Tag: Neeraj Chopra

ചെക്ക് റിപ്പബ്ലിക്കിൽ നടന്ന ഒസ്ട്രാവാ ഗോൾഡൻ സ്പൈക്ക് 2025-ൽ ഇന്ത്യയുടെ അഭിമാന താരമായ നീരജ് ചോപ്ര പുരുഷന്മാരുടെ ജാവലിൻ ത്രോയിൽ സ്വർണം നേടി. തന്റെ മൂന്നാം ശ്രമത്തിൽ 85.29 മീറ്റർ ദൂരം എറിഞ്ഞാണ് നീരജ് വിജയം ഉറപ്പിച്ചത്.

ആദ്യ ശ്രമം ഫൗളായിരുന്നെങ്കിലും, രണ്ടാം ശ്രമത്തിൽ 83.45 മീറ്റർ ദൂരം കണ്ടെത്തി നീരജ് ശക്തമായി തിരിച്ചെത്തി. മൂന്നാം റൗണ്ടിൽ 85.29 മീറ്റർ ദൂരം താണ്ടിയതോടെ മറ്റെല്ലാ എതിരാളികളെയും മറികടന്ന് സ്വർണം നേടാൻ അദ്ദേഹത്തിന് സാധിച്ചു.
ദക്ഷിണാഫ്രിക്കയുടെ ഡോവ് സ്മിത്ത് 84.12 മീറ്റർ ദൂരവുമായി രണ്ടാം സ്ഥാനത്തെത്തി, ഇത് അദ്ദേഹത്തിന്റെ വ്യക്തിഗത മികച്ച പ്രകടനമാണ്. ഗ്രെനഡയുടെ ആൻഡേഴ്സൺ പീറ്റേഴ്സ് 83.63 മീറ്റർ എറിഞ്ഞ് മൂന്നാം സ്ഥാനത്ത് ഫിനിഷ് ചെയ്തു.

2025-ൽ നീരജ് നേടുന്ന രണ്ടാമത്തെ വിജയമാണിത്. പാരീസ് ഡയമണ്ട് ലീഗിൽ 88.16 മീറ്റർ എറിഞ്ഞ് നീരജ് വിജയിച്ചിരുന്നു. ഈ വർഷം അവസാനം നടക്കുന്ന പാരീസ് ഒളിമ്പിക്സിനായുള്ള ഒരുക്കത്തിലാണ് നീരജ് ഇപ്പോൾ.

പാരിസ്, 2025 ജൂൺ 21: ഇന്ത്യയുടെ സുവർണ്ണ താരം നീരജ് ചോപ്ര പാരിസ് ഡയമണ്ട് ലീഗിൽ സീസണിലെ തന്റെ ആദ്യ വിജയം നേടി. നാടകീയമായ ജാവലിൻ ത്രോ പോരാട്ടത്തിൽ 88.16 മീറ്റർ ദൂരം എറിഞ്ഞാണ് അദ്ദേഹം വിജയം ഉറപ്പിച്ചത്.

എല്ലാ റൗണ്ടുകൾക്ക് ശേഷമുള്ള ഫലങ്ങൾ:
🥇 നീരജ് ചോപ്ര – 88.16 മീറ്റർ
🥈 ജൂലിയൻ വെബർ – 87.88 മീറ്റർ
🥉 ലൂയിസ് ഡാ സിൽവ – 86.62 മീറ്റർ

മത്സരത്തിൽ തുടക്കം മുതൽ വെബറിന് മുന്നിലായിരുന്ന നീരജ് ചോപ്ര, നിലവിലെ ഒളിമ്പിക് ചാമ്പ്യന് ഈ വിജയം ആത്മവിശ്വാസം നൽകു. നേരത്തെ സീസണിലെ ആദ്യ രണ്ട് മത്സരത്തിലും നീരജ് രണ്ടാം സ്ഥാനത്തായിരുന്നു ഫിനിഷ ചെയ്തത്.

