പാരീസ് ഒളിമ്പിക്സ് ഇന്ത്യ മികച്ച പ്രകടനത്തോടെ തന്നെ ആരംഭിച്ചു. ദീപിക കുമാരി, അങ്കിത ഭകത്, ഭജൻ കൗർ എന്നിവരടങ്ങുന്ന ഇന്ത്യൻ വനിതാ അമ്പെയ്ത്ത് ടീം ടീം ഇനത്തിൻ്റെ ക്വാർട്ടർ ഫൈനലിൽ സ്ഥാനം ഉറപ്പിച്ചു. 1983 പോയിൻ്റുമായി റാങ്കിംഗ് റൗണ്ടിൽ 4-ാം സ്ഥാനത്ത് ഫിനിഷ് ചെയ്താണ് മൂവരും ക്വാർട്ടർ ഫൈനലിലേക്ക് കടന്നത്.
ജൂലൈ 28ന് നടക്കുന്ന ക്വാർട്ടർ ഫൈനലിൽ ഫ്രാൻസ് നെതർലൻഡ്സ് മത്സരത്തിലെ വിജയിയെ ഇന്ത്യ നേരിടും. മെഡൽ ആരു വിജയിക്കും എന്ന് അന്ന് തന്നെ അറിയാൻ ആകും. ക്വാർട്ടർ കടന്നാൽ ഇന്ത്യ സെമിയിൽ ദക്ഷിണ കൊറിയൻ ടീമിനെ നേരിടേണ്ടി വരും. അമ്പെയ്ത്തിലെ വൻ ശക്തികളാണ് ദക്ഷിണ കൊറിയ.