Tag: Mohammad Abbas

പാക്കിസ്ഥാന്‍ ഫാസ്റ്റ് ബൗളര്‍ മുഹമ്മദ് അബ്ബാസ് ടെസ്റ്റ് ബൗളര്‍മാരുടെ റാങ്കിംഗില്‍ മൂന്നാം സ്ഥാനത്തേക്ക്. വെറും പത്ത് ടെസ്റ്റ് മത്സരങ്ങളില്‍ നിന്നാണ് താരത്തിന്റെ ഈ നേട്ടം. റേറ്റിംഗ് പോയിന്റില്‍ പത്ത് മത്സരങ്ങളില്‍ നിന്ന് 800 പോയിന്റ് നേടി യസീര്‍ ഷായുടെ നേട്ടത്തിനൊപ്പം താരം എത്തുകയും ചെയ്തു. അബ്ബാസിന്റെ മികവില്‍ പാക്കിസ്ഥാന്‍ ഓസ്ട്രേലിയയെ 373 റണ്‍സിനു പരാജയപ്പെടുത്തി ടെസ്റ്റ് പരമ്പര 1-0നു സ്വന്തമാക്കിയിരുന്നു.

28 വയസ്സുകാരന്‍ താരം 11 സ്ഥാനങ്ങള്‍ മെച്ചപ്പെടുത്തിയാണ് ഈ നേട്ടത്തിലേക്ക് എത്തുന്നത്. യസീര്‍ ഷായും വെറോണ്‍ ഫിലാണ്ടറുമാണ് പത്ത് മത്സരങ്ങളില്‍ 800 റേറ്റിംഗ് പോയിന്റിലെത്തുന്ന മറ്റു താരങ്ങള്‍. 19ാം നൂറ്റാണ്ടില്‍ ഇതിലും കുറവ് മത്സരങ്ങളില്‍ നിന്ന് ഈ നേട്ടം കൈവരിച്ച മൂന്ന് താരങ്ങളുണ്ട്. ഇംഗ്ലണ്ടിന്റെ ടോം റിച്ചാര്‍ഡ്സണ്‍(1896ല്‍ എട്ട് മത്സരങ്ങളില്‍ നിന്ന്), ഓസ്ട്രേലിയയുടെ ചാര്‍ലി ടര്‍ണര്‍(1892ല്‍ 9 മത്സരങ്ങളില്‍ നിന്ന്), ഇംഗ്ലണ്ടിനു ഓസ്ട്രേലിയയ്ക്കുമായി കളിച്ച ജോണ്‍ ഫെരിസ്(1892ല്‍ 9 മത്സരങ്ങളില്‍ നിന്ന്)

പരമ്പരയുടെ തുടക്കത്തില്‍ അബ്ബാസ് 21ാം സ്ഥാനത്തായിരുന്നു. 800 റേറ്റിംഗ് പോയിന്റ് കടക്കുന്ന പത്താമത്തെ പാക്കിസ്ഥാന്‍ ബൗളറാണ് മുഹമ്മദ് അബ്ബാസ്.

ഓസ്ട്രേലിയയുടെ രണ്ടാം ഇന്നിംഗ്സ് 164 റണ്‍സില്‍ അവസാനിപ്പിച്ച് 373 റണ്‍സിന്റെ വിജയം സ്വന്തമാക്കി പാക്കിസ്ഥാന്‍. 43 റണ്‍സ് നേടിയ മാര്‍നസ് ലാബൂഷാനെ മാത്രമാണ് ഓസ്ട്രേലിയന്‍ നിരയില്‍ ചെറുത്ത് നില്പ് നടത്തിയത്. ട്രാവിസ് ഹെഡ് 36 റണ‍്സും ആരോണ്‍ ഫിഞ്ച് 31 റണ്‍സാണ് നേടിയത്. മുഹമ്മദ് അബ്ബാസ് 5 വിക്കറ്റും യസീര്‍ ഷാ 3 വിക്കറ്റും നേടിയാണ് പാക്കിസ്ഥാന്‍ ബൗളര്‍മാരില്‍ തിളങ്ങിയത്.

