മുൻ ഇന്ത്യൻ സ്ട്രൈക്കറായ റോബിൻ സിങ് ഇനി ബെംഗളൂരു ഡിവിഷനിൽ കളിക്കും. ബെംഗളൂരുവിലെ പുതിയ ക്ലബായ സ്പോർടിങ് ക്ലബ് ബെംഗളൂരു ആണ് റോബിൻ സിംഗിനെ സൈൻ ചെയ്തിരിക്കുന്നത്. ബെംഗളൂരു ഡിവിഷനിലാണ് ഇപ്പോൾ കളിക്കുന്നത് എങ്കിലും സമീപ ഭാവിയിൽ തന്നെ ഐ എസ് എല്ലിൽ എത്താൻ ആഗ്രഹിക്കിന്ന ക്ലബാണ് സ്പോർടിങ് ക്ലബ് ബെംഗളൂരു. കഴിഞ്ഞ സീസണിൽ പഞ്ചാബ് എഫ് സിയിൽ ആയിരുന്നു റോബിൻ കളിച്ചിരുന്നത്.
അതിനു മുമ്പ് ഹൈദരബാദിൽ ആയിരിക്കെ ലോണിൽ റിയൽ കാശ്മീരിലും കളിച്ചിരുന്നു. മൂന്ന് സീസണുകളോളം ഐ എസ് എല്ലിൽ ഹൈദരബാദ്/പൂനെ സിറ്റി ടീമുകളുടെ ഭാഗമായിരുന്നു റോബിൻ സിംഗ്. എന്നാൽ അവിടെ കാര്യമായി തിളങ്ങാൻ റോബിൻ സിംഗിനായിരുന്നില്ല. അതു മുതൽ താരത്തിന്റെ കരിയർ താഴോട്ടാണ് സഞ്ചരിക്കുന്നത്. മുമ്പ് എഫ് സി ഗോവയ്ക്കായും ഡെൽഹി ഡൈനാമോസിനായും എ ടി കെ കൊൽക്കത്തയ്ക്കായും ഐ എസ് എല്ലിൽ റോബിൻ സിങ് കളിച്ചിട്ടുണ്ട്. മുൻ ഈസ്റ്റ് ബംഗാൾ താരം കൂടിയാണ്. ഇന്ത്യക്കായി 30 മത്സരങ്ങൾ കളിച്ചിട്ടുള്ള റോബിൻ 5 ഗോളുകൾ രാജ്യത്തിനായി നേടിയിട്ടുണ്ട്.,