ഇന്ത്യയുടെ സൂപ്പർ ജാവലിൻ ത്രോ താരം നീരജ് ചോപ്ര ഒടുവിൽ ദോഹ ഡയമണ്ട് ലീഗ് 2025 ൽ 90.23 മീറ്റർ എന്ന മികച്ച ദൂരത്തോടെ 90 മീറ്റർ എന്ന കടമ്പ കടന്നു. ഇത് അദ്ദേഹത്തിന്റെ കരിയറിലെ ഏറ്റവും മികച്ച പ്രകടനവും ദേശീയ റെക്കോർഡുമായിരുന്നുവെങ്കിലും, ജർമ്മനിയുടെ ജൂലിയൻ വെബർ അവസാന റൗണ്ടിൽ 91.06 മീറ്റർ എറിഞ്ഞ് ഒന്നാം സ്ഥാനം നേടിയതിനാൽ ചോപ്രയ്ക്ക് രണ്ടാം സ്ഥാനത്ത് തൃപ്തിപ്പെടേണ്ടിവന്നു

ഈ സീസണിലെ ആദ്യ മത്സരത്തിൽ നീരജ് മികച്ച ഫോം കാണിച്ചു. 88.40 മീറ്ററോടെ തുടങ്ങിയ അദ്ദേഹം പിന്നീട് ഒരു ശ്രമം ഫൗളാക്കുകയും മൂന്നാം ശ്രമത്തിൽ 90.23 മീറ്റർ എറിയുകയും ചെയ്തു. പിന്നീട് 80.56 മീറ്റർ, ഒരു ഫൗൾ, അവസാന റൗണ്ടിൽ 88.20 മീറ്റർ എന്നിങ്ങനെയായിരുന്നു അദ്ദേഹത്തിന്റെ പ്രകടനങ്ങൾ. ഈ ത്രോയോടെ 90 മീറ്റർ കടക്കുന്ന മൂന്നാമത്തെ ഏഷ്യൻ താരവും 25-ാമത്തെ പുരുഷ ജാവലിൻ ത്രോ താരവുമായി നീരജ് മാറി.

മുമ്പ് 90 മീറ്റർ മറികടന്നിട്ടില്ലാത്ത വെബർ സ്ഥിരതയാർന്ന പ്രകടനങ്ങളിലൂടെ ക്രമേണ മുന്നേറി, അവസാന ശ്രമത്തിൽ 91.06 മീറ്റർ എറിഞ്ഞ് നാടകീയമായി വിജയം സ്വന്തമാക്കി. ഗ്രാനഡയുടെ ആൻഡേഴ്സൺ പീറ്റേഴ്സ് മൂന്നാം സ്ഥാനത്തും ഇന്ത്യയുടെ കിഷോർ ജെന 78.60 മീറ്ററോടെ എട്ടാം സ്ഥാനത്തും ഫിനിഷ് ചെയ്തു.

ഇന്ത്യയുടെ ഒളിമ്പിക് ഹീറോ നീരജ് ചോപ്ര ഇന്ന് ദോഹ ഡയമണ്ട് ലീഗിൽ 2025 ലെ അത്‌ലറ്റിക് സീസണിന് തുടക്കം കുറിക്കും. ജാവലിൻ ത്രോയിലെ നീരജ് ഏറെക്കാലമായി ലക്ഷ്യമിടുന്ന 90 മീറ്റർ എന്ന ദൂരം മറികടക്കുമോ എന്നതാകും ഏവരും ഉറ്റു നോക്കുന്നത്.

പൂർണ്ണ ഫിറ്റ്‌നസ്സ് വീണ്ടെടുത്ത നീരജ് ഇതിഹാസ ജാവലിൻ പരിശീലകൻ ജാൻ സെലെസ്‌നിയുടെ കീഴിലാണ് ഇത്തവണ മത്സരത്തിൽ ഇറങ്ങുന്നത്. 2022 ൽ 89.94 മീറ്റർ എന്ന വ്യക്തിഗത മികച്ച ദൂരം കണ്ടെത്തിയ 27 കാരനായ നീരജ്, പലതവണ അടുത്തെത്തിയിട്ടും 90 മീറ്റർ ക്ലബ്ബിൽ ഇതുവരെ അംഗമാകാൻ ആയിട്ടില്ല.

