ഹീറോ ഇന്ററഇന്ററ് കോണ്ടിനെന്റൽ കപ്പിൽ ഇന്ത്യക്ക് തുടർച്ചയായ രണ്ടാം വിജയം. ഇന്ന് വനുവറ്റിനെ നേരിട്ട ഇന്ത്യ മറുപടിയില്ലാത്ത ഏക ഗോളിനാണ് വിജയിച്ചത്. ഇന്ന് ഏറെ ഗോളവസരം സൃഷ്ടിച്ചു എങ്കിലും ആദ്യ ഗോൾ വരാൻ 80ആം മിനുട്ട് വരെ ഇന്ത്യ കാത്തിരിക്കേണ്ടി വന്നു. കളി സമനിലയിലേക്ക് പോകുന്ന അവസരത്തിൽ ക്യാപ്റ്റൻ സുനിൽ ഛേത്രി ഇന്ത്യക്ക് ലീഡ് നൽകി.
ഇടതു വിങ്ങിൽ നിന്ന് സുഭാഷിഷ് നൽകിയ ക്രോസ് ബോക്സിൽ ഉള്ള സുനിൽ ഛേത്രിയെ കണ്ടെത്തുക ആയിരുന്നു. ക്യാപ്റ്റൻ ലക്ഷ്യം തെറ്റാതെ നിറയൊഴിച്ചു. സ്കോർ 1-0. ഈ ഗോൾ മതിയായി ഇന്ത്യക്ക് വിജയം ഉറപ്പിക്കാൻ. നേരത്തെ ആദ്യ മത്സരത്തിൽ ഇന്ത്യ മംഗോളിയയെയും പരാജയപ്പെടുത്തിയിരുന്നു. ഇതോടെ ഇന്ത്യക്ക് ആറ് പോയിന്റായി.
ഇനി അവസാന മത്സരത്തിൽ ജൂൺ 15ന് ഇന്ത്യ ലെബനാനെ നേരിടും.