Tag: Northamptonshire

ബ്രിസ്റ്റോള്‍ കൗണ്ടി ഗ്രൗണ്ടില്‍ നടന്ന് വരികയായിരുന്നു ബോബ് വില്ലിസ് ട്രോഫിയിലെ ഗ്ലൗസ്റ്റര്‍ഷയര്‍ – നോര്‍ത്താംപ്ടണ്‍ഷയര്‍ മത്സരം ഉപേക്ഷിച്ചു. ക്ലബിലെ അംഗമായ ഒരു നോര്‍ത്താംപ്ടണ്‍ താരം പ്ലേയിംഗ് സ്ക്വാഡുമായി സമ്പര്‍ക്കത്തിലേര്‍പ്പെട്ടിരുന്നുവെന്നും പിന്നീട് ആ താരം കോവിഡ് പോസിറ്റീവ് ആണെന്നും മനസ്സിലാക്കിയതോടെയാണ് മത്സരം ഉപേക്ഷിക്കുവാന്‍ തീരുമാനിച്ചത്.

ഞായറാഴ്ച ലഞ്ച് ബ്രേക്കിന് മുമ്പാണ് മത്സരം ഉപേക്ഷിക്കുവാനുള്ള തീരുമാനം എടുത്തത്. താരം പോസിറ്റീവ് ആയെന്ന് കണ്ടെത്തിയ ഉടനെ തന്നെ ക്ലബ് മത്സരം നിര്‍ത്തുവാനുള്ള തീരുമാനം എടുക്കുകയായിരുന്നു.

ഈ താരം ബ്രിസ്റ്റോളിലേക്ക് യാത്ര ചെയ്ത സംഘത്തിലുള്ളതല്ലെങ്കിലും ലക്ഷണങ്ങള്‍ കാണിച്ച് തുടങ്ങിയതിന് 48 മണിക്കൂര്‍ മുമ്പ് താരവുമായി ഇപ്പോളത്തെ സംഘത്തിലെ പലരും സമ്പര്‍ക്കം പുലര്‍ത്തിയെന്ന് കണ്ടെത്തിയതോടെയാണ് മത്സരം ഉപേക്ഷിക്കുവാന്‍ തീരുമാനിച്ചത്.

ഇരു ടീമുകള്‍ക്കും ബോബ് വില്ലിസ് ട്രോഫിയുടെ ഫൈനലില്‍ കടക്കുവാന്‍ ഉള്ള സാധ്യതയില്ലാത്തതിനാല്‍ മത്സരം ഉപേക്ഷിക്കുന്നതിനാല്‍ ആരെയും ഇത് പ്രതികൂലമായി ബാധിക്കുന്നില്ല.

മുന്‍ ഇംഗ്ലണ്ട് ഓള്‍റൗണ്ടറും നോര്‍ത്താംപ്ടണ്‍ഷയര്‍ താരവുമായിരുന്ന ഡേവിഡ് കാപെല്‍ അന്തരിച്ചു. ഏറെ നാളായി അസുഖ ബാധിതനായിരുന്നു കാപെല്‍ തന്റെ 57ാം വയസ്സിലാണ് നിര്യാണമടഞ്ഞത്. 2018ല്‍ താരത്തിന് ബ്രെയിന്‍ ട്യൂമര്‍ ആണെന്ന് കണ്ടെത്തിയിരുന്നു.

1981 ടൂറിനെത്തിയ ശ്രീലങ്കയ്ക്കെതിരെ തന്റെ ഫസ്റ്റ് ക്ലാസ് അരങ്ങേറ്റം നടത്തിയ കാപെല്‍ പിന്നീട് രാജ്യത്തിന് വേണ്ടി 16 ടെസ്റ്റുകളും 23 ഏകദിനങ്ങളിലും കളിച്ചു. 1987ല്‍ പാക്കിസ്ഥാനെതിരെ നേടിയ 98 റണ്‍സാണ് കാപെലിന്റെ ഏറ്റവും ഉയര്‍ന്ന സ്കോര്‍. 1987ല്‍ ലീഡ്സില്‍ പാക്കിസ്ഥാനെതിരെയായിരുന്നു താരത്തിന്റെ ടെസ്റ്റ് അരങ്ങേറ്റം.

