മത്സരത്തിൽ സുനിൽ ഛേത്രി കളിക്കുമെന്ന് ഇന്ത്യൻ മുഖ്യ പരിശീലകൻ മനോലോ മാർക്വേസ് സ്ഥിരീകരിച്ചു. വെറ്ററൻ ഫോർവേഡ് എന്തായാലും കളിക്കും എന്ന് മാർക്വേസ് ഉറപ്പുനൽകി.

2024 ജൂണിൽ അന്താരാഷ്‌ട്ര ഫുട്‌ബോളിൽ നിന്ന് വിരമിച്ച ഛേത്രി, മാർച്ച് 25-ന് ബംഗ്ലാദേശിനെതിരായ എഎഫ്‌സി ഏഷ്യൻ കപ്പ് യോഗ്യതാ മത്സരത്തിന് മുന്നോടിയായി ഇന്ത്യയെ ശക്തിപ്പെടുത്താൻ വിരമിക്കൽ പിൻവലിച്ച് തിരിച്ചെത്തുക ആയിരുന്നു. 39 കാരനായ താരത്തെ തിരിച്ചുവിളിക്കാനുള്ള തൻ്റെ തീരുമാനത്തെ ന്യായീകരിച്ച മനോലോ, ഒരു കളിക്കാരൻ മികച്ച ഫോമിലായിരിക്കുമ്പോൾ പ്രായം ഒരു ഘടകമല്ലെന്ന് പറഞ്ഞു.

ഈ സീസണിൽ ഇന്ത്യയുടെ ടോപ് ഗോൾ സ്‌കോററാണ് അദ്ദേഹം, കളിക്കാരുടെ വികസനത്തിനല്ല, മത്സരങ്ങൾ ജയിക്കാനാണ് ദേശീയ ടീം എന്നും അതിനായി മികച്ച കളിക്കാരെ ആവശ്യമാണെന്നും അദ്ദേഹം പറഞ്ഞു.

ഇന്ത്യൻ ഫുട്ബോൾ ഇതിഹാസം സുനിൽ ഛേത്രി വിരമിക്കൽ പിൻവലിച്ച് ദേശീയ ടീമിലേക്ക് തിരിച്ചുവരാൻ തീരുമാനിച്ചു. ഒരു വർഷം മുമ്പ് അന്താരാഷ്ട്ര വിരമിക്കൽ പ്രഖ്യാപിച്ച സ്‌ട്രൈക്കർ, ഓൾ ഇന്ത്യ ഫുട്ബോൾ ഫെഡറേഷനുമായും (എഐഎഫ്എഫ്) ഹെഡ് കോച്ച് മനോലോ മാർക്കസുമായി നടത്തിയ ചർച്ചയെ തുടർന്നാണ് ഈ തീരുമാനമെടുത്തത്.

ഇന്ത്യക്ക്ക് പ്രധാന അന്താരാഷ്ട്ര മത്സരങ്ങൾ മുന്നിൽ ഉള്ളതിനാൽ, ഛേത്രിയുടെ പരിചയസമ്പത്തും നേതൃത്വവും ടീമിന് കാര്യമായ ഉത്തേജനം നൽകുമെന്ന് പ്രതീക്ഷിക്കുന്നു. ഇന്ത്യക്ക് മറ്റൊരു സ്ട്രൈക്കറെ കണ്ടെത്താൻ ആകാത്തതും ഈ തീരുമാനത്തിന് കാരണമായി.

See more

Sunil Chhetri comes out of retirement to help the national team. #IndianFootball pic.twitter.com/x3mcx65VaH

— Marcus Mergulhao (@MarcusMergulhao) March 6, 2025

ഇന്ത്യയുടെ എക്കാലത്തെയും മികച്ച ഗോൾ സ്‌കോററായ ഛേത്രി അടുത്ത ഇന്റർനാഷണൽ ബ്രേക്കിൽ വീണ്ടും ഇന്ത്യക്ക് ആയി കളിക്കും.

ലോകകപ്പ് യോഗ്യത റൗണ്ടിൽ ഇന്ത്യക്ക് നിരാശ നിറഞ്ഞ സമനില. ഇന്ന് കൊൽക്കത്തയിൽ വെച്ച് നടന്ന മത്സരത്തിൽ കുവൈറ്റിനെ നേരിട്ട ഇന്ത്യ ഗോൾ രഹിത സമനില കൊണ്ട് തൃപ്തിപ്പെടേണ്ടി വന്നു. ഇന്ന് നല്ല അവസരങ്ങൾ ലഭിച്ചു എങ്കിലും ഇന്ത്യക്ക് ആ അവസരം മുതലെടുക്കാൻ ആയില്ല. ഇന്നത്തെ മത്സരത്തോടെ സുനിൽ ഛേത്രി ഇന്ത്യൻ ജേഴ്സിയോട് വിട പറഞ്ഞു.

ഇന്ന് തുടക്കത്തിൽ കുവൈറ്റിനും നല്ല അവസരങ്ങൾ കിട്ടി. പക്ഷെ ഗുർപ്റെതിന്റെ മികച്ച സേവുകൾ ഇന്ത്യയെ രക്ഷിച്ചു. ഇന്ത്യയുടെ ഏറ്റവും നല്ല അവസരം ലഭിച്ചത് റഹീം അലിക്ക് ആയിരുന്നു. പക്ഷെ താരത്തെ ഷോട്ട് ലക്ഷ്യത്തിൽ എത്തിയില്ല. സുനിൽ ചേത്രിക്ക് കാര്യമായ സംഭാവനകൾ ഇന്ന് നൽകാൻ ആയില്ല.

ഇനി ഒരു മത്സരം മാത്രം ഗ്രൂപ്പിൽ ശേഷിക്കെ ഇന്ത്യ 5 പോയിന്റുമായി രണ്ടാമത് നിൽക്കുകയാണ്‌. അവസാന മത്സരത്തിൽ ഖത്തറിനെ ആണ് ഇന്ത്യ നേരിടുക. ഗ്രൂപ്പിൽ ആദ്യ രണ്ട് സ്ഥാനങ്ങളിൽ ഫിനിഷ് ചെയ്താൽ മാത്രമെ ഇന്ത്യക്ക് അടുത്ത റൗണ്ട് കാണാൻ ആകൂ.