ദോഹയിലെ വേദി വലിയ ദൂരങ്ങൾ എറിയുന്നതിന് അനുകൂലമായാണ് കണക്കാക്കപ്പെടുന്നു. നിരവധി അത്‌ലറ്റുകൾ ഇവിടെയാണ് തങ്ങളുടെ വ്യക്തിഗത മികച്ച പ്രകടനം കാഴ്ചവെച്ചിട്ടുള്ളത്. 2023 ലെ വിജയമുൾപ്പെടെ രണ്ടുതവണ ദോഹയിൽ പോഡിയത്തിൽ ഫിനിഷ് ചെയ്ത നീരജ്, ഒന്നാം സ്ഥാനം തന്നെയാകും ലക്ഷ്യമിടുന്നത്.

ആൻഡേഴ്സൺ പീറ്റേഴ്സ് (PB: 93.07m), യാക്കൂബ് വാഡ്‌ലെജ് (90.88m), ജൂലിയസ് യെഗോ (92.72m), കേശോൺ വാൾക്കോട്ട് (90.16m), കൂടാതെ ജർമ്മനിയുടെ rising star മാക്സ് ഡെഹ്നിംഗ് (90.20m) എന്നിവരുൾപ്പെടുന്ന ശക്തമായ എതിരാളികൾ ഇന്ന് നീരജിനു മുന്നിലുണ്ട്.

പുരുഷന്മാരുടെ ജാവലിൻ ഫൈനൽ ഇന്ത്യൻ സമയം രാത്രി 10:13 ന് ആരംഭിക്കും. ഇന്ത്യയിൽ ടെലിവിഷൻ സംപ്രേക്ഷണം ലഭ്യമല്ലെങ്കിലും, ആരാധകർക്ക് Wanda Diamond League YouTube ചാനലിൽ മത്സരം സൗജന്യമായി തത്സമയം കാണാൻ കഴിയും.

ഒളിമ്പിക്, ലോക ചാമ്പ്യൻഷിപ്പ് ജാവലിൻ ത്രോ താരം നീരജ് ചോപ്ര മെയ് 16 ന് ദോഹയിൽ നടക്കുന്ന ഡയമണ്ട് ലീഗിൽ നാലംഗ ഇന്ത്യൻ സംഘത്തിന് നേതൃത്വം നൽകും. 2023 ൽ 88.67 മീറ്റർ ദൂരം എറിഞ്ഞ് ദോഹയിൽ കിരീടം നേടിയ ചോപ്ര, 2024 ൽ രണ്ടാം സ്ഥാനത്ത് ആയിരുന്നു ഫിനിഷ് ചെയ്തത്. ആൻഡേഴ്സൺ പീറ്റേഴ്സ് (ഗ്രാനഡ), യാക്കൂബ് വാഡ്‌ലെജ്ക്ക് (ചെക്ക് റിപ്പബ്ലിക്), ജൂലിയൻ വെബർ, മാക്സ് ഡെഹ്നിംഗ് (ജർമ്മനി), ജൂലിയസ് യേഗോ (കെനിയ), റോഡറിക് ജെൻകി ഡീൻ (ജപ്പാൻ) എന്നിവരുൾപ്പെടെ ശക്തമായ എതിരാളികൾക്ക് എതിരെ ജാവലിൻ മത്സരത്തിൽ ചോപ്ര മത്സരിക്കും.

