Tag: Sebastian Vettel

കിമി റൈക്കണന്‍ പോള്‍ പൊസിഷനില്‍ മത്സരം ആരംഭിച്ച ഇറ്റാലിയന്‍ ഗ്രാന്‍ഡ്പ്രീയില്‍ വിജയം പിടിച്ചെടുത്ത് മെഴ്സിഡെസിന്റെ ലൂയിസ് ഹാമിള്‍ട്ടണ്‍. യോഗ്യത റൗണ്ടില്‍ F1 ചരിത്രത്തിലെ തന്നെ വേഗതയേറിയ സമയം കണ്ടെത്തിയ റൈക്കണനിനെ രണ്ടാം സ്ഥാനത്തേക്ക് പിന്തള്ളിയാണ് ഹാമിള്‍ട്ടണ്‍ ഒന്നാമനായത്. റൈക്കണനന്റെ സഹതാരം ഫെരാരിയുടെ സെബാസ്റ്റ്യന്‍ വെറ്റലിനു 4ാം സ്ഥാനത്ത് റേസ് അവസാനിപ്പിക്കുവാനേ സാധിച്ചുള്ളു. മെഴ്സിഡസ് താരം വാള്‍ട്ടേരി ബോട്ടാസിനാണ് മൂന്നാം സ്ഥാനം.

വെറ്റലിനെക്കാളും ചാമ്പ്യന്‍ഷിപ്പില്‍ 30 പോയിന്റിന്റെ ലീഡ് ഈ മത്സരത്തിലൂടെ ഹാമിള്‍ട്ടണ് സ്വന്തമാക്കുവാന്‍ സാധിച്ചിട്ടുണ്ട്. ആദ്യ ലാപ്പില്‍ ഇരുവരും കൂട്ടിയിച്ചപ്പോള്‍ 17ാം സ്ഥാനത്തേക്ക് പിന്തള്ളപ്പെട്ട് വെറ്റല്‍ തിരിച്ചുവന്ന് നാലാം സ്ഥാനം കരസ്ഥമാക്കിയത് അഭിമാനപൂര്‍വ്വമായ നേട്ടമാണെങ്കിലും ചാമ്പ്യന്‍ഷിപ്പില്‍ ഹാമിള്‍ട്ടണെ മറികടക്കുക കൂടുതല്‍ പ്രയാസകരമായി മാറിയിട്ടുണ്ട്.

ബെല്‍ജിയന്‍ ഗ്രാന്‍ഡ് പ്രീയില്‍ ആവേശകരമായ ജയത്തിലൂടെ സെബാസ്റ്റ്യന്‍ വെറ്റലിനു കിരീടം. ഇതോടെ ചാമ്പ്യന്‍ഷിപ്പില്‍ ലൂയിസ് ഹാമിള്‍ട്ടണിന്റെ ലീഡ് 17 പോയിന്റായി കുറയ്ക്കുവാനും വെറ്റലിനു സാധിച്ചു. ഫെരാരിയുടെ വെറ്റല്‍ ബെല്‍ജിയത്തില്‍ ഒന്നാം സ്ഥാനത്തെത്തിയപ്പോള്‍ ലൂയിസ് ഹാമിള്‍ട്ടണിനാണ് രണ്ടാം സ്ഥാനം. പോള്‍ പൊസിഷനില്‍ റേസ് തുടങ്ങിയ ഹാമിള്‍ട്ടണിനെ ആദ്യ ലാപ്പില്‍ തന്നെ വെറ്റല്‍ പിന്തള്ളിയിരുന്നു. റെഡ് ബുള്ളിന്റെ മാക്സ് വെര്‍സ്റ്റാപ്പന്‍ മൂന്നാം സ്ഥാനക്കാരനായി റേസ് അവസാനിപ്പിച്ചു.

റേസിന്റെ തുടക്കത്തില്‍ തന്നെ മക്ലാരന്റെ ഫെര്‍ണാണ്ടോ അലോന്‍സോയുടെ കാറില്‍ നിക്കോ ഹള്‍ക്കെന്‍ബര്‍ഗ് ഇടിച്ചതോടെ ഒരു കൂട്ട ഇടി നടക്കുകയായിരുന്നു. സൗബറിന്റെ ചാള്‍സ് ലെക്ലെര്‍ക് തലനാരിഴയ്ക്കാണ് വന്‍ അപകടത്തില്‍ നിന്ന് രക്ഷപ്പെട്ടത്. ഡാനിയേല്‍ റിക്കിയാര്‍ഡോയും കിമി റൈക്കണനും ആദ്യ ലാപ്പില്‍ തന്നെ കൂട്ടിയിടിയെ തുടര്‍ന്ന് റിട്ടയര്‍ ചെയ്തിരുന്നു.

