Tag: Sreesanth

തിരുവനന്തപുരം: സഞ്ജു സാംസനെ ചാമ്പ്യൻസ് ട്രോഫി ഇന്ത്യൻ ടീമിൽ ഉൾപ്പെടുത്താത്തതിനെ തുടർന്നുണ്ടായ വിവാദത്തിൽ കേരള ക്രിക്കറ്റ് അസോസിയേഷനെതിരെ സത്യവിരുദ്ധമായതും ,അപമാനകരവുമായതുമായ പ്രസ്താവന നടത്തിയ മുൻ അന്താരാഷ്ട്ര ക്രിക്കറ്റ് താരം എസ് ശ്രീശാന്തിനെ മൂന്ന് വർഷത്തേക്ക് സസ്പെന്റ് ചെയ്യാൻ കേരള ക്രിക്കറ്റ് അസോസിയേഷൻ തീരുമാനിച്ചു. 30.4.25 ൽ എറണാകുളത്തു ചേർന്ന കേരള ക്രിക്കറ്റ് അസോസിയേഷന്റെ പ്രത്യേക ജനറൽ ബോഡി യോഗത്തിലാണ് തീരുമാനം. നിലവിൽ കേരള ക്രിക്കറ്റ് ലീഗ് ഫ്രാഞ്ചയ്‌സീ ടീമായ കൊല്ലം ഏരീസ് സഹ ഉടമയാണ് ശ്രീശാന്ത്.

വിവാദമായ പരാമർശങ്ങളെ തുടന്ന് നേരത്തെ ശ്രീശാന്തിനും ഫ്രാഞ്ചയ്‌സീ ടീമുകളായ കൊല്ലം ഏരീസ് , ആലപ്പി ടീം ലീഡ് കൊണ്ടെന്റെർ സായി കൃഷ്ണൻ , ആലപ്പി റിപ്പിൾസ് എന്നിവർക്കെതിരെയും കാരണം കാണിക്കൽ നോട്ടീസ് നൽകിയിരുന്നു. ഫ്രാഞ്ചയ്‌സീ ടീമുകൾ നോട്ടീസിന് തൃപ്‌തികാരമായ മറുപടി നൽകിയതുകൊണ്ട് തന്നെ അവർക്കെതിരെ തുടർനടപടികൾ തുടരേണ്ടതില്ല എന്നും ടീം മാനേജ്മെന്റിൽ അംഗങ്ങളെ ഉൾപെടുത്തുംബോൾ ജാഗ്രത പുലർത്താൻ നിർദേശം നല്കാനും യോഗം തീരുമാനിച്ചു.

കൂടാതെ സഞ്ജു സാംസന്റെ പേരിൽ അടിസ്ഥാന രഹിതമായ ആരോപണങ്ങൾ ഉന്നയിച്ച പിതാവ് സാംസൺ വിശ്വനാഥ്, റെജി ലൂക്കോസ് , 24x 7 ചാനൽ അവതാരക എന്നിവർക്കെതിരെ നഷ്ടപരിഹാരത്തിന് കേസ് നൽകുവാനും ജനറൽ ബോഡിയോഗത്തിൽ തീരുമാനമായി.

കേരള ക്രിക്കറ്റ് അസോസിഷൻ ശ്രീശാന്തിന് കാരണം കാണിക്കൽ നോട്ടീസ് നൽകിയത് സഞ്ജുവിനെ പിന്തുണച്ചതിനല്ല എന്ന് പറഞ്ഞ് കെ സി എ പത്ര കുറിപ്പ് പുറത്തിറക്കി. അസ്സോസിയേഷനെതിരെ തെറ്റായതും അപകീർത്തിപരവുമായ പ്രസ്താവന നടത്തിയതിനാണ് നോട്ടീസ് നൽകിയത് എന്നാണ് കെ സി എ പറയുന്നത്‌.

കേരള ക്രിക്കറ്റ് ലീഗ് ഫ്രാഞ്ചൈസി ടീമിന്റെ സഹ ഉടമയായ ശ്രീശാന്ത് കേരള ക്രിക്കറ്റ് അസോസിയേഷനെത്തിരെ അപകീർത്തികരമായി കാര്യങ്ങൾ പറഞ്ഞത് കരാർ ലംഘനമാണ് എന്ന് കെ സി എ പത്ര കുറിപ്പിൽ പറഞ്ഞു.

കേരള ക്രിക്കറ്റ് അസ്സോസിയേഷൻ താരങ്ങളെ എന്നും സംരക്ഷിക്കുന്ന നിലപാടാണ് സ്വീകരിച്ചുവന്നിട്ടുള്ളത്. ഇന്ത്യൻ ക്രിക്കറ്റിന്റെ കറുത്ത അദ്ധ്യായമായിരുന്ന വാതുവെപ്പിൽ ആരോപണം നേരിട്ട് ശ്രീശാന്ത് ജയിലിൽ കഴിയുന്ന സമയത്തും അസോസിഷൻ ഭാരവാഹികൾ അദ്ദേഹത്തെ സന്ദർശിക്കുകയും പിന്തുണ നൽകുകയും ചെയ്തിരുന്നു എന്ന് പത്ര കുറിപ്പ് പറയുന്നു.

