Tag: Sai Praneeth

ചൈന ഓപ്പണ്‍ പുരുഷ വിഭാഗം സിംഗിള്‍സില്‍ നിന്ന് പുറത്തായ സായി പ്രണീത്. ഇന്തോനേഷ്യയുടെ ആന്തണി സിനിസുക ജിന്റിംഗിനോടാണ് താരം മൂന്ന് ഗെയിം പോരാട്ടത്തില്‍ കീഴടങ്ങിയത്. ആദ്യ ഗെയിം വിജയിച്ച ശേഷമാണ് പ്രണീതിന്റെ തോല്‍വി. എന്നാല്‍ രണ്ടാം ഗെയിമില്‍ തീരെ നിറം മങ്ങിയ പ്രണീതിന് ആറ് പോയിന്റ് മാത്രമേ നേടാനായുള്ളു. പിന്നീട് മൂന്നാം ഗെയിമിലും ഇതേ ആധിപത്യം പുലര്‍ത്തി ഇന്തോനേഷ്യന്‍ താരം വിജയം കുറിച്ചു. സ്കോര്‍: 21-16, 6-21, 16-21. 55 മിനുട്ടാണ് മത്സരം നീണ്ട് നിന്നത്.

ഇതോടെ ചൈന ഓപ്പണിലെ ഇന്ത്യന്‍ സാന്നിദ്ധ്യം അവസാനിച്ചു. ഇന്നലെ വനിത വിഭാഗത്തില്‍ സിന്ധുവും പുരുഷ വിഭാഗത്തില്‍ പാരുപ്പള്ളി കശ്യപും പുറത്തായിരുന്നു.

ചൈനീസ് താരത്തെ കീഴടക്കി തന്റെ രണ്ടാം റൗണ്ട് മത്സരത്തില്‍ മികച്ച വിജയം നേടി ഇന്ത്യയുടെ സായി പ്രണീത്. ഇതോടെ പ്രണീത് ചൈന ഓപ്പണ്‍ ക്വാര്‍ട്ടര്‍ ഫൈനലില്‍ കടന്നിട്ടുണ്ട്. നേരിട്ടുള്ള ഗെയിമിലാണെങ്കിലും ചൈനീസ് താരത്തില്‍ നിന്നുള്ള കടുത്ത മത്സരത്തെ അതിജീവിച്ചാണ് പ്രണീത് ക്വാര്‍ട്ടറിലെത്തിയത്. ചൈനയുടെ ഗുവാംഗ് സു ലൂവിനെ 21-19, 21-19 എന്ന സ്കോറിന് 48 മിനുട്ട് നീണ്ട് നില്‍ക്കുന്ന മത്സരത്തിലാണ് പ്രണീത് പരാജയപ്പെടുത്തിയത്.

ചൈന ഓപ്പണ്‍ ആദ്യ റൗണ്ടില്‍ വിജയം കരസ്ഥമാക്കി ഇന്ത്യയുടെ സായി പ്രണീത്. ഇന്ന് തായ്‍ലാന്‍ഡിന്റെ സുപ്പാന്യുവിനോട് മൂന്ന് ഗെയിം മത്സരത്തിലാണ് പ്രണീത് പൊരുതി നേടിയ വിജയം ഉറപ്പാക്കിയത്. ആദ്യ ഗെയിം കടുത്ത മത്സരത്തെ അതിജീവിച്ച് വിജയം പിടിച്ചെടുക്കുവാന്‍ പ്രണീതിന് സാധിച്ചപ്പോള്‍ രണ്ടാം ഗെയിമില്‍ സമാനമായ അവസ്ഥയില്‍ ഇരു താരങ്ങളും ഒപ്പത്തിനൊപ്പം നിന്നപ്പോള്‍ വിജയം സുപ്പാന്യുവിനൊപ്പമായിരുന്നു.

മൂന്നാം ഗെയിമില്‍ താരതമ്യേന അനായാസമായ വിജയമാണ് സായി പ്രണീത് കരസ്ഥമാക്കിയത്. 72 മിനുട്ടാണ് മത്സരം നീണ്ട് നിന്നത്. സ്കോര്‍: 21-19, 21-23, 21-14.

അതേ സമയം മിക്സഡ് ഡബിള്‍സ് മത്സരത്തില്‍ ജര്‍മ്മന്‍ താരങ്ങളോട് പരാജയപ്പെട്ട് ഇന്ത്യയുടെ സിക്കി റെഡ്ഢി-പ്രണവ് ജെറി ചോപ്ര കൂട്ടുകെട്ട് പുറത്തായി. 12-21, 21-23 എന്ന സ്കോറിന് നേരിട്ടുള്ള ഗെയിമിലായിരുന്നു ഇന്ത്യന്‍ താരങ്ങളുടെ തോല്‍വി. രണ്ടാം ഗെയിമില്‍ ഇന്ത്യന്‍ താരങ്ങള്‍ ചെറുത്ത്നില്പുയര്‍ത്തിയെങ്കിലും അവസാനം നിമിഷം കാലിടറുകയായിരുന്നു.