ആദ്യ ഇന്നിംഗ്സില്‍ 282 റണ്‍സ് നേടിയ പാക്കിസ്ഥാന്‍ രണ്ടാം ഇന്നിംഗ്സില്‍ 400/9 എന്ന നിലയില്‍ ഡിക്ലയര്‍ ചെയ്യുകയായിരുന്നു. ഓസ്ട്രേലിയയുടെ ആദ്യ ഇന്നിംഗ്സ് 145 റണ്‍സിനു അവസാനിക്കുകയായിരുന്നു.

അബു ദാബി ടെസ്റ്റിന്റെ രണ്ടാം ദിവസം ചായയ്ക്ക് പിരിയുമ്പോള്‍ പാക്കിസ്ഥാന്‍ 51/1 എന്ന നിലയില്‍. 188 റണ്‍സിന്റെ ലീഡാണ് പാക്കിസ്ഥാനു ഇപ്പോള്‍ കൈവശമുള്ളത്. രണ്ടാം ഇന്നിംഗ്സില്‍ ഫകര്‍ സമന്‍ 32 റണ്‍സും അസ്ഹര്‍ അലി 12 റണ്‍സും നേടി പുറത്താകാതെ നില്‍ക്കുകയാണ്. 6 റണ്‍സ് നേടിയ മുഹമ്മദ് ഹഫീസിനെയാണ് പാക്കിസ്ഥാന് നഷ്ടമായത്. വിക്കറ്റ് നേടിയത് മിച്ചല്‍ സ്റ്റാര്‍ക്കാണ്. നേരത്തെ ആദ്യ ഇന്നിംഗ്സില്‍ 282 റണ്‍സ് നേടിയ പാക്കിസ്ഥാനു മറുപടി ബാറ്റിംഗിനിറങ്ങിയ ഓസ്ട്രേലിയ 145 റണ്‍സിനു ഓള്‍ഔട്ട് ആവുകയായിരുന്നു.

മിച്ചല്‍ സ്റ്റാര്‍ക്ക് നേടിയ 34 റണ്‍സും മാര്‍നസ് ലാബൂഷാനെ നേടിയ 25 റണ്‍സുമാണ് ഓസ്ട്രേലിയന്‍ ഇന്നിംഗ്സിനെ 145 റണ്‍സിലേക്ക് എത്തിക്കുന്നത്. ആരോണ്‍ ഫിഞ്ചാണ് ഇന്നിംഗ്സിലെ ടോപ് സ്കോറര്‍. 39 റണ്‍സാണ് താരം നേടിയത്. മുഹമ്മദ് അബ്ബാസ് 5 വിക്കറ്റും ബിലാല്‍ ആസിഫ് മൂന്ന് വിക്കറ്റും നേടി.

അബു ദാബി ടെസ്റ്റില്‍ രണ്ടാം ദിവസത്തെ ആദ്യ സെഷനില്‍ തകര്‍ന്നടിഞ്ഞ് ഓസ്ട്രേലിയ. മുഹമ്മദ് അബ്ബാസും മറ്റു ബൗളര്‍മാരും നിറഞ്ഞാടിയ ആദ്യ സെഷനില്‍ 91/7 എന്ന പരിതാപകരമായ നിലയിലാണ് ഓസ്ട്രേലിയ ഇപ്പോള്‍. 39 റണ്‍സ് നേടിയ ആരോണ്‍ ഫിഞ്ച് ആണ് ഓസ്ട്രേലിയയുടെ ടോപ് സ്കോറര്‍. ഇന്നലെ രണ്ട് വിക്കറ്റ് വീഴ്ത്തിയ അബ്ബാസ് ഇന്നും വീണ ആദ്യത്തെ രണ്ട് വിക്കറ്റുകള്‍ സ്വന്തമാക്കുകയായിരുന്നു.

