Tag: Paris 2024

ഇന്നലെ ഔദ്യോഗിക ഉദ്ഘാടനം കഴിഞ്ഞതോടെ പാരീസ് ഒളിമ്പിക്സ് മത്സരങ്ങൾക്ക് വേഗത കൂടുകയാണ്. ഇന്ന് നിരവധി ഇനങ്ങളിലാണ് ഇന്ത്യ മത്സരിക്കുന്നത്. ഇന്ത്യയുടെ ഇന്നത്തെ മത്സരങ്ങളുടെ പൂർണ്ണ ഫികചറുകൾ നോക്കാം:

ജൂലൈ 27, ഇന്ത്യയുടെ ഫിക്സ്ചർ
12:30 pm IST

തുഴച്ചിൽ: പുരുഷന്മാരുടെ സിംഗിൾസ് സ്കൾസ് ഹീറ്റ്സ് – പൻവർ ബൽരാജ്

ഷൂട്ടിംഗ്: 10 മീറ്റർ എയർ റൈഫിൾ മിക്സഡ് ടീം യോഗ്യത – സന്ദീപ് സിംഗ്/ഇലവേനിൽ വളറിവൻ, അർജുൻ ബാബുത/രമിത ജിൻഡാൽ
(28 ടീമുകളിൽ നിന്ന് മികച്ച 4 ടീമുകൾ സ്വർണ്ണ, വെങ്കല മെഡൽ മത്സരങ്ങൾക്ക് യോഗ്യത നേടുന്നു. മത്സരം 2 pm IST)

ഷൂട്ടിംഗ് മെഡൽ മത്സരങ്ങൾ: 10 മീറ്റർ എയർ റൈഫിൾ മിക്സഡ് ടീം വെങ്കലം, സ്വർണ്ണ മെഡൽ മത്സരങ്ങൾ (യോഗ്യത നേടിയാൽ)

ഷൂട്ടിംഗ്: പുരുഷന്മാരുടെ 10 മീറ്റർ എയർ പിസ്റ്റൾ യോഗ്യത – അർജുൻ സിംഗ് ചീമ, സരബ്ജോത് സിംഗ്

3:30 pm IST

ടെന്നീസ്: പുരുഷന്മാരുടെ ഡബിൾസ് ആദ്യ റൗണ്ട് മത്സരം – രോഹൻ ബൊപ്പണ്ണ-എൻ ശ്രീറാം ബാലാജി vs എഡ്വാർഡ് റോജർ-വാസലിൻ-ഫാബിൻ റെബൗൾ (ഫ്രാൻസ്)
4 pm IST

ഷൂട്ടിംഗ്: 10 മീറ്റർ എയർ പിസ്റ്റൾ വനിതകളുടെ യോഗ്യത – മനു ഭാക്കറും റിഥം സാങ്‌വാനും

From 7:15 pm IST

ടേബിൾ ടെന്നീസ്: പുരുഷ സിംഗിൾസ് ആദ്യ റൗണ്ട് – ഹർമീത് ദേശായി vs സായിദ് അബോ യമൻ (ജോർദാൻ))

From 7:10 pm IST

ബാഡ്മിൻ്റൺ ഗ്രൂപ്പ് സ്റ്റേജ്

പുരുഷ സിംഗിൾസ് ഗ്രൂപ്പ് മത്സരം: ലക്ഷ്യ സെൻ vs കെവിൻ കോർഡൻ (ഗ്വാട്ടിമാല) (7:10 pm IST)

പുരുഷന്മാരുടെ ഡബിൾസ് ഗ്രൂപ്പ് മത്സരം: സാത്വിക്‌സായിരാജ് രങ്കിറെഡ്ഡിയും ചിരാഗ് ഷെട്ടിയും vs ലൂക്കാസ് കോർവിയും റോണൻ ലാബാറും (ഫ്രാൻസ്) (രാത്രി 8 മണി IST).

വനിതാ ഡബിൾസ് ഗ്രൂപ്പ് മത്സരം: അശ്വിനി പൊന്നപ്പ, തനിഷ ക്രാസ്റ്റോ vs കിം സോ യോങ്, കോങ് ഹീ യോങ് (കൊറിയ) (രാത്രി 11:50 IST)

9 pm IST

ഹോക്കി – ഇന്ത്യ vs ന്യൂസിലാൻഡ് ഗ്രൂപ്പ്-സ്റ്റേജ് മത്സരം
12:05 am IST (Sunday)

ബോക്സിംഗ്: വനിതകളുടെ 54 കിലോ ഓപ്പണിംഗ് റൗണ്ട് ബൗട്ട് – പ്രീതി പവാർ vs തി കിം ആൻ വോ (വിയറ്റ്നാം).

പാരീസ് ഒളിമ്പിക്സിന് ഔദ്യോഗിക തുടക്കം. പാരീസിലെ സീൻ നദിയിൽ ശനിയാഴ്ച നടന്ന പാരീസ് 2024 ഒളിമ്പിക്‌സിൻ്റെ പരേഡ് ഓഫ് നേഷൻസിൽ ഇന്ത്യൻ സംഘവും മിന്നി തിളങ്ങി. വെറ്ററൻ ടേബിൾ ടെന്നീസ് താരം അചന്ത ശരത് കമലും ബാഡ്മിൻ്റൺ താരം പിവി സിന്ധുവും ആണ് പരേഡിൽ ഇന്ത്യ പതാകയേന്തിയത്.

