മനീഷ് പാണ്ടേയെ മികച്ചൊരു സ്റ്റംപിംഗിലൂടെ സഞ്ജു സാംസണ് പുറത്താക്കിയിരുന്നുവെങ്കിലും അതിനു മുമ്പ് മനീഷ് പന്ത് എഡ്ജ് ചെയ്തതിനാല് കീപ്പര് ക്യാച്ച് രീതിയില് പുറത്തായി എന്ന തീരുമാനം അമ്പയര്മാര് കൈക്കൊള്ളുകയായിരുന്നു. എന്നാല് താന് ഒരിക്കലും മനീഷ് പന്ത് എഡ്ജ് ചെയ്തുവെന്ന് കരുതിയിരുന്നില്ലെന്ന് പറഞ്ഞ് സഞ്ജു സാംസണ്. സ്റ്റംപിംഗ് കഴിഞ്ഞ് ടീം നായകന് സ്റ്റീവ് സ്മിത്ത് തന്നോട് ഇക്കാര്യം ചോദിച്ചപ്പോള് താന് ആത്മവിശ്വാസത്തോടെ പറഞ്ഞത് അങ്ങനെ ഒരു സംഭവമില്ലെന്നായിരുന്നു.
താന് ഒരിക്കല് പോലും പന്ത് എഡ്ജ് ചെയ്തിരുന്നുവെന്ന് കരുതിയിരുന്നില്ലായിരുന്നുവെന്നാണ് സഞ്ജു പറഞ്ഞത്. ടീമിനു യോഗ്യതയ്ക്കുള്ള അവസരം ഇനിയും ഉണ്ടെന്നാണ് സഞ്ജു സാംസണ് പറയുന്നത്. ഇത്തരം ടൂര്ണ്ണമെന്റില് ഒന്നും അസംഭവ്യമല്ല, എന്തും സാധിക്കും. അതിനാല് തന്നെ യോഗ്യതയെകുറിച്ച് ഞങ്ങള് ഇപ്പോളും സ്വപ്നം കാണുന്നുണ്ടെന്നും സഞ്ജു വ്യക്തമാക്കി.