കോടതി ക്രിമിനൽ കേസ് റദ്ദ് ചെയ്‌തെകിലും വാതുവെപ്പ് വിഷയത്തിൽ ശ്രീശാന്ത് കുറ്റവിമുക്തനായിട്ടില്ല എന്നത് വാസ്തവമാണ് എന്നും അത്തരത്തിൽ ഉള്ള ശ്രീശാന്ത് കേരള ക്രിക്കറ്റ് അസോസിഷന്റെ കളിക്കാരുടെ സംരക്ഷണം ഏറ്റെടുക്കേണ്ടതില്ല എന്നും രൂക്ഷമായ ഭാഷയിൽ കെ സി എ ശ്രീശാന്തിനെ വിമർശിച്ചു.

സഞ്ജു സാംസണ് ശേഷം ഇന്ത്യൻ ടീമിൽ ആര് വന്നു എന്ന് ശ്രീശാന്തിന്റെ ചോദ്യം അപഹാസ്യമാണ് എന്നും. സജ്ന സജീവന്‍, മിന്നുമണി, ആശ ശോഭന എന്നീ സീനിയര്‍ ദേശീയ താരങ്ങളെ കൂടാതെ വനിതാ ഇന്ത്യൻ അണ്ടർ 19 വേൾഡ് കപ്പ് ജേതാക്കളുടെ ടീമിൽ ജോഷിത വി.ജെ, അണ്ടർ 19 ടീമില്‍ നജ്‌ല CMC, പുരുഷ അണ്ടർ 19 ഏഷ്യാകപ്പ് ടീമില്‍ മുഹമ്മദ് ഇനാൻ എന്നിവർ സ്ഥാനം കണ്ടെത്തിയത് ശ്രീശാന്ത് അറിയാത്തത് കേരളക്രിക്കറ്റിനെ കുറിച്ചുള്ള അറിവില്ലായിമയായി കാണുന്നു എന്നും പത്ര കുറിപ്പിൽ പറയുന്നു.

ഹർഭജൻ സിംഗ് അടിച്ചപ്പോൾ കരഞ്ഞത് അടിയുടെ വേദന കൊണ്ടല്ല മറിച്ച് മനസ്സിന് വേദന ആയിട്ടാണ് എന്ന് ശ്രീശാന്ത്. 2008ൽ ഇന്ത്യൻ പ്രീമിയർ ലീഗിൽ ആയിരുന്നു ഹർഭജൻ ശ്രീശാന്തിനെ അടിച്ച വിവാദം ഉയർന്നത്. രൺവീർ ഷോയിൽ സംസാരിക്കവെ ആയിരുന്നു ശ്രീശാന്ത് മനസ്സ് തുറന്നത്.

“നിങ്ങൾ അത് നോക്കുകയാണെങ്കിൽ, ഒരു 30 സെക്കൻഡ് ദൈർഘ്യമുള്ള വീഡിയോയോ മറ്റോ ആയിരുന്നു, പക്ഷേ മാധ്യമങ്ങൾ അത് തുടർച്ചയായി കാണിച്ചു.” ശ്രീശാന്ത് പറഞ്ഞു,

“അത് ഏറ്റവും വലിയ വാർത്തയായി മാറി. അവിശ്വസനീയനായിരുന്നു ആ സംഭവം. ഞാൻ ഹർഭജനെ ഇപ്പോഴും ‘ഭാജ്ജി പാ’ എന്നാണ് അഭിസംബോധന ചെയ്യുന്നത്, അദ്ദേഹം എപ്പോഴും എനിക്ക് ബഹുമാനം ഉള്ള ഒരാളാണ്. എനിക്ക് എന്തെങ്കിലും പ്രധാനപ്പെട്ട കാര്യം നടക്കുമ്പോഴും അല്ലെങ്കിൽ ഞാൻ ഡൗൺ ആയിരിക്കുമ്പോഴും ഞാൻ പോയി ഹർഭജനെ കെട്ടിപ്പിടിക്കുമായിരുന്നു. അത്രക്ക് നല്ല ബന്ധമായിരുന്നു.” ശ്രീശാന്ത് പറഞ്ഞു.

“അതുകൊണ്ട് തന്നെ ആ സംഭവം നടന്നപ്പോൾ ഞാൻ ഞെട്ടിപ്പോയി. ഞാൻ കരഞ്ഞത് വേദന കൊണ്ടല്ല, ഹൃദയത്തിന് ഉണ്ടായ വിഷമം കൊണ്ടാണ്. അവൻ അടിച്ചു എന്ന സത്യം എനിക്ക് ഉൾക്കൊള്ളാൻ കഴിഞ്ഞിരുന്നില്ല, ആരാണ് കാണുന്നത് എന്നതിനെക്കുറിച്ച് ഒന്നും എനിക്ക് ആശങ്ക ഇല്ലായിരുന്നു.” ശ്രീശാന്ത് തുടർന്നു.