ഒരു വശത്ത് പിടിച്ച് നിന്ന ആരോണ്‍ ഫിഞ്ചിനെ ബിലാല്‍ ആസിഫ് പുറത്താക്കിയപ്പോള്‍ വൈസ് ക്യാപ്റ്റന്‍ മിച്ചല്‍ മാര്‍ഷിനെ യസീര്‍ ഷാ പുറത്താക്കി. 34.4 ഓവറില്‍ ടിം പെയിനിനെ ബിലാല്‍ ആസിഫ് വിക്കറ്റിനു മുന്നില്‍ കുടുക്കിയപ്പോള്‍ രണ്ടാം ദിവസം ലഞ്ചിനായി ടീമുകള്‍ പിരിഞ്ഞു.

10 റണ്‍സ് നേടിയ മാര്‍നസ് ലാബൂഷാനെ ആണ് ഇപ്പോള്‍ ക്രീസില്‍ നില്‍ക്കുന്ന താരം. മുഹമ്മദ് അബ്ബാസ് നാലും ബിലാല്‍ ആസിഫ് രണ്ടും വിക്കറ്റാണ് പാക്കിസ്ഥാനായി നേടിയത്.

പാക്കിസ്ഥാനു വേണ്ടി വേഗത്തില്‍ 50 വിക്കറ്റുകള്‍ നേടുന്ന പാക്കിസ്ഥാന്‍ പേസ് ബൗളറായി മാറുകയാണ് തന്റെ ആഗ്രഹമെന്ന് തുറന്ന് പറഞ്ഞ് മുഹമ്മദ് അബ്ബാസ്. ഇന്നലെ ഓസ്ട്രേലിയയുടെ മൂന്ന് വിക്കറ്റുകള്‍ വീഴ്ത്തിയ ശേഷം സംസാരിക്കുകയായിരുന്നു താരം. ആരോണ്‍ ഫിഞ്ച്, ഷോണ്‍ മാര്‍ഷ്, മിച്ചല്‍ മാര്‍ഷ് എന്നിവരുടെ വിക്കറ്റുകള്‍ വീഴ്ത്തി ഓസ്ട്രേലിയയെ 87/0 എന്ന നിലയില്‍ നിന്ന് 87/3 എന്ന നിലയിലേക്ക് തള്ളിയിട്ടത് അബ്ബാസ് ആയിരുന്നു.

യുഎഇയിലേക്ക് ഹോം ഗ്രൗണ്ട് രാഷ്ട്രീയവും മറ്റു കാരണങ്ങളാലും മാറ്റേണ്ടി വന്നതില്‍ പിന്നെ പാക്കിസ്ഥാന്‍ സ്പിന്നര്‍മാര്‍ക്ക് അനുകൂലമായി പിച്ചുകളാണ് ഒരുക്കിയിരുന്നത്. എന്നാല്‍ മുഹമ്മദ് അബ്ബാസാണ് പാക്കിസ്ഥാന്‍ പേസ് ബൗളര്‍മാരില്‍ ഈ പിച്ചുകളില്‍ നിന്ന് വിക്കറ്റുകള്‍ കൊയ്യുന്നത് ശീലമാക്കിയിരിക്കുന്ന താരം.