ഹംഗേറിയന്‍ ഗ്രാന്‍ഡ് പ്രീയിലും വിജയം സ്വന്തമാക്കി ലൂയിസ് ഹാമിള്‍ട്ടണ്‍. ഡ്രൈവേഴ്സ് ചാമ്പ്യന്‍ഷിപ്പില്‍ തന്റെ എതിരാളിയായ ഫെരാരിയുടെ സെബാസ്റ്റ്യന്‍ വെറ്റലിനെ രണ്ടാം സ്ഥാനത്തേക്ക് പിന്തള്ളിയാണ് മെഴ്സിഡസ് താരത്തിന്റെ വിജയം. ഫെരാരിയുടെ തന്നെ കിമി റൈക്കണന്‍ ആണ് മൂന്നാം സ്ഥാനത്ത് എത്തിയത്. റെഡ്ബുള്ളിന്റെ ഡാനിയേല്‍ റിക്കിയാര്‍ഡോ നാലാമതും മെഴ്സിഡസിന്റെ വാള്‍ട്ടേരി ബോട്ടാസ് അഞ്ചാം സ്ഥാനത്തുമായി റേസ് അവസാനിപ്പിച്ചു.

ഇത് ആറാം തവണയാണ് ഹാമിള്‍ട്ടണ്‍ ഹംഗറിയില്‍ കിരീടം സ്വന്തമാക്കുന്നത്. ഇതോടെ ചാമ്പ്യന്‍ഷിപ്പില്‍ 24 പോയിന്റിന്റെ ലീഡ് ഹാമിള്‍ട്ടണ്‍ സ്വന്തമാക്കിയിട്ടുണ്ട്.

ഇതിനിടെ റെഡ്ബുള്ളുമായി കൂട്ടിയിടിച്ച ബോട്ടാസിനു തന്റെ മൂന്നാം സ്ഥാനമാണ് നഷ്ടമായത്. ആദ്യം വെറ്റലിനെ ഇടിച്ചുവെങ്കിലും അധികം പരിക്കില്ലാതെ വെറ്റല്‍ രക്ഷപ്പെട്ടുവെങ്കിലും ബോട്ടാസ് ഡാനിയേല്‍ റിക്കിയോര്‍ഡോയുമായി കൂട്ടിയിടിച്ചത് റൈക്കണിനു ബോട്ടാസിനെ മറികടക്കുവാന്‍ സഹായിച്ചു.

കൂടുതൽ കായിക വാർത്തകൾക്ക് : www.facebook.com/FanportOfficial

തുടര്‍ച്ചയായ ആറാം ബ്രിട്ടീഷ് ഗ്രാന്‍ഡ് പ്രീ കിരീടമെന്ന ലൂയിസ് ഹാമിള്‍ട്ടണിന്റെ മോഹങ്ങളെ ഇടിച്ച് നശിപ്പിച്ച് കിമി റൈക്കണന്‍. റേസിന്റെ തുടക്കത്തില്‍ തന്നെ നടന്ന ഇടിയില്‍ നിന്ന് കരകയറി ഹാമിള്‍ട്ടണ്‍ റേസ് പുനരാരംഭിച്ചുവെങ്കിലും സെബാസ്റ്റ്യന്‍ വെറ്റലിനു പിന്നിലായി രണ്ടാം സ്ഥാനത്ത് എത്തുവാനെ ഹാമിള്‍ട്ടണു സാധിച്ചുള്ളു. ഫെരാരിയുടെ സെബാസ്റ്റ്യന്‍ വെറ്റല്‍ ജേതാവായതോടു കൂടി ഡ്രൈവേഴ്സ് ചാമ്പ്യന്‍ഷിപ്പില്‍ ഹാമിള്‍ട്ടണെക്കാള്‍ 8 പോയിന്റ് ലീഡ് സ്വന്തമാക്കുവാന്‍ വെറ്റലിനു സാധിച്ചിട്ടുണ്ട്.

ഹാമിള്‍ട്ടണെ ഇടിച്ച ഫെരാരിയുടെ തന്നെ കിമി റൈക്കണനാണ് മൂന്നാം സ്ഥാനം. മെഴ്സിഡേഴ്സിന്റെ വാള്‍ട്ടേരി ബോട്ടാസ് നാലാമതും റെഡ് ബുള്ളിന്റെ ഡാനിയേല്‍ റിക്കിയാര്‍ഡോ അഞ്ചാമതും ഫിനിഷ് ചെയ്തു.

കൂടുതൽ കായിക വാർത്തകൾക്ക് : www.facebook.com/FanportOfficial