ബാഡ്മിന്റണ്‍ ലോക ചാമ്പ്യന്‍ഷിപ്പിലെ വെങ്കല മെഡല്‍ നേടത്തിന്റെ ബലത്തില്‍ ഏറ്റവും പുതിയ ബാഡ്മിന്റണ്‍ റാങ്കിംഗില്‍ വലിയ നേട്ടം സ്വന്തമാക്കി സായി പ്രണീത്. സായി പ്രണീത് നാല് സ്ഥാനങ്ങള്‍ മെച്ചപ്പെടുത്തി ലോക റാങ്കിംഗില്‍ 15ാം സ്ഥാനത്തേക്ക് ഉയരുകയായിരുന്നു. നിലവില്‍ ഇന്ത്യന്‍ താരങ്ങളില്‍ രണ്ടാം സ്ഥാനത്താണ് താരം. 10ാം റാങ്കിലുള്ള ശ്രീകാന്ത് കിഡംബിയാണ് ഇന്ത്യന്‍ താരങ്ങളില്‍ ഏറ്റവും മികച്ച റാങ്കുള്ളത്.

ലോക ചാമ്പ്യന്‍ഷിപ്പില്‍ സെമിയില്‍ കടന്നത് വഴിയാണ് വെങ്കല മെഡല്‍ പ്രണീത് നേടിയത്. സെമിയില്‍ കെന്റോ മൊമോട്ടയോട് താരം പരാജയമേറ്റുവാങ്ങി.

ലോക 1ാം നമ്പര്‍ താരം കെന്റോ മൊമോട്ടയോട് കീഴടങ്ങി ബാഡ്മിന്റണ്‍ ലോക ചാമ്പ്യന്‍ഷിപ്പില്‍ തന്റെ ജൈത്രയാത്ര വെങ്കല മെഡലില്‍ അവസാനിപ്പിച്ച് ഇന്ത്യയുടെ സായി പ്രണീത്. ലോക റാങ്കിംഗില്‍ നാലാം നമ്പര്‍ താരമായ ജോനാഥന്‍ ക്രിസ്റ്റീ, എട്ടാം നമ്പര്‍ താരം ആന്തണി ജിന്റിംഗ് എന്നിവരെ കീഴടക്കിയെത്തിയ പ്രണീത് ഇന്ന് സെമിയില്‍ നേരിട്ടുള്ള ഗെയിമുകളിലാണ് ജപ്പാന്‍ താരത്തോട് പരാജയപ്പെട്ടത്.

42 മിനുട്ട് നീണ്ട പോരാട്ടത്തിനൊടുവില്‍ 13-21, 8-21 എന്ന സ്കോറിനാണ് പ്രണീത് കീഴടങ്ങിയത്.

ബാഡ്മിന്റണ്‍ ലോക ചാമ്പ്യന്‍ഷിപ്പിന്റെ ക്വാര്‍ട്ടര്‍ ഫൈനലില്‍ കടന്ന് ഇന്ത്യയുടെ സായി പ്രണീത്. ഇന്തോനേഷ്യയുടെ ആന്തണി സിനിസുക ഗിന്റിംഗിനോടാണ് പ്രണീത് നേരിട്ടുള്ള ഗെയിമില്‍ വിജയം കരസ്ഥമാക്കിയത്. 42 മിനുട്ട് നീണ്ട് നിന്ന മത്സരത്തില്‍ താരം 21-19, 21-13 എന്ന സ്കോറിനാണ് അനായാസ ജയം സ്വന്തമാക്കിയത്. അതേ സമയം മറ്റൊരു മത്സരത്തില്‍ എച്ച്എസ് പ്രണോയ് പ്രീ ക്വാര്‍ട്ടറില്‍ തോറ്റ് പുറത്തായി.

19-21, 12-21 എന്ന സ്കോറിനാണ് പ്രണോയ് പരാജയപ്പെട്ടത്. ജപ്പാന്‍ താരം കെന്റോ മൊമോട്ടയോടാണ് ഇന്ത്യന്‍ താരത്തിന്റെ പരാജയം. 56 മിനുട്ടാണ് മത്സരം നീണ്ട് നിന്നത്.

ബാഡ്മിന്റണ്‍ ലോക ചാമ്പ്യന്‍ഷിപ്പിന്റെ ആദ്യ റൗണ്ട് മത്സരത്തില്‍ വിജയം കരസ്ഥമാക്കി സായി പ്രണീത്. കാനഡയുടെ ജേസണ്‍ ആന്തണിയോട് നേരിട്ടുള്ള ഗെയിമിലാണ് സായി പ്രണീതിന്റെ വിജയം. 21-17, 21-16 എന്ന സ്കോറിനാണ് പ്രണീത് ആദ്യ റൗണ്ടിലെ വിജയം സ്വന്തമാക്കിയത്. 39 മിനുട്ടാണ് മത്സരം നീണ്ട് നിന്നത്.