Tag: Luis Suárez

ഉറുഗ്വേ ഇതിഹാസ താരം സുവാരസിന് ഗ്രീമിയോ ക്ലബിൽ സ്വപ്ന തുല്യമായ അരങ്ങേറ്റം. ഇന്ന് പുലർച്ചെ നടന്ന അരങ്ങേറ്റ മത്സരത്തിൽ സാവോ ലൂയിസിനെതിരെ 4-1 ന് ഗ്രീമിയോ ജയിച്ചപ്പോൾ അതിൽ മൂന്ന് ഗോളുകളും സുവാരസ് ആയിരുന്നു നേടിയത്. മത്സരത്തിൽ 38 മിനിറ്റിനുള്ളിൽ തന്നെ ഹാട്രിക്ക് നേടാൻ ലൂയിസ് സുവാരസിനായി. സുവാരസിന്റെ ഇന്നത്തെ ആദ്യ ടച്ച് തന്നെ ഗോളായിരുന്നു. ഒരു ചിപ് ഫിനിഷിലൂടെ ആയിരുന്നു ആദ്യ ഗോൾ.

സുവാരസിന്റെ കരിയറിലെ 30ആം ഹാട്രിക്ക് ആണിത്. 35-കാരനായ സുവാരസ് നാഷനൽ ക്ലബ് വിട്ടായിരുന്നു ഈ മാസം ഗ്രീമിയോക്ക് ഒപ്പം ചേർന്നത്. ഗ്രെമിയോയിൽ രണ്ട് വർഷത്തെ കരാർ സുവാരസ് ഒപ്പുവെച്ചിട്ടുണ്ട്.

മുൻ ബാഴ്‌സലോണ സ്‌ട്രൈക്കർ ലൂയിസ് സുവാരസ് ഇനി ബ്രസീലിൽ ഫുട്ബോൾ കളിക്കും. രണ്ട് വർഷത്തെ കരാറിൽ ബ്രസീൽ ക്ലബ് ഗ്രെമിയോയിൽ സുവാരസ് കരാർ ഒപ്പുവെച്ചിരിക്കുകയാണ്‌. ഇതു സംബന്ധിച്ച ഔദ്യോഗിക പ്രഖ്യാപനം വന്നു. സുവാരസ് ഫ്രീ ഏജന്റായിരുന്നു. അമേരിക്കയിൽ നിന്നും സൗദിയിൽ നിന്നുമുള്ള ഓഫറുകൾ നിരസിച്ചാണ് സുവാരസ് ബ്രസീലിലേക്ക് പോകുന്നത്.

ഉറുഗ്വേൻ ടീമായ നാഷനലിൽ ആയിരുന്നു സുവാരസ്. താരം നവംബറിൽ തന്റെ നാട്ടിലെ ക്ലബിനോട് വിടപറഞ്ഞിരുന്നു. ഉറുഗ്വേ ക്ലബ്ബിനായി 14 മത്സരങ്ങളിൽ നിന്ന് എട്ട് ഗോളുകൾ നേടാൻ സുവാരസിനായിരുന്നു. അവിടെ ലീഗ് കിരീടവും നേടി. ലിവർപൂൾ, അത്ലറ്റിക്കോ മാഡ്രിഡ് എന്നീ ക്ലബുകളിലും സുവാരസ് തന്റെ കഴിവ് മുമ്പ് തെളിയിച്ചിട്ടുണ്ട്.

ഉറുഗ്വേയിൽ പഴയ തട്ടകമായിരുന്ന നാഷ്യോനാലിൽ തിരിച്ചെത്തി മികച്ച പ്രകടനം നടത്തിയ ലൂയിസ് സുവാരസ്, തന്റെ ഭാവി എവിടെയാകും എന്നത് ഇപ്പോഴും തെറുമാനിച്ചിട്ടില്ല. നാഷ്യോനാലുമായുള്ള കരാർ അവസാനിച്ച താരം ലോകകപ്പിന് ശേഷം തുടർന്നും പന്ത് തട്ടാൻ പുതിയ തട്ടകം തേടേണ്ടത് അത്യാവശ്യമാണ്. അതേ സമയം ബ്രസീലിൽ നിന്നുമുള്ള ഒരു ഓഫർ താരം തള്ളിക്കളഞ്ഞു എന്ന വാർത്തയാണ് ഇപ്പോൾ പുറത്തു വരുന്നത്. ബ്രസീലിയൻ സീരി ബി ടീമായ ഗ്രീമിയോ ആണ് ഉറുഗ്വേ താരത്തിന് വേണ്ടി കരാർ മുന്നോട്ട് വെച്ചത് എന്ന് ഫാബ്രിസിയോ റൊമാനോ റിപ്പോർട്ട് ചെയ്യുന്നു.