യസീര്‍ ഷായ്ക്കാണ് ഇപ്പോള്‍ പാക്കിസ്ഥാനു വേണ്ടി വേഗത്തില്‍ 50 വിക്കറ്റില്‍ നേടിയ താരമെന്ന റെക്കോര്‍ഡ്. 9 മത്സരത്തില്‍ നിന്ന് 49 വിക്കറ്റുകളാണ് താരത്തിനു ഇപ്പോള്‍ നേടാനായിട്ടുള്ളത്. ഇത്രയും മത്സരങ്ങളില്‍ നിന്നാണ് യസീര്‍ ഷാ ഈ നേട്ടം കൊയ്തത്. എന്നാല്‍ യസീര്‍ ഷായുടെ റെക്കോര്‍ഡ് തകര്‍ക്കുക എന്നതല്ല തനിക്ക് പാക് പേസര്‍മാരില്‍ ഈ നേട്ടം കൊയ്യുന്ന താരമായി മാറണമെന്നാണ് അബ്ബാസ് പറഞ്ഞത്.

10 മത്സരങ്ങളില്‍ നിന്ന് ഈ നേട്ടം കൊയ്തവരാണ് വഖാര്‍ യൂനിസ്, മുഹമ്മദ് ആസിഫ്, ഷബീര്‍ അഹമ്മദ് എന്നിവര്‍. ഇന്ന് ദുബായ് ടെസ്റ്റിലെ അവസാന ദിവസം ഒരു വിക്കറ്റ് നേടിയാല്‍ തനിക്ക് ഈ നേട്ടം സ്വന്തമാക്കാനാകുമെന്നതിനാല്‍ തന്നെ അത് നേടുകയെന്നതാവും അബ്ബാസ് ലക്ഷ്യം വെയ്ക്കുക.

ദുബായ് ടെസ്റ്റില്‍ ഓസ്ട്രേലിയയെ നാലാം ദിവസം അവസാന സെഷനില്‍ തിരിച്ചടിച്ച് പാക്കിസ്ഥാന്‍. മുഹമ്മദ് അബ്ബാസിന്റെ മൂന്ന് വിക്കറ്റ് നേട്ടത്തിലൂടെയാണ് ഓസ്ട്രേലിയയെ പാക്കിസ്ഥാന്‍ പ്രതിരോധത്തിലാക്കിയത്. ആരോണ്‍ ഫിഞ്ചും ഉസ്മാന്‍ ഖ്വാജയും ചേര്‍ന്ന് ഒന്നാം വിക്കറ്റില്‍ 87 റണ്‍സ് ചേര്‍ത്ത ശേഷമാണ് ടീമിന്റെ തകര്‍ച്ച.

തന്റെ രണ്ടാം അര്‍ദ്ധ ശതകത്തിനരികെയാണ് ഫിഞ്ച്(49) പുറത്തായത്. അതേ ഓവറിന്റെ അവസാന പന്തില്‍ മുഹമ്മദ് അബ്ബാസ് ഷോണ്‍ മാര്‍ഷിനെയും അടുത്ത ഓവറിലെ സഹോദരന്‍ മിച്ചല്‍ മാര്‍ഷിനെയും പുറത്താക്കിയതോടെ ഓസ്ട്രേലിയയുടെ നില പരുങ്ങലിലായി. 87/0 എന്ന നിലയില്‍ നിന്ന് 87/3 എന്ന നിലയിലേക്ക് വീണ ശേഷം ഓസ്ട്രേലിയ ദിവസം കൂടുതല്‍ വിക്കറ്റ് നഷ്ടമില്ലാതെ അവസാനിക്കുകയായിരുന്നു.

നാലാം ദിവസം അവസാനിക്കുമ്പോള്‍ ഓസ്ട്രേലിയ 136/3 എന്ന നിലയിലാണ്. 7 വിക്കറ്റുകള്‍ കൈവശമുള്ള ടീമിനു അവസാന ദിവസം വിജയത്തിനായി 326 റണ്‍സ് കൂടി നേടേണ്ടതുണ്ട്. 50 റണ്‍സുമായി ഉസ്മാന്‍ ഖ്വാജയ്ക്കൊപ്പം 34 റണ്‍സ് നേടിയ ട്രാവിസ് ഹെഡ് ആണ് ക്രീസില്‍ നില്‍ക്കുന്നത്.