1998ല്‍ ഫസ്റ്റ് ക്ലാസ് ക്രിക്കറ്റില്‍ നിന്ന് വിരമിച്ച ശേഷം നോര്‍ത്താംപ്ടണ്‍ഷയറിന്റെ ഡയറക്ടര്‍ ഓഫ് എക്സലന്‍സായി 1999ല്‍ കാപെല്‍ ചുമതലയേറ്റിരുന്നു. പിന്നീട് 2006ല്‍ ടീമിന്റെ മുഖ്യ കോച്ചായും പ്രവര്‍ത്തിച്ചു. ബംഗ്ലാദേശ് വനിത ടീമിന്റെ മുഖ്യ കോച്ചായും 2013ല്‍ ഇംഗ്ലണ്ട് വനിത ടീമിന്റെ ഉപ പരിശീലകനായും ഡേവിഡ് കാപെല്‍ പ്രവര്‍ത്തിച്ചിട്ടുണ്ട്.

സിംബാബ്‍വേയ്ക്ക് വേണ്ടി ക്രിക്കറ്റ് കളിക്കുന്നതില്‍ നിന്ന് നീണ്ട ഇടവേളയെടുത്ത താരം കൗണ്ടി ടീമുമായി കരാറിലെത്തി. പ്രതീക്ഷിച്ചിത് പോലെയുള്ള സംഭവ വികാസങ്ങളാണ് സിംബാബ്‍വേ താരത്തില്‍ നിന്ന് പുറത്ത് വന്നിരിക്കുന്നത്. മൂന്ന് വര്‍ഷത്തെ കോല്‍പാക് കരാര്‍ ആണ് ബ്ലെസ്സിംഗ് മുസര്‍ബാനി ഇംഗ്ലീഷ് കൗണ്ടി ക്ലബ്ബായ നോര്‍ത്താംപ്ടണ്‍ഷയറുമായി കരാറിലെത്തിയിരിക്കുന്നത്.

ടീമിന്റെ രണ്ടാം ഡിവിഷന്‍ രണ്ടാം ഇലവനു വേണ്ടി ചില മത്സരങ്ങള്‍ കളിച്ച ശേഷമാണ് ഔദ്യോഗികമായ കരാര്‍ താരം ടീമിന്റെ സീനിയര്‍ ടീമുമായി ഒപ്പുവെച്ചിരിക്കുന്നത്. 21 വയസ്സുകാരന്‍ സിംബാബ്‍വേ താരം 18 ഏകദിനങ്ങളും 6 ടി20യും ഒരു ടെസ്റ്റും സിംബാബ്‍വേയ്ക്ക് വേണ്ടി കളിച്ചിട്ടുണ്ട്.

ശേഷിക്കുന്ന കൗണ്ടി സീസണില്‍ ബെന്‍ കറന്‍ നോര്‍ത്താംപ്ടണ്‍ഷയറിനു വേണ്ടി കളിക്കുവാന്‍ കരാര്‍ ഒപ്പിട്ടു. ടോം കറന്റെയും സാം കറന്റെയും സഹോദരനാണ് ബെന്‍ കറന്‍. ഇവരുടെ പിതാവ് കെവിന്‍ കറന്‍ 1991 മുതല്‍ 1999 വരെ നോര്‍ത്താംപ്ടണ്‍ഷയറിനു വേണ്ടി കളിച്ചിരുന്നു. ഈ സീസണില്‍ കൗണ്ടിയുടെ രണ്ടാം നിരയ്ക്ക് വേണ്ടി താരം കളിച്ച് വരികയായിരുന്നു.

അടുത്ത രണ്ട് വര്‍ഷത്തേക്കാണ് താരത്തിനു പുതിയ കരാര്‍ ക്ലബ്ബ് നല്‍കിയിരിക്കുന്നത്. രണ്ടാം നിരയില്‍ നിന്ന് പ്രധാന ടീമിലേക്ക് താരത്തിനെ എത്തിച്ചത് ബെന്നിന്റെ പ്രകടനത്തിന്റെ ബലത്തില്‍ മാത്രമാണെന്നാണ് നോര്‍ത്താംപ്ടണ്‍ മുഖ്യ കോച്ച് ഡേവിഡ് റിപ്ലി പറഞ്ഞത്.

കൂടുതൽ കായിക വാർത്തകൾക്ക് : www.facebook.com/FanportOfficial