ഇന്ത്യൻ പുരുഷന്മാർ കുർത്ത ബുണ്ടി സെറ്റ് ധരിച്ചപ്പോൾ സ്ത്രീകൾ ഇന്ത്യയുടെ ത്രിവർണ്ണ പതാകയെ പ്രതിഫലിപ്പിക്കുന്ന സാരി ധരിച്ചു. പതിവ് രീതി മാറ്റിയ ഉദ്ഘാടന ചടങ്ങാണ് പാരീസിൽ നടക്കുന്നത്. താരങ്ങൾ മാർച്ച് ചെയ്യുന്നതിന് പകരം സീൻ നദിയിലൂടെ ബോട്ടുകളിലാണ് ഒർശൊ രാജ്യത്തിന്റെ കായിക താരങ്ങൾ കടന്നു പോകുന്നത്‌.

ചരിത്രപ്രസിദ്ധമായ ഫ്രഞ്ച് തലസ്ഥാനത്തിൻ്റെ ഹൃദയഭാഗത്ത് കൂടി ഒഴുകുന്ന സീൻ നദിയിൽ ആണ് ഉദ്ഘാടന പരിപാടികൾ മുഴുവൻ നടന്നത്. ഒളിമ്പിക്‌സിൻ്റെ ചരിത്രത്തിൽ ഇതാദ്യമായാണ് ഒരു സ്റ്റേഡിയത്തിനുള്ളിൽ അല്ലാതെ ഉദ്ഘാടന ചടങ്ങ് നടക്കുന്നത്.

പാരീസ് ഗെയിംസിൽ 16 കായിക ഇനങ്ങളിl 69 മെഡൽ ഇനങ്ങളിലായി 70 പുരുഷന്മാരും 47 സ്ത്രീകളും ഉൾപ്പെടെ 117 അത്‌ലറ്റുകളെ ഇന്ത്യ അയച്ചിട്ടുണ്ട്.

പാരീസ് ഒളിമ്പിക്സ് 2024 ഗെയിംസിൽ ഇന്ത്യയുടെ രണ്ട് അമ്പെയ്ത്ത് ടീം കൂടെ മുന്നേറി. ഇന്ത്യൻ അമ്പെയ്ത്ത് ജോഡികളായ അങ്കിത ഭകത്തും ധീരജ് ബൊമ്മദേവരയും മിക്സഡ് ടീം ഇവൻ്റ് നറുക്കെടുപ്പിൽ ഇടം നേടി. 27 ടീമുകളിൽ നിന്ന്, 1347 പോയിൻ്റുകളുടെ ശ്രദ്ധേയമായ സ്‌കോറോടെ ലഭ്യമായ 16 സ്ഥാനങ്ങളിലൊന്ന് അവർ സ്വന്തമാക്കി, റാങ്കിംഗിൽ അവർ അഞ്ചാം സ്ഥാനത്തെത്തി.

പുരുഷ ടീം ഇനത്തിൽ ധീരജ് ബൊമ്മദേവര, തരുൺദീപ് റായ്, പ്രവീൺ ജാദവ് എന്നിവരടങ്ങിയ ഇന്ത്യൻ ത്രയങ്ങൾ റാങ്കിംഗ് റൗണ്ടിലെ മികച്ച പ്രകടനത്തിന് ശേഷം നേരിട്ട് ക്വാർട്ടറിലേക്ക് മുന്നേറി. അവർ 2013 പോയിൻ്റുകൾ നേടി, മൊത്തത്തിൽ മൂന്നാം സ്ഥാനത്തെത്തി. റാങ്കിംഗ് റൗണ്ടിലെ ആദ്യ നാല് ടീമുകൾ ആണ് നേരിട്ട് ക്വാർട്ടറിലേക്ക് നീങ്ങുക.

ഇന്ന് ഉച്ചയ്ക്ക് നടന്ന മത്സരത്തിൽ ഇന്ത്യൻ വനിതാ ടീമുൻ ക്വാർട്ടർ ഉറപ്പിച്ചിരുന്നു.

പാരീസ് ഒളിമ്പിക്സ് ഇന്ത്യ മികച്ച പ്രകടനത്തോടെ തന്നെ ആരംഭിച്ചു. ദീപിക കുമാരി, അങ്കിത ഭകത്, ഭജൻ കൗർ എന്നിവരടങ്ങുന്ന ഇന്ത്യൻ വനിതാ അമ്പെയ്ത്ത് ടീം ടീം ഇനത്തിൻ്റെ ക്വാർട്ടർ ഫൈനലിൽ സ്ഥാനം ഉറപ്പിച്ചു. 1983 പോയിൻ്റുമായി റാങ്കിംഗ് റൗണ്ടിൽ 4-ാം സ്ഥാനത്ത് ഫിനിഷ് ചെയ്താണ് മൂവരും ക്വാർട്ടർ ഫൈനലിലേക്ക് കടന്നത്.

ജൂലൈ 28ന് നടക്കുന്ന ക്വാർട്ടർ ഫൈനലിൽ ഫ്രാൻസ് നെതർലൻഡ്‌സ് മത്സരത്തിലെ വിജയിയെ ഇന്ത്യ നേരിടും. മെഡൽ ആരു വിജയിക്കും എന്ന് അന്ന് തന്നെ അറിയാൻ ആകും. ക്വാർട്ടർ കടന്നാൽ ഇന്ത്യ സെമിയിൽ ദക്ഷിണ കൊറിയൻ ടീമിനെ നേരിടേണ്ടി വരും. അമ്പെയ്ത്തിലെ വൻ ശക്തികളാണ് ദക്ഷിണ കൊറിയ.