കഴിഞ്ഞ വർഷം 76.31 മീറ്റർ ദൂരത്തോടെ ഒമ്പതാം സ്ഥാനത്തെത്തിയ കിഷോർ ജെനയും ചോപ്രയ്‌ക്കൊപ്പം ചേരും.
ട്രാക്ക് ഇനങ്ങളിൽ, ദേശീയ റെക്കോർഡ് ഉടമയായ ഗുൽവീർ സിംഗ് പുരുഷന്മാരുടെ 5000 മീറ്ററിൽ ഡയമണ്ട് ലീഗിൽ അരങ്ങേറ്റം കുറിക്കും. അതേസമയം, വനിതകളുടെ 3000 മീറ്റർ സ്റ്റീപ്പിൾചേസിൽ ദേശീയ റെക്കോർഡ് ഉടമയായ പാറുൾ ചൗധരി മത്സരിക്കും.

ബംഗളൂരുവിൽ മെയ് 24 ന് നടക്കുന്ന കന്നി നീരജ് ചോപ്ര ക്ലാസിക് ജാവലിൻ ത്രോ മത്സരത്തിൽ പങ്കെടുക്കാനുള്ള നീരജ് ചോപ്രയുടെ ക്ഷണം പാകിസ്ഥാൻ ഒളിമ്പിക് സ്വർണ്ണ മെഡൽ ജേതാവ് അർഷാദ് നദീം നിരസിച്ചു. കൊറിയയിൽ നടക്കുന്ന ഏഷ്യൻ അത്‌ലറ്റിക് ചാമ്പ്യൻഷിപ്പിനായുള്ള തയ്യാറെടുപ്പുകളിലെ സമയപരിമിതി മൂലമാണ് അദ്ദേഹം പിന്മാറിയത്.

ചോപ്രയോടുള്ള നന്ദി അറിയിച്ച നദീം, മെയ് 27 മുതൽ 31 വരെ നടക്കുന്ന ചാമ്പ്യൻഷിപ്പിന് മുന്നോടിയായി മെയ് 22 ന് കൊറിയയിലെ ഗുമിയിലേക്ക് യാത്ര തിരിക്കുമെന്ന് സ്ഥിരീകരിച്ചു.

ജെഎസ്ഡബ്ല്യു സ്പോർട്സ്, അത്‌ലറ്റിക്സ് ഫെഡറേഷൻ ഓഫ് ഇന്ത്യ, വേൾഡ് അത്‌ലറ്റിക്സ് എന്നിവയുടെ സഹകരണത്തോടെ ചോപ്ര സംഘടിപ്പിക്കുന്ന എൻസി ക്ലാസിക്കിന് കാറ്റഗറി എ പദവി ലഭിച്ചിട്ടുണ്ട്. ആൻഡേഴ്സൺ പീറ്റേഴ്സ്, തോമസ് റോഹ്‌ലർ, ജൂലിയസ് യേഗോ, കർട്ടിസ് തോമിസൺ തുടങ്ങിയ പ്രമുഖ അന്താരാഷ്ട്ര താരങ്ങളും ഈ മത്സരത്തിൽ പങ്കെടുക്കും.

ഇന്ത്യയുടെ ജാവലിൻ ത്രോ താരം നീരജ് ചോപ്ര 2025 സീസണിന് മികച്ച തുടക്കം കുറിച്ചു. ദക്ഷിണാഫ്രിക്കയിലെ പോച്ചെഫ്‌സ്ട്രോം ഇൻവിറ്റേഷനൽ മത്സരത്തിൽ 84.52 മീറ്റർ ദൂരം എറിഞ്ഞ് അദ്ദേഹം സ്വർണം നേടി. ആറ് പേർ പങ്കെടുത്ത മത്സരത്തിൽ ദക്ഷിണാഫ്രിക്കയുടെ ഡൗ സ്മിത്തിനെയാണ് (82.44 മീറ്റർ) നീരജ് പിന്തള്ളിയത്.

ഈ ദൂരം അദ്ദേഹത്തിൻ്റെ വ്യക്തിഗത മികച്ച ദൂരത്തേക്കാൾ കുറവാണെങ്കിലും, മെയ് മാസത്തിൽ നടക്കുന്ന ദോഹ ഡയമണ്ട് ലീഗിന് മുന്നോടിയായുള്ള മികച്ച തുടക്കമാണിത്.

