Tag: Liverpool

സ്വാൻസിയോട് ഏറ്റ അപ്രതീക്ഷിത തോൽവിയിൽ നിന്ന് ലിവർപൂൾ കര കയറി. ഇത്തവണ ഹഡഴ്സ്ഫീൽഡ് ടൗണിനെ എതിരില്ലാത്ത 3 ഗോളുകൾക്ക് മറികടന്നാണ് ക്ളോപ്പും സംഘവും വിജയ വഴിയിൽ തിരിച്ചെത്തിയത്. ലിവർപൂളിനായി ചാൻ, സലാഹ്, ഫിർമിനോ എന്നിവരാണ് ഗോളുകൾ നേടിയത്.

റെക്കോർഡ് തുകക്ക് ടീമിൽ എത്തിച്ച വാൻ ഡേയ്ക്കിനെ ബെഞ്ചിൽ ഇരുത്തിയ ക്ളോപ്പ് ഇത്തവണ ലോവരനെ ആദ്യ ഇലവനിലേക്ക് തിരിച്ചു വിളിച്ചു. 26 ആം മിനുട്ടിൽ ചാനിലൂടെ ലിവർപൂൾ ആദ്യ ഗോൾ നേടി. 46 ആം മിനുട്ടിൽ ഫിർമിനോ നിയർ പോസ്റ്റിൽ മികച്ച ഫിനിഷിലൂടെ ലീഡ് രണ്ടാക്കിയതോടെ ആദ്യ പകുതിയിൽ ലിവർപൂൾ രണ്ടു ഗോളുകൾക്ക് മുന്നിലെത്തി.

രണ്ടാം പകുതിയിലും ലിവർപൂൾ ആധിപത്യം തുടർന്നപ്പോൾ ഹഡഴ്സ്ഫീൽഡ് ടൗണിന് കാര്യമായ ആക്രമണങ്ങൾ നടത്താനായില്ല. 78 ആം മിനുട്ടിൽ ചാനെ ബോക്സിൽ വീഴ്ത്തിയതിന് ലഭിച്ച പെനാൽറ്റി ഗോളാക്കി സലാഹ് ലിവർപൂളിന്റെ ജയം ഉറപ്പിക്കുകയായിരുന്നു. ജയത്തോടെ 50 പോയിന്റുള്ള ലിവർപൂൾ നിലവിൽ നാലാം സ്ഥാനത്താണ്‌. 24 പോയിന്റുള്ള ഹഡഴ്സ്ഫീൽഡ് 14 ആം സ്ഥാനത്താണ്.

കൂടുതൽ കായിക വാർത്തകൾക്ക് : www.facebook.com/FanportOfficial

സ്വാൻസിയോട് ഏറ്റ അപ്രതീക്ഷിത തോൽവിക്ക് ശേഷം ലിവർപൂൾ ഇന്ന് ഹഡഴ്സ്ഫീൽഡ് ടൗണിനെ നേരിടും. അവസാന 2 ലീഗ് മത്സരങ്ങളിൽ ഒരു തോൽവിയും ഒരു സമനിലയുമാണ് ക്ളോപ്പിന്റെ ടീമിന്റെ സമ്പാദ്യം. കൂടാതെ വെസ്റ്റ് ബ്രോമിനോട് തോറ്റ് അവർ എഫ് എ കപ്പിൽ നിന്നും പുറത്തായിരുന്നു. പക്ഷെ ലിവർപൂളിന്റെ ആക്രമണ നിരയെ ഹഡഴ്സ്ഫീൽഡ് എങ്ങനെ നേരിടും എന്നതിനെ അനുസരിച്ചിരിക്കും മത്സര ഫലം. ഇന്ത്യൻ സമയം പുലർച്ചെ 1.15 നാണ് മത്സരം കിക്കോഫ്.

വാൻ ഡയ്ക്ക് വന്നിട്ടും ശെരിയാവാത്ത പ്രതിരോധ നിരയുടെ ഫോം തന്നെയാണ് ക്ളോപ്പ് നേരിടുന്ന പ്രധാന വെല്ലുവിളി. സീസണിൽ ആദ്യമായി ലിവർപൂൾ ആക്രമണ നിര സ്വാൻസിയോട് നിറം മങ്ങിയെങ്കിലും ആശങ്കപ്പെടാൻ മാത്രം പ്രശ്നങ്ങൾ ഇല്ല. ലിവർപൂൾ നിരയിലേക്ക് ജോർദാൻ ഹെൻഡേഴ്സൻ തിരിച്ചെത്തിയേക്കും. പക്ഷെ ക്ലാവനും ആദം ലല്ലാനയും കളിക്കാൻ സാധ്യതയില്ല. ഇരുവർക്കും പരിക്കാണ്.  ഹഡഴ്സ്ഫീൽഡ് നിരയിൽ ഡാനി വില്യംസ് കളിക്കാൻ സാധ്യതയില്ല. പക്ഷെ കോംഗോളോ ടീമിൽ തിരിച്ചെത്തിയേക്കും.

