Category: Wrestling

പങ്കെടുത്ത പന്ത്രണ്ട് വിഭാഗങ്ങളിലും ഗുസ്തിയിൽ മെഡൽ നേടി ഇന്ത്യ. പുരുഷന്മാരുടെ 97 കിലോഗ്രാം ഫ്രീ സ്റ്റൈൽ ഗുസ്തിയിൽ ദീപക് മെഹ്റ ഇന്ത്യക്ക് ആയി വെങ്കലം നേടി നൽകി.

പാക്കിസ്ഥാൻ താരം തയബ് റാസയെ 10-2 നു തോൽപ്പിച്ചു ആണ് ദീപക് ഇന്ത്യക്ക് ഗുസ്തിയിലെ പന്ത്രണ്ടാം മെഡൽ സമ്മാനിച്ചത്. കരിയറിലെ ആദ്യ അന്താരാഷ്ട്ര മെഡൽ നേട്ടം ആണ് ദീപകിന്‌ ഇത്. ഈ മെഡൽ നേട്ടത്തോടെ ഇന്ത്യൻ മെഡൽ നേട്ടം 37 ആയി ഉയർന്നു.

കോമൺവെൽത്ത് ഗെയിംസിൽ ഇന്ത്യക്ക് 35 മത്തെ മെഡൽ നേട്ടം സമ്മാനിച്ചു വീണ്ടും ഗുസ്തി. ഗുസ്തിയിൽ ഇന്ത്യയുടെ പതിനൊന്നാം മെഡൽ ആണ് ഇത്. വനിതകളുടെ 78 കിലോഗ്രാം വിഭാഗത്തിൽ പൂജ സിഹാങ് ആണ് ഇന്ത്യക്ക് വെങ്കല മെഡൽ സമ്മാനിച്ചത്.

വെങ്കല മെഡലിന് ആയുള്ള പോരാട്ടത്തിൽ ഓസ്‌ട്രേലിയൻ താരം നയോമി ഡി ബ്രുയിനെ ആണ് പൂജ തോൽപ്പിച്ചത്. ഏകപക്ഷീയമായ പോരാട്ടത്തിൽ 11-0 എന്ന സ്കോറിന് ആയിരുന്നു ഇന്ത്യൻ താരത്തിന്റെ വിജയം. ഇന്ന് മാത്രം ഇന്ത്യ ഗുസ്തിയിൽ നേടുന്ന അഞ്ചാം മെഡൽ ആണ് ഇത്.

കോമൺവെൽത്ത് ഗെയിംസിൽ ഗുസ്തിയിൽ ഇന്ന് നടന്ന ആറു വിഭാഗത്തിലും മെഡൽ സ്വന്തമാക്കി ഇന്ത്യ. ഇന്ന് മൂന്നു സ്വർണവും ഒരു വെള്ളിയും നേടിയ ഇന്ത്യക്ക് പിന്നീട് രണ്ടു വെങ്കല മെഡലുകൾ കൂടി ലഭിച്ചു. വനിതകളുടെ 68 കിലോഗ്രാം ഫ്രീ സ്റ്റൈലിൽ ടോംഗയുടെ ടൈഗർ ലില്ലി കോക്കറെ വെറും 26 സെക്കന്റുകൾക്ക് ഉള്ളിൽ മലർത്തി അടിച്ച ദിവ്യ കക്റാൻ വെങ്കലം നേടുക ആയിരുന്നു.

ഇത് തുടർച്ചയായ രണ്ടാം കോമൺവെൽത്ത് ഗെയിംസിൽ ആണ് ദിവ്യ മെഡൽ സ്വന്തമാക്കുന്നത്. അതേസമയം പുരുഷന്മാരുടെ 125 കിലോഗ്രാം ഫ്രീ സ്റ്റൈൽ ഗുസ്തിയിൽ മോഹിത് ഗ്രവാലും ഇന്ത്യക്ക് വെങ്കലം സമ്മാനിച്ചു. ജമൈക്കയുടെ ആരോൺ ജോൺസനെ തോൽപ്പിച്ചു ആയിരുന്നു മോഹിതിന്റെ വെങ്കല നേട്ടം. ഗുസ്തിയിൽ ഇന്ത്യയുടെ ആറാം മെഡലും മൊത്തം 26 മത്തെയും മെഡലും ആയിരുന്നു ഇത്.