ഏഷ്യന് ഗുസ്തി ചാമ്പ്യന്ഷിപ്പിന്റെ ഫൈനലില് കടന്ന് മൂന്ന് ഇന്ത്യന് താരം. ടോക്കിയോയിലെ മെഡൽ ജേതാക്കളായ രവി കുമാര് ദഹിയ, ബജ്രംഗ് പൂനിയ എന്നിവര്ക്ക് പുറമെ ഗൗരവ് ബലിയനും ഫൈനലില് പ്രവേശിച്ചിട്ടുണ്ട്. ഗൗരവ് 79 കിലോ വിഭാഗത്തിലും ബജ്രംഗ് 65 കിലോ വിഭാഗത്തിലും രവി കുമാര് 57 കിലോ വിഭാഗത്തിലുമാണ് ഫൈനലില് കടന്നത്.
ഇന്നലെ വനിത താരങ്ങള് 5 മെഡലുകളാണ് നേടിയത്. 2 വെള്ളിയും 3 വെങ്കലവും ആണ് ടീം നേടിയത്. അന്ഷു മാലിക്, രാധിക എന്നിവര് വെള്ളിയും സരിത മോര്, സുഷമ, മനീഷ എന്നിവര് 3 വെങ്കലവും നേടുകയായിരുന്നു. കഴിഞ്ഞ പതിപ്പിൽ ഇന്ത്യന് വനിത ഗുസ്തിക്കാര് 7 മെഡലുകളാണ് നേടിയത്. ഇതിൽ 4 സ്വര്ണ്ണം അടങ്ങിയിരുന്നു.