കൂടുതൽ കായിക വാർത്തകൾക്ക് : www.facebook.com/FanportOfficial

പുതുവർഷം ലിവർപൂളിന് ആവേശ തുടക്കം. ബേൺലിയെ 1-2 ന് മറികടന്നാണ് ക്ളോപ്പും സംഘവും പുതുവർഷത്തിൽ ആദ്യ പ്രീമിയർ ലീഗ് ജയം സ്വന്തമാക്കിയത്. സ്കോർ 1-1 ഇൽ നിൽക്കെ 94 ആം മിനുട്ടിൽ ക്ലാവൻ നേടിയ ഗോളാണ് ലിവർപൂളിന് ജയം സമ്മാനിച്ചത്‌. ജയത്തോടെ ലിവർപൂൾ 44 പോയിന്റുമായി നാലാം സ്ഥാനത്താണ്‌. 34 പോയിന്റുള്ള ബേൺലി ഏഴാം സ്ഥാനത് തുടരും.

അവസാന ലീഗ് മത്സരം കളിച്ച ടീമിൽ നിന്ന് ഏറെ മാറ്റങ്ങളുമായാണ് ലിവർപൂൾ ഇന്നിറങ്ങിയത്. ഫിർമിനോ,സലാഹ്, കുട്ടീഞ്ഞോ എന്നിവർക്ക് പകരം സോളൻകെ, ലല്ലാന, ചേമ്പർലൈൻ എന്നിവർ ഇടം നേടി.  ആദ്യ പകുതിയിൽ ഇരു ടീമുകളും ഒപ്പത്തിനൊപ്പം നിന്നപ്പോൾ അവസരങ്ങൾ സൃഷ്ടിക്കുന്നതിൽ ഇരു ടീമുകളും പരാജയപ്പെട്ടു. രണ്ടാം പകുതിയിലാണ് ലിവർപൂൾ അകൗണ്ട് തുറന്നത്. 61 ആം മിനുട്ടിൽ മാനെയുടെ മികച്ച ഷോട്ട് ബേൺലി വലയിൽ പതിക്കുകയായിരുന്നു. പക്ഷെ തോൽവി അത്ര പെട്ടെന്ന് അംഗീകരിക്കാതിരുന്ന ബേൺലി നിരന്തരം ശ്രമം തുടർന്നപ്പോൾ 87 ആം മിനുട്ടിൽ അവർ സമനില ഗോൾ കണ്ടെത്തി. ഗുഡ്മുൻസനാണ് അവരുടെ ഗോൾ നേടിയത്. പക്ഷെ കളി തീരാൻ സെക്കന്റുകൾ ബാക്കി നിൽക്കെ ലോവരന്റെ പാസ്സ് ക്ലാവൻ വലയിലാക്കി ലിവർപൂളിന് 2018 ലെ ആദ്യ ജയം സ്വന്തമാകുകയായിരുന്നു.

കൂടുതൽ കായിക വാർത്തകൾക്ക് : www.facebook.com/FanportOfficial

പ്രീമിയർ ലീഗിൽ പുതുവർഷത്തിൽ ലിവർപൂളിന് ബേൺലി കടമ്പ. ബേൺലിയുടെ മൈതാനമായ ടർഫ് മൂറിലാണ് മത്സരം എന്നത് ലിവർപൂളിന് കാര്യങ്ങൾ കടുത്തതാവും എന്ന് ഉറപ്പാണ്. മികച്ച പ്രതിരോധത്തിന് പേര് കേട്ട ബേൺലിയും ആക്രമണ ഫുട്‌ബോളിന്റെ വക്താക്കളായ ക്ളോപ്പിന്റെ ലിവർപൂളും ഏറ്റു മുട്ടുമ്പോൾ അത് മികച്ചൊരു പുതുവത്സര സമ്മാനമാവും എന്ന് ഉറപ്പാണ്. നിലവിൽ നാലാം സ്ഥാനത്താണ്‌ ലിവർപൂൾ. ബേൺലി ഏഴാം സ്ഥാനത്തും. ഇന്ന് രാത്രി 8.30 നാണ് മത്സരം കിക്കോഫ്

ലെസ്റ്ററിന് എതിരായ 2-1 ന്റെ ജയത്തിന് ശേഷമാണ് ലിവർപൂൾ ഇന്നത്തെ മത്സരത്തിന് എത്തുന്നത്. ബേൺലി ഹഡഴ്സ് ഫീൽഡിനെതിരായ ഗോൾ രഹിത സമനിലക്ക് ശേഷവും. ബേൺലി നിരയിലേക്ക് സ്‌ട്രൈക്കർ ക്രിസ് വുഡ് തിരിച്ചെത്തിയേക്കും. കൂടാതെ സസ്‌പെൻഷൻ മാറി ജെയിംസ് ടർക്കോസ്‌കി തിരിച്ചെത്തും. ലിവർപൂൾ നിരയിൽ പരിക്കേറ്റ ടോപ്പ് സ്‌കോറർ സലാഹ് ഇന്ന് കളിച്ചേക്കില്ല. കഴിഞ്ഞ സീസണിൽ ഇതേ ഫിക്‌സ്ച്ചറിൽ ബേൺലി എതിരില്ലാത്ത 2 ഗോളുകൾക്ക് ജയിച്ചിരുന്നു. ഈ സീസണിൽ ആൻഫീൽഡിൽ ഇരു ടീമുകളും ഏറ്റു മുട്ടിയപ്പോൾ 1-1 ന്റെ സമനിലയായിരുന്നു ഫലം.

കൂടുതൽ കായിക വാർത്തകൾക്ക് : www.facebook.com/FanportOfficial