“ഒരു ഇളയ സഹോദരൻ എന്ന നിലയിൽ, ഒരു ജ്യേഷ്ഠൻ വഴക്ക് പറയുക ആണെങ്കിൽ, അയാൾക്ക് അതിന് എല്ലാ അവകാശവും ഉണ്ടായിരുന്നു, അന്ന് കളി നടക്കും മുമ്പ് അവൻ എന്നോട് പറഞ്ഞിരുന്നു, ഞങ്ങൾക്കെതി നിന്റെ സ്വഭാവം അതിരുകടക്കരുത് എന്ന്.” ശ്രീശാന്ത് പറഞ്ഞു.

മുൻ ഐ പി എൽ ടീമായ കൊച്ചി ടസ്കേഴ്സ് ഇനിയും താൻ ഉൾപ്പെടെ പല താരങ്ങൾക്കും വേതനം തന്നിട്ടില്ല എന്ന് ശ്രീശാന്ത്. ആ ടീമിൻ്റെ ഭാഗമായിരുന്ന മുൻ ഇന്ത്യൻ പേസർ എസ് ശ്രീശാന്ത്, യൂട്യൂബിലെ ‘ദ രൺവീർ ഷോ’ എന്ന അഭിമുഖത്തിൽ സംസാരിക്കുക ആയിരുന്നു ശ്രീശാന്ത്.

“അവർ ധാരാളം പണം നൽകാൻ ഉണ്ട്. അവർ ഇപ്പോഴും പണം നൽകിയിട്ടില്ല. നിങ്ങൾക്ക് മുത്തയ്യ മുരളീധരനെ സമീപിക്കാം, മഹേല ജയവർദ്ധനെയെ വിളിക്കാം, നിങ്ങളുടെ ഷോയിൽ അവർ നിങ്ങളോട് പറയും പണം കിട്ടാനുള്ളത്. മക്കല്ലവും ജഡേജയും ആ ടീമിൽ ഉണ്ടായിരുന്നു” ശ്രീശാന്ത് പറഞ്ഞു.

“ബിസിസിഐ നിങ്ങൾക്ക് പണം നൽകി. ദയവായി ഞങ്ങൾക്ക് തരാനുള്ള പണം നൽകുക. എൻ്റെ കുട്ടികൾ വിവാഹിതരാകുമ്പോഴേക്കും ഞങ്ങൾക്ക് ആ പണം ലഭിക്കുമെന്ന് എനിക്ക് തോന്നുന്നു.” ശ്രീശാന്ത് പറഞ്ഞു.

“ടീം മൂന്ന് വർഷം ഉണ്ടാകേണ്ടതായിരുന്നു, ആദ്യ വർഷത്തിൽ തന്നെ ടീം പിരിച്ചു വിടേണ്ടി വന്നു. ആരും അതിനെക്കുറിച്ച് സംസാരിച്ചിട്ടില്ലെന്ന് ഞാൻ കരുതുന്നു. ഇപ്പോളും താരങ്ങൾ കണ്ടുമുട്ടുമ്പോൾ അതേക്കുറിച്ച് സംസാരിക്കാറുണ്ട്” – അദ്ദേഹം പറഞ്ഞു.

ലെജൻഡ്സ് ലീഗ് ക്രിക്കറ്റിൽ ഗംഭീരിനെതിരെ പരസ്യ പ്രസ്താവനകൾ നടത്തിയതിന് ശ്രീശാന്തിന് എതിരെ നടപടി. ഇന്ത്യ ക്യാപിറ്റൽസും ഗുജറാത്ത് ജയന്റ്‌സും തമ്മിലുള്ള എലിമിനേറ്ററിനിടെ ഗൗതം ഗംഭീർ തന്നെ ‘ഫിക്‌സർ’ എന്ന് വിളിച്ചതായി ശ്രീശാന്ത് പറഞ്ഞതിന് പിന്നാലെ ആണ് ലെജൻഡ്‌സ് ലീഗ് ക്രിക്കറ്റ് (എൽഎൽസി) കമ്മീഷണർ ശ്രീശാന്തിന് വക്കീൽ നോട്ടീസ് അയച്ചത്.

ടി20 ടൂർണമെന്റിൽ കളിക്കുന്നതിനിടെ കരാർ ലംഘിച്ചതിന് ശ്രീശാന്ത് കുറ്റക്കാരനാണെന്ന് ചൂണ്ടിക്കാട്ടിയാണ് നോട്ടീസ്. ഗംഭീറിനെ വിമർശിക്കുന്ന വീഡിയോകൾ നീക്കം ചെയ്‌താൽ മാത്രമേ പേസറുമായി ചർച്ചകൾ ആരംഭിക്കൂ എന്നും ലീഗ് വ്യക്തമാക്കി.

വിവാദത്തിൽ അമ്പയർമാരും അവരുടെ റിപ്പോർട്ട് അയച്ചു. അമ്പയർമാരുടെ റിപ്പോർട്ടിലും ഗംഭീറിന് എതിരെ പരാമരശങ്ങൾ ഒന്നും ഇല്ല.