സീരി ബിയിൽ രണ്ടാം സ്ഥാനത്ത് ഫിനിഷ് ചെയ്ത ടീം ഒന്നാം ഡിവിഷനിലേക്ക് കടക്കുന്നതിന് മുൻപ് ടീം ശക്തിപ്പെടുത്താനുള്ള ഒരുക്കത്തിൽ ആയിരുന്നു. എന്നാൽ മറിച്ചായിരുന്നു സുവരസിന്റെ തീരുമാനം. ഇതോടെ നിലവിൽ ഒരു ക്ലബ്ബും ഇല്ലാതെയാണ് താരം ലോകകപ്പിന് പോകുന്നത് എന്ന് ഉറപ്പായി. എംഎൽഎസ് ടീമുകൾക്ക് താരത്തിൽ കണ്ണുള്ളതായി സൂചനകൾ ഉണ്ട്. ലോകകപ്പിന് ശേഷം മാത്രമേ ഭാവി കാര്യങ്ങൾ തീരുമാനിക്കൂ എന്നായിരുന്നു സുവാരസിന്റെയും തീരുമാനം.

എംഎൽഎസിൽ എത്താൻ തന്നെയാണ് താരത്തിന്റെ പദ്ധതിയെന്ന് ഗ്രീമിയോ പ്രസിഡന്റ് അൽബെർട്ടോ ഗ്വേറ പറഞ്ഞു. താരവുമായി ബന്ധപ്പെട്ടു എന്നും എന്നാൽ തങ്ങളുടെ ഓഫറിൽ അദ്ദേഹം നന്ദി അറിയിച്ചെങ്കിലും തള്ളുകയാണ് ഉണ്ടായത് എന്നും അദ്ദേഹം പറഞ്ഞു. അമേരിക്കയിൽ പന്ത് തട്ടുന്നത് തന്നെയാണ് അദ്ദേഹത്തിന്റെ പദ്ധതി എന്നറിയിച്ചതായും ഗ്വേറ പറഞ്ഞു. എന്നാൽ എംഎൽഎസിൽ നിന്നുള്ള ഓഫറുകളെക്കാൾ മികച്ച ഓഫർ ആയിരുന്നു തങ്ങൾ സമർപ്പിച്ചത് എന്നും അദ്ദേഹം പറഞ്ഞു.

ലൂയിസ് സുവാരസ് ഈ വർഷം മാത്രമേ ഉറുഗ്വേയിൽ തുടരുകയുള്ളൂവെന്ന് ഉറപ്പായി. താരത്തിന്റെ നിലവിലെ ക്ലബ്ബ് ആയ നാഷ്യോനാലിന്റെ പ്രെസിഡന്റ് തന്നെയാണ് ഇക്കാര്യം വ്യക്തമാക്കിയത്. ക്ലബ്ബുംമായുള്ള താരത്തിന്റെ കരാർ ഡിസംബറോടെ അവസാനിക്കും എന്നതിനാൽ താരം അവിടെ തുടരില്ല എന്നത് നേരത്തെ ഉറപ്പായിരുന്നു. ക്ലബ്ബ് പ്രെസിഡന്റ് തന്നെ നൽകിയ സൂചനയോടെ അദ്ദേഹത്തെ ടീമിൽ നിലനിർത്താൻ ക്ലബ്ബും ശ്രമിക്കില്ല എന്നുള്ളത് സ്ഥിരീകരിച്ചു. “ലീഗ് അവസാനിക്കുന്നതോടെ സുവാരസ് ടീം വിടും, ആരാധകർക്ക് തെറ്റായ പ്രതീക്ഷ നൽകാൻ താൻ ആഗ്രഹിക്കുന്നില്ല, ക്ലബ്ബിലേക്ക് തിരിച്ചത്താൻ സുവാരസ് ഒരുപാട് വിട്ടുവീഴ്ച്ചകൾ ചെയ്തിട്ടുണ്ട്” നാഷ്യോനാൽ പ്രെസിഡന്റ് ഹോസെ ഫ്‌വെന്റസ് പറഞ്ഞു.

നവമ്പറോടെ ഉറുഗ്വേയൻ പ്രിമെറാ ഡിവിഷൻ അവസാനിക്കും. പിന്നീട് ലോകകപ്പിന് തിരിക്കുന്ന താരം അതിന് ശേഷമാകും തന്റെ പുതിയ തട്ടകം തേടുക. എംഎൽഎസ് തന്നെയാണ് നിലവിൽ താരം ചേക്കേറാൻ ഏറ്റവും സാധ്യതയുള്ള ഇടങ്ങളിൽ ഒന്ന്. സുവരസിന് യൂറോപ്പിൽ തന്നെ തുടരാനുള്ള ആഗ്രഹം പലതവണ വ്യക്തമാക്കിയിട്ടുള്ളതാണെങ്കിലും അതെത്രത്തോളം പ്രവർത്തികമാകും എന്നുള്ളത് കണ്ടറിയേണ്ടതാണ്. ഉറുഗ്വേയിൽ തിരിച്ചെത്തിയ ശേഷം എട്ട് മത്സരങ്ങളിൽ നിന്നും നാല് ഗോളും മൂന്ന് അസിസ്റ്റും നേടാൻ താരത്തിനായിരുന്നു.