Tag: Shivam Mavi

അഹമ്മദാബാദിൽ ഇന്ത്യയ്ക്ക് തകര്‍പ്പന്‍ വിജയം. ഇന്ന് ആദ്യം ബാറ്റ് ചെയ്ത ഇന്ത്യ 234/4 എന്ന കൂറ്റന്‍ സ്കോര്‍ നേടിയപ്പോള്‍ ന്യൂസിലാണ്ട് 66 റൺസിന് ഓള്‍ഔട്ട് ആകുകയായിരുന്നു. 12.1 ഓവര്‍ മാത്രമാണ് ന്യൂസിലാണ്ട് ഇന്നിംഗ്സ് നീണ്ട് നിന്നത്.

168 റൺസിന്റെ തകര്‍പ്പന്‍ വിജയം ഇന്ത്യ നേടിയപ്പോള്‍ ഹാര്‍ദ്ദിക് പാണ്ഡ്യ നാല് വിക്കറ്റും അര്‍ഷ്ദീപ് സിംഗ്, ഉമ്രാന്‍ മാലിക്, ശിവം മാവി എന്നിവര്‍ രണ്ട് വീതം വിക്കറ്റും നേടിയാണ് ആതിഥേയര്‍ക്കായി തിളങ്ങിയത്.

25 പന്തിൽ 35 റൺസ് നേടിയ ഡാരിൽ മിച്ചൽ മാത്രമാണ് ന്യൂസിലാണ്ട് ബാറ്റിംഗിൽ തിളങ്ങിയത്.

തന്റെ ആറ് വര്‍ഷത്തെ കാത്തിരിപ്പിന്റെ ഫലം ആയിരുന്നു ശ്രീലങ്കയ്ക്കെതിരെയുള്ള അരങ്ങേറ്റ മത്സരവും അതിലെ പ്രകടനവും എന്ന് പറഞ്ഞ് ശിവം മാവി. അണ്ടര്‍ 19 ഇന്ത്യ ടീമിന് കളിച്ച ശേഷം ഏറെക്കാലം താന്‍ ഈ അവസരത്തിനായി കാത്തിരുന്നുവെന്നും കഠിന പ്രയത്നം നടത്തിയിട്ടുണ്ടെന്നും മാവി പറഞ്ഞു.

ഇടയ്ക്ക് പരിക്കേറ്റത് തിരിച്ചടിയായപ്പോള്‍ തന്റെ സ്വപ്നം സ്വപ്നമായി തന്നെ നിലനിന്നേക്കുമെന്നും താന്‍ കരുതിയെന്ന് മാവി പറഞ്ഞു. ഐപിഎലില്‍ കളിച്ചിട്ടുള്ളതിനാൽ സമ്മര്‍ദ്ദം ലേശം കുറവായിരുന്നുവെന്നും പവര്‍പ്ലേയിൽ ആക്രമിച്ച് കളിച്ച് ബാറ്റ്സ്മാന്മാരെ പുറത്താക്കുക എന്നതായിരുന്നു തന്റെ ലക്ഷ്യം എന്നും മാവി പറഞ്ഞു.

മത്സരത്തിൽ വെറും 22 റൺസ് വിട്ട് കൊടുത്താണ് മാവി തന്റെ നാല് വിക്കറ്റുകള്‍ നേടിയത്.

ശിവം മാവിയ്ക്ക് ഇന്ത്യൻ ക്രിക്കറ്റിൽ വലിയ ഭാവിയെന്ന് പറഞ്ഞ് മുൻ ഓസ്ട്രേലിയൻ പേസർ ബ്രെറ്റ് ലീ. താൻ കമന്റേറ്ററായി താരത്തിന്റെ പ്രകടനവും ആക്ഷനും വളരെ അധികം അടുത്ത് നിന്ന് വീക്ഷിച്ചിട്ടുണ്ടെന്നും ഇന്ത്യയുടെ ഭാവി താരമായി മാറുവാൻ ശേഷിയുള്ളയാളാണ് ശിവം മാവിയെന്നും ബ്രെറ്റ് ലീ വ്യക്തമാക്കി. ഇന്ത്യൻ അണ്ടർ 19 ക്രിക്കറ്റിന്റെ ഭാഗമായി മിന്നും പ്രകടനം പുറത്തെടുത്ത താരം ഐപിഎലിൽ കൊൽക്കത്ത നൈറ്റ് റൈഡേഴ്സിന് വേണ്ടിയാണ് കളിച്ചിട്ടുള്ളത്.

ഐപിഎലിൽ ഈ സീസണിൽ താരത്തിന് അത്ര മികച്ചതായിരുന്നില്ല കാര്യങ്ങൾ. ടീമിൽ സ്ഥിരം സാന്നിദ്ധ്യമായി മാറുവാൻ കഴിയാത്ത താരത്തിനെതിരെ ഡൽഹി ക്യാപിറ്റൽസ് ഓപ്പണർ പൃഥ്വി ഷാ മത്സരത്തിന്റെ ആദ്യ ഓവറിൽ തന്നെ ആറ് ഫോറുകൾ പായിച്ചിരുന്നു.