അടുത്തിടെ പരിശീലകനെ മാറ്റുകയും ജാവലിൻ ഇതിഹാസം ജാൻ സെലെസ്‌നിയുടെ കീഴിൽ പരിശീലനം ആരംഭിച്ച നീരജ്, ഈ സീസണിൽ 90 മീറ്റർ എന്ന ലക്ഷ്യം മറികടക്കാൻ ശ്രമിക്കുന്നുണ്ട്. നിലവിലെ ലോക ചാമ്പ്യനും രണ്ട് തവണ ഒളിമ്പിക് മെഡൽ ജേതാവുമായ അദ്ദേഹം ഈ വർഷം ടോക്കിയോയിൽ നടക്കുന്ന ലോക ചാമ്പ്യൻഷിപ്പിൽ കിരീടം നിലനിർത്താനും ലക്ഷ്യമിടുന്നു.

ഇന്ത്യയുടെ ജാവലിൻ ത്രോ താരം നീരജ് ചോപ്ര തൻ്റെ 2025 സീസൺ മെയ് 16 ന് ദോഹ ഡയമണ്ട് ലീഗിൽ ആരംഭിക്കുമെന്ന് സ്ഥിരീകരിച്ചു. 2023 ൽ ഏറ്റവും മികച്ച 88.67 മീറ്റർ ദൂരം എറിഞ്ഞ അതേ വേദിയിലേക്കാണ് ഇരട്ട ഒളിമ്പിക് മെഡൽ ജേതാവ് തിരിച്ചെത്തുന്നത്.
ടോക്കിയോയിൽ സ്വർണ്ണവും പാരീസ് ഒളിമ്പിക്സിൽ വെള്ളിയും നേടിയ ചോപ്ര ഖത്തറിലെ ആവേശഭരിതമായ ആരാധകർക്ക് മുന്നിൽ തുടർച്ചയായ മൂന്നാം വർഷവും മികച്ച പ്രകടനം നടത്താൻ ആകാംക്ഷയോടെ കാത്തിരിക്കുകയാണ്.

ഇതിഹാസ ചെക്ക് ത്രോവർ ജാൻ സെലെസ്‌നിയുടെ കീഴിൽ ഇപ്പോൾ പരിശീലനം നടത്തുന്ന ചോപ്ര, മറ്റൊരു മികച്ച സീസൺ ലക്ഷ്യമിട്ട് സ്ഥിരതയിലും ഫിറ്റ്‌നസ്സിലും ശ്രദ്ധ കേന്ദ്രീകരിക്കുന്നു.
“കഴിഞ്ഞ വർഷം എന്നെ ഒരുപാട് പഠിപ്പിച്ചു, സ്വർണ്ണം നേരിയ വ്യത്യാസത്തിൽ നഷ്ടപ്പെട്ടെങ്കിലും, ഇന്ത്യക്കായി വീണ്ടും പോഡിയത്തിൽ എത്താൻ കഴിഞ്ഞതിൽ ഞാൻ അഭിമാനിക്കുന്നു,” 27 കാരനായ ചോപ്ര പറഞ്ഞു. “ഞാനിപ്പോൾ പൂർണ്ണമായും ഫിറ്റാണ്, ദോഹയിൽ സീസൺ ആരംഭിക്കുന്നതിന്റെ ആവേശത്തിലാണ്.”

ദോഹയിലെ പരിപാടിക്ക് ശേഷം, മെയ് 24 ന് പഞ്ച്കുളയിൽ നടക്കുന്ന ‘നീരജ് ചോപ്ര ക്ലാസിക്കിൽ’ അദ്ദേഹം മത്സരിക്കും. ഓഗസ്റ്റ് 27-28 തീയതികളിൽ സൂറിച്ചിൽ നടക്കുന്ന ഡയമണ്ട് ലീഗ് ഫൈനലിലേക്കുള്ള 15 മത്സരങ്ങളുടെ ആഗോള പരമ്പരയുടെ ഭാഗമാണ് ദോഹ ഡയമണ്ട് ലീഗ്.