അർജന്റീന ഒളിമ്പിക്സ് ഫുട്ബോൾ ടീം പ്രഖ്യാപിച്ചു, ആൽവരസും ഒട്ടമെൻഡിയും ടീമിൽ

പാരീസിൽ നടക്കുന്ന ഒളിമ്പിക് ഗെയിംസിനുള്ള അർജന്റീന ഫുട്ബോൾ ടീം പ്രഖ്യാപിച്ചു. മൂന്ന് സീനിയർ താരങ്ങൾ സ്ക്വാഡിൽ ഉണ്ട്‌. ഹൂലിയൻ അൽവാരസ്, നിക്കോളാസ് ഒട്ടാമെൻഡി, ജെറോണിമോ റുലി എന്നിവരാണ് സീനിയർ താരങ്ങൾ ആയി അർജൻ്റീന ടീമിൽ ഉള്ളത്. 18 അംഗ ഒളിമ്പിക് സ്ക്വാഡിനെ പരിശീലിപ്പിക്കുന്നത് ഹാവിയർ മഷെറാനോയാണ്,

മാഞ്ചസ്റ്റർ സിറ്റിയുടെ അൽവാരസും ബെൻഫിക്കയുടെ ഒട്ടമെൻഡിയും ക്ലബ്ബിനും രാജ്യത്തിനുമായി ഈ സീസണിൽ ഇതിനകം 50 മത്സരങ്ങൾ കളിച്ചിട്ടുണ്ട്. അർജൻ്റീനയുടെ കോപ്പ അമേരിക്ക ടീമിലുൾപ്പെട്ട താരമാണ് ഗോൾകീപ്പർ റുല്ലി.

കോപ്പ അമേരിക്ക ഫൈനലിന് 10 ദിവസങ്ങൾക്ക് ശേഷം ജൂലൈ 24 നാണ് ഒളിമ്പിക്സിലെ പുരുഷ ഫുട്ബോൾ ടൂർണമെൻ്റ് ആരംഭിക്കുന്നത്. 16 ടീമുകൾ അടങ്ങുന്ന ടൂർണമെൻ്റിൽ മൊറോക്കോ, ഇറാഖ്, ഉക്രെയ്ൻ എന്നിവരുള്ള ഗ്രൂപ്പിലാണ് അർജൻ്റീന.

Argentina squad for Paris Olympics

Goalkeepers: Leandro Brey, Geronimo Rulli

Defenders: Marco Di Cesare, Julio Soler, Joaquin Garcia, Gonzalo Lujan, Nicolas Otamendi, Bruno Amione

Midfielders: Ezequiel Fernandez, Santiago Hezze, Cristian Medina, Kevin Zenon

Forwards: Giuliano Simeone, Luciano Gondou, Thiago Almada, Claudio Echeverri, Julian Alvarez, Lucas Beltran