15 സ്വര്‍ണ്ണം അടക്കം 30 മെഡലുമായി ഇന്ത്യ, ഷൂട്ടിംഗ് ലോകകപ്പില്‍ ബഹുദൂരം മുന്നില്‍

Indiashooting
- Advertisement -

ന്യൂ ഡല്‍ഹിയില്‍ നടന്ന ഐഎസ്എസ്എഫ് ഷൂട്ടിംഗ് ലോകകപ്പില്‍ 30 മെഡലുകളുമായി ഇന്ത്യ. രണ്ടാം സ്ഥാനത്തുള്ള യുഎസ്എയെക്കാള്‍ ബഹുദൂരം മുന്നിലാണ് ഇന്ത്യ മെഡല്‍ പട്ടികയില്‍. ഇന്ത്യയ്ക്ക് 15 സ്വര്‍ണ്ണവും 9 വെള്ളിയും 6 വെങ്കലവുമാണ് സ്വന്തമാക്കാനായത്. രണ്ടാം സ്ഥാനത്തുള്ള യുഎസ്എയ്ക്ക് ആകെ എട്ട് മെഡലാണ് സ്വന്തമായിട്ടുള്ളത്. 4 സ്വര്‍ണ്ണവും മൂന്ന് വെള്ളിയും 1 വെങ്കലവുമാണ് യുഎസ്എയുടെ സമ്പാദ്യം.

രണ്ട് സ്വര്‍ണ്ണവും രണ്ട് വെങ്കലവുമുള്ള ഇറ്റലിയും 2 സ്വര്‍ണ്ണവും ഒരു വെങ്കലവുമുള്ള ഡെന്മാര്‍ക്കുമാണ് മൂന്നും നാലും സ്ഥാനങ്ങളില്‍. 1 സ്വര്‍ണ്ണം മൂന്ന് വീതം വെള്ളിയും വെങ്കലവുമുള്ള പോളണ്ട് അഞ്ചാം സ്ഥാനത്ത് എത